Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Jona 3:1-10

NUHE E BẸHẸN LẸ

  • Jona setonu bo yì Nineve (1-4)

  • Ninevenu lẹ lẹnvọjọ (5-9)

  • Jiwheyẹwhe de ma nado và Nineve (10)

3  Enẹgodo, ohó Jehovah tọn wá Jona dè whla awetọ dọmọ:+  “Fọ́n bo yì Nineve+ tòdaho-gbó lọ mẹ bosọ lá owẹ̀n he yẹn do we.”  Enẹwutu, Jona fọ́n bo yì Nineve+ nado setonuna ohó Jehovah tọn.+ Tòdaho-gbó de* wẹ Nineve yin—yèdọ gbejizọnlin azán atọ̀n tọn.  Jona sọ biọ tòdaho lọ mẹ bo zingbejizọnlin na azán dopo bosọ to lilá dọmọ: “To azán 40 poun godo, Nineve na yin hihọliai.”  Omẹ Nineve tọn lẹ sọ do yise hia to Jiwheyẹwhe mẹ+ bo lá nùbibla de bosọ ze odẹ́vọ̀ do, yèdọ sọn omẹ daho ji jẹ pẹvi yetọn ji.  To whenue owẹ̀n lọ jẹ ahọlu Nineve tọn dè, e fọ́n sọn ofìn etọn ji bo de awugbó ahọlu tọn etọn bosọ yí odẹ́vọ̀ ṣinyọ́n bo sin afín mẹ.  Humọ, e biọ dọ nulila de ni yin bibasi lẹdo Nineve pé dọ, “Ehe yin gbedide de sọn ahọlu po omẹ nukundeji etọn lẹ po dè:Gbẹtọ kavi kanlin, kanlinpa kavi lẹngbọpa depope ma dona dù nudepope. Yé ma dona dùnú kavi nùsin.  Mì dike gbẹtọ po kanlin po ni yí odẹ́vọ̀ ṣinyọ́n; mì sọ gbọ yé ni yí ahundopo do dawhá ylọ Jiwheyẹwhe bo lẹ́ sọn aliho ylankan yetọn lẹ ji podọ sọn danuwiwa yetọn mẹ.  Mẹnu wẹ yọnẹn vlavo Jiwheyẹwhe nugbo lọ sọgan diọlinlẹn* gando nuhe ewọ lẹn nado wà go bo jo homẹgble sinsinyẹn etọn do, bọ mí ma nado dọ̀n?” 10  Whenue Jiwheyẹwhe nugbo lọ mọ nuhe yé ko wà, lehe yé ko lẹ́ sọn aliho ylankan yetọn lẹ ji do,+ ewọ diọlinlẹn* gando nugbajẹmẹji he e dọ dọ emi na hẹnwa yé ji lọ go bo masọ hẹn ẹn wá ba.+

Nudọnamẹ Odò Tọn

To paa mẹ, “Tòdaho-gbó de to nukun Jiwheyẹwhe tọn mẹ.”
Kavi “vlavo e sọgan vẹna Jiwheyẹwhe nugbo lọ.”
Kavi “e vẹna ẹn.”