Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Luku 19:1-48

NUHE E BẸHẸN LẸ

  • Jesu basi dlapọn na Zaṣe (1-10)

  • Apajlẹ mina ao lọ lẹ tọn (11-27)

  • Jesu biọ tòdaho lọ mẹ to awhàngbigba mẹ (28-40)

  • Jesu viavi do Jelusalẹm ji (41-44)

  • Jesu klọ́ tẹmpli lọ wé (45-48)

19  E sọ biọ Jẹliko bo juwajei.  Todin, dawe de tin to finẹ he nọ yin Zaṣe; ewọ yin ogán tòkuẹ-ṣinyantọ lẹ tọn de, bo yin adọkunnọ.  Nalete, ewọ to tintẹnpọn nado mọ Jesu ehe, ṣigba e ma sọgan mọ ẹn, na gbẹtọgun lọ wutu, na ewọ whègli.  Enẹwutu, ewọ họ̀nwezun yì nukọn bo hẹ atin sikomoli tọn* de ji nado sọgan mọ ẹn, na aliho enẹ ji wẹ e na gbọn wutu.  Todin, to whenue Jesu jẹ filọ, e pọ́n aga bo dọna ẹn dọmọ: “Zaṣe, yawu bo jẹte, na yẹn dona nọ owhé towe gbè to egbé.”  Enẹwutu, e yawu jẹte bo yí ayajẹ do yí jonọ etọn.  Whenue yé mọ ehe, yemẹpo jẹ hùnhlún ji dọmọ: “E yì owhé dawe he yin ylandonọ de tọn gbè.”+  Ṣigba, Zaṣe fọnṣite bo dọna Oklunọ dọmọ: “Pọ́n! Oklunọ, odaa nutindo ṣie lẹ tọn wẹ yẹn na na wamọnọ lẹ, podọ nudepope he yẹn hòyí* wẹ yẹn na gọ̀ jo do donu ẹnẹ ji.”+  Enẹwutu, Jesu dọna ẹn dọmọ: “Whlẹngán ko wá owhé ehe gbè to egbé, na visunnu Ablaham tọn de wẹ ewọ lọsu yin. 10  Na Visunnu gbẹtọ tọn wá nado dín podọ nado whlẹn mẹhe bu lẹ gán.”+ 11  Dile yé to todoaina onú ehelẹ, e sọ vọ́ na apajlẹ devo, na e ko sẹpọ Jelusalẹm bọ yé to linlẹn dọ Ahọluduta Jiwheyẹwhe tọn na yin hinhẹn sọawuhia to afọdopolọji.+ 12  Enẹwutu, e dọmọ: “Dawe de he tọ́n sọn whẹndo he diyin de mẹ jlo na tọ́nwhẹ̀n yì otò dindẹn de mẹ+ nado mọ aṣẹpipa ahọlu-yinyin tọn yí, bo nasọ lẹkọ. 13  To whenue e ylọ ao to afanumẹ etọn lẹ mẹ pli, e na yé mina* ao bo dọna yé dọ, ‘Mì yí yé do wàjọ kaka yẹn nado wá.’+ 14  Ṣigba, tòvi etọn lẹ gbẹwanna ẹn bo do pipli afọzedaitọ lẹ tọn de hlan jẹgodona ẹn, nado dọ, ‘Mí ma jlo dọ dawe ehe ni lẹzun ahọlu do mí ji.’ 15  “To godo mẹ, to whenue e ko mọ aṣẹpipa ahọlu-yinyin tọn* lọ yí bo lẹkọ, e ylọ afanumẹ he e ko na akuẹ* lọ lẹ pli nado sọgan yọ́n ale he yé ko dù sọn ajọ́ he yé wà lọ mẹ.+ 16  Enẹwutu, tintan lọ wá bo dọmọ, ‘Oklunọ, mina towe ko duale mina ao tọn.’+ 17  E dọna ẹn dọmọ, ‘A basi do ganji, hiẹ afanumẹ dagbe! Na hiẹ ko do dewe hia nado yin nugbonọ to onú pẹvi tlala de mẹ wutu, paṣẹ do tòdaho ao ji.’+ 18  Todin, awetọ lọ wá bo dọmọ, ‘Oklunọ, mina towe ji mina atọ́n.’+ 19  E dọna ewọ lọsu dọ, ‘Hiẹ lọsu ni paṣẹ do tòdaho atọ́n ji.’ 20  Ṣigba, devo wá bo dọmọ, ‘Oklunọ, mina towe die, he yẹn whlá do avọ̀ de mẹ. 21  Pọ́n, yẹn dibusi we, na gbẹtọ fifiẹtọ de wẹ hiẹ; hiẹ nọ yí nuhe hiẹ ma zedai podọ hiẹ nọ gbẹ̀n nuhe hiẹ ma do.’+ 22  E dọna ẹn dọ, ‘Gbọn ohó towe dali wẹ yẹn na dawhẹna we, hiẹ afanumẹ ylankan. A yọnẹn domọ, dọ yẹn yin gbẹtọ fifiẹtọ de, he nọ yí nuhe yẹn ma zedai bo nọ gbẹ̀n nuhe yẹn ma do, kavi e ma yin mọ wẹ?+ 23  To whelọnu lo, naegbọn hiẹ ma ze akuẹ* ṣie do akuẹsẹdotẹn? To whenẹnu, whenue yẹn wá, yẹn na ko yí i po akuẹvi po.’ 24  “Enẹwutu, e dọna mẹhe to ote to finẹ lẹ dọ, ‘Mì yí mina lọ sọn e si bo yí i na mẹhe tindo mina ao lọ.’+ 25  Ṣigba, yé dọna ẹn dọ, ‘Oklunọ, ewọ ko tindo mina ao!’— 26  ‘Yẹn dọna mì dọ, mẹdepope he tindo, e na yin nina ẹn dogọ, ṣigba na mẹhe ma tindo, yèdọ nuhe e tlẹ tindo na yin yíyí sọn e si.+ 27  Humọ, mì plan kẹntọ ṣie ehelẹ, he ma jlo dọ yẹn ni lẹzun ahọlu do yé ji lẹ wáfi bo hù yé to nukọn ṣie.’” 28  Whenue e ko dọ onú ehelẹ godo, e jẹnukọn, bo hẹji dedo Jelusalẹm. 29  Podọ to whenue e sẹpọ Bẹtfagi po Bẹtani po to osó he nọ yin Osó Olivie tọn ji,+ e do awe to devi lẹ mẹ hlan,+ 30  bo dọmọ: “Mì yì gbétatò he mì to mimọ hlan lọ mẹ, podọ to bibiọ e mẹ godo, mì na mọ kẹtẹkẹtẹvu de to sìnsìn, ehe ji mẹdepope ma ko sinai do pọ́n. Mì tún in bo hẹn ẹn wáfi. 31  Ṣigba, eyin mẹde kanbiọ mì dọ, ‘Naegbọn mì do to túntún in?’ nuhe mì na dọ lọ die, ‘Oklunọ tindo nuhudo etọn.’” 32  Enẹwutu, mẹhe yin didohlan lọ lẹ yì bo mọ kẹdẹdile e ko dọna yé do.+ 33  Ṣigba, dile yé to kẹtẹkẹtẹvu lọ tún, klunọ etọn lẹ dọna yé dọmọ: “Naegbọn mì do to kẹtẹkẹtẹvu lọ tún?” 34  Yé dọmọ: “Oklunọ tindo nuhudo etọn.” 35  Yé sọ hẹn ẹn wá Jesu dè bo dlan awugbó yetọn lẹ do kẹtẹkẹtẹvu lọ ji bosọ ze Jesu sinai do e ji.+ 36  Dile e to yìyì, yé to awugbó yetọn lẹ tẹ́ do aliji.+ 37  Dile e sẹpọ aliho he yì Osó Olivie tọn kọ̀n, agundaho devi etọn lẹ tọn lẹpo jẹ ayajẹ ji bo to Jiwheyẹwhe pà po ogbè lélé de po, na azọ́n huhlọnnọ he yé ko mọ lẹ, 38  bo to didọmọ: “Donanọ wẹ mẹlọ he ja taidi Ahọlu to oyín Jehovah* tọn mẹ! Jijọho to olọn mẹ, podọ gigo hlan ewọ he tin to oji aga!”+ 39  Ṣigba, delẹ to Falesi he to gbẹtọgun lọ mẹ lẹ dọna ẹn dọmọ: “Mẹplọntọ, gbẹnuna devi towe lẹ.”+ 40  Ṣigba, e gblọn dọmọ: “Yẹn dọna mì dọ, eyin omẹ ehelẹ nabọẹ, zannu lẹ na dawhá jẹgbonu.” 41  Podọ to whenue e dọnsẹpọ, e pọ́n tòdaho lọ bo viavi do e ji,+ 42  dọmọ: “Eyin hiẹ lọsu ko mọnukunnujẹ nuhe nọ hẹn jijọho wá lẹ mẹ to azán ehe gbè wẹ—ṣigba todin, yé ko yin whiwhla do nukun towe lẹ.+ 43  Na azán lẹ na wá ji we whenuena kẹntọ towe lẹ na yí opò tlọ́ntlọ́n lẹ do dó figángán de lẹdo we bo na lẹdo we pé bo nasọ tọ́nawhàn* we to awà lẹpo ji.+ 44  Yé nasọ họ́ hiẹ po ovi towe he to hiẹ mẹ lẹ po liai,+ podọ yé ma na jo zannu de do zannu de ji to hiẹ mẹ,+ na hiẹ ma mọnukunnujẹ ojlẹ dlapọn towe tọn mẹ wutu.” 45  Enẹgodo, e biọ tẹmpli mẹ bo jẹ mẹhe to nusà lẹ yàn jẹgbonu ji,+ 46  bo to didọna yé dọmọ: “E ko yin kinkan dọ, ‘Ohọ̀ ṣie na yin ohọ̀ odẹ̀ tọn,’+ ṣigba mìwlẹ ko hẹn ẹn zun odò jaguda lẹ tọn.”+ 47  E nọ to mẹplọn to tẹmpli mẹ egbesọegbesọ. Ṣigba, yẹwhenọgán lẹ po wekantọ lẹ po gọna mẹhe yin nukundeji to gbẹtọ lẹ mẹ lẹ to dindin nado hù i;+ 48  amọ́ yé ma mọ aliho depope nado wàmọ, na gbẹtọ lẹpo wẹ to hihá do e nado sè ohó etọn.+

Nudọnamẹ Odò Tọn

Kavi “ovòtin.”
Kavi “hòyí gbọn whẹsadokọnamẹ agọ̀ dali.”
Mina Glẹki tọn dopo nọ pẹ̀n sọ g 340 bo nọ yin pinpọnhlan nado sọzẹn hẹ dlakma 100. Pọ́n Nud. B14.
Kavi “mọ ahọluduta.”
To paa mẹ, “fataka.”
To paa mẹ, “fataka.”
Pọ́n Nud. A5.
Kavi “hẹn awusinyẹn.”