Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Luku 17:1-37

NUHE E BẸHẸN LẸ

  • Ahlidida, jonamẹ po yise po (1-6)

  • Afanumẹ nuvọ́nọ lẹ (7-10)

  • Pòtọnọ ao jẹgangan (11-19)

  • Ahọluduta Jiwheyẹwhe tọn na wá (20-37)

    • Ahọluduta lọ “to mì ṣẹnṣẹn” (21)

    • “Mì flin asi Lọti tọn” (32)

17  To whenẹnu, e dọna devi etọn lẹ dọmọ: “E glo nado dapana nuhe nọ hẹnmẹ dahli lẹ. Etomọṣo, dindọn hlan mẹhe gblamẹ yé gbọn do wá!  E na ko pọnte na ẹn hugan eyin yè sìn gilisé de dokọna ẹn bọ ewọ yin dindọn dlan hùmẹ hú dọ ewọ ni hẹn dopo to omẹ pẹvi ehelẹ mẹ dahli.+  Mì payi mìde go. Eyin mẹmẹsunnu towe waylando de, gbẹnuna ẹn,+ podọ eyin e lẹnvọjọ, jona ẹn.+  Eyin e tlẹ waylando do we whla ṣinawe to gbèdopo bo lẹkọwa dè we whla ṣinawe, bo dọmọ, ‘Yẹn lẹnvọjọ,’ hiẹ dona jona ẹn.”+  Todin, apọsteli lẹ dọna Oklunọ dọmọ: “Do yise yise ji na mí.”+  Whenẹnu, Oklunọ dọmọ: “Eyin mì tindo yise he sọ okún mutaldi tọn* de, mì na dọna atin sikamini tọn ehe dọ, ‘Họ̀n adọ̀ bo yin dido do hùmẹ!’ e nasọ setonuna mì.+  “Mẹnu to mì mẹ wẹ na tindo afanumẹ de he to aigba-jlo kavi to kanlin yìn bọ to whenue e lẹkọ sọn glemẹ, ewọ na dọna ẹn dọ, ‘Wáfi to afọdopolọji bo dùnú to tafo kọ̀n’?  Kakatimọ, be e ma na dọna ẹn dọ, ‘Wleawu nude tọn na mi nado dù to whèjai, bo ze azọ́nvọ̀ do bosọ yilizọn na mi kakajẹ whenue yẹn na dù bo nù fó, to enẹgodo hiẹ sọgan dù bo nù’?  E ma na dopẹna afanumẹ lọ, na ewọ wà nuhe yin didena ẹn lẹ wutu, kavi e na wàmọ wẹ? 10  Mọdopolọ, to whenue mì ko wà nuhe yin didena mì lẹ godo, mì dọ: ‘Afanumẹ madoalenọ lẹ wẹ mí. Nuhe mí dona wà wẹ mí wà.’”+ 11  Whenue e jei Jelusalẹm, e to jujugbọn Samalia po Galili po ṣẹnṣẹn. 12  Dile ewọ sọ to gbétatò de mẹ biọ, dawe pòtọnọ ao mọ ẹn, ṣigba yé ṣite to olá.+ 13  Yé sọ ze ogbè yetọn lẹ daga bo dọmọ: “Jesu, Nuplọnmẹtọ, wàlẹblanuna mí!” 14  Whenue e mọ yé, e dọna yé dọmọ: “Mì yì, bo do mìde hia yẹwhenọ lẹ.”+ Enẹgodo, dile yé to yìyì, yé yin kiklọ́we.+ 15  To whenuena dopo to yé mẹ mọdọ azọ̀n emitọn ko gbọ, e lẹkọwa godo bo to gigopana Jiwheyẹwhe po ogbè lélé po. 16  E ṣinyọ́n nukunmẹ ai to afọ Jesu tọn go, bo to pẹdona ẹn. Humọ, Samalianu de wẹ ewọ.+ 17  Jesu dọmọ: “Mì omẹ ao lẹpo wẹ yin kiklọ́we, kavi e ma yin mọ wẹ? To whelọnu lo, fie wẹ omẹ ṣinẹnẹ he pò lẹ te? 18  Be mẹdevo depope ma lẹkọwa nado pagigona Jiwheyẹwhe gbọnvona dawe ehe he wá sọn akọta devo mẹ wẹ?” 19  Whenẹnu, e dọna ẹn dọmọ: “Fọ́n bo yì; yise towe ko hẹn we jẹgangan.”+ 20  Falesi lẹ sọ kanse e whenue Ahọluduta Jiwheyẹwhe tọn na wá,+ e gblọnna yé dọmọ: “Ahọluduta Jiwheyẹwhe tọn ma na wá to aliho he na dọ̀n ayidonugo mẹ; 21  mọdopolọ gbẹtọ lẹ ma to na dọ, ‘Mì pọ́n fi!’ kavi, ‘Dọ́n!’ Na mì pọ́n! Ahọluduta Jiwheyẹwhe tọn tin to mì ṣẹnṣẹn.”+ 22  Enẹgodo, e dọna devi lẹ dọmọ: “Azán lẹ ja whenue mìwlẹ na jlo nado mọ dopo to azán Visunnu gbẹtọ tọn lẹ tọn mẹ, ṣigba bọ mì ma na mọ ẹn. 23  Gbẹtọ lẹ nasọ dọna mì dọ, ‘Mì pọ́n dọ́n!’ kavi, ‘Mì pọ́n fi!’ Mì tọ́nyi kavi doafọna yé blo.+ 24  Na kẹdẹdile abì nọ gbòdlán sọn awà olọn tọn de ji jẹ awà olọn tọn devo ji do, mọ wẹ azán osọhia Visunnu gbẹtọ tọn+ na te.+ 25  Ṣigba, jẹnukọn whẹ́, ewọ dona jugbọn yajiji susu mẹ bo yin gbigbẹdai gbọn whẹndo ehe dali.+ 26  Humọ, kẹdẹdile e jọ to azán Noa tọn lẹ gbè do,+ mọdopolọ wẹ e na te do to azán Visunnu gbẹtọ tọn tọn lẹ gbè:+ 27  yé to dùdù, yé to nùnù, sunnu lẹ to alọwle, yọnnu lẹ to yinyin nina to alọwle mẹ kakajẹ azán enẹ gbè he Noa biọ aki lọ mẹ,+ bọ Singigọ wá bo và yemẹpo sudo.+ 28  Mọdopolọ, kẹdẹdile e jọ to azán Lọti tọn lẹ gbè do:+ yé to dùdù, yé to nùnù, yé to hihọ̀, yé to sisà, yé to dido, yé to ohọ̀ gbá. 29  Ṣigba, to gbeegbe Lọti tọ́n sọn Sodọmi, jikun miyọ́n po whèmi po tọn ja sọn olọn mẹ bo và yemẹpo sudo.+ 30  Mọdopolọ wẹ e na te do to azán enẹ gbè whenue Visunnu gbẹtọ tọn na sọawuhia.+ 31  “To azán enẹ gbè, mì gbọ mẹhe to họta bọ nutindo etọn lẹ tin to họmẹ ni ma jẹte nado wá bẹ yé blo, podọ mọdopolọ mẹhe to glemẹ ma dona lẹkọ do nuhe to godo lẹ kọ̀n. 32  Mì flin asi Lọti tọn.+ 33  Mẹdepope he dín nado whlá ogbẹ̀* ede tọn na hẹn ẹn bu, ṣigba mẹdepope he hẹn ẹn bu na whlá ẹ dogbẹ̀.+ 34  Yẹn dọna mì dọ, to ozán enẹ mẹ, omẹ awe na tin to adọzan dopo ji; dopo na yin yíyí, ṣigba awetọ na yin jijodai.+ 35  Yọnnu awe na to nuli to osé dopolọ kọ̀n; dopo na yin yíyí, ṣigba awetọ na yin jijodai.” 36  *—— 37  Enẹwutu, yé gblọnna ẹn dọmọ: “Fie wẹ enẹ na jọ te, Oklunọ?” E dọna yé dọmọ: “Fie onú kúkú te, finẹ wẹ akùn lẹ na pli dopọ te ga.”+

Nudọnamẹ Odò Tọn

Okún he whè hugan de he nọ yin mimọ to Palestine. Atin etọn sọgan dite na nudi m 4 bo nọ tindo alà lẹ.
Kavi “alindọn.”
Pọ́n Nud. A3.