Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Jona 2:1-10

NUHE E BẸHẸN LẸ

  • Odẹ̀ Jona tọn sọn whèvi homẹ (1-9)

  • Jona yin suslú do aigba-klo ji (10)

2  Enẹgodo, Jona hodẹ̀ hlan Jehovah Jiwheyẹwhe etọn sọn adọ̀go whèvi lọ tọn mẹ,+  bo dọmọ: “Yẹn dawhá ylọ Jehovah to ayimajai ṣie mẹ bọ ewọ sọ siọ mi.+ N’dawhá na alọgọ sọn odò he siso lẹ* mẹ to Yọdò* mẹ.+ Hiẹ sè ogbè ṣie.   To whenue hiẹ ze mi dlan odò he siso lẹ mẹ, yèdọ do hùzànmẹ, Asisa osin tọn lẹ ṣinyọ́n ji e.+ Agbówhẹn zingidinọ lẹpo sọ gbaṣinyọ́n mi.+   Yẹn sọ dọ dọ, ‘N’ko yin yinyan sẹ̀ sọn nukọn towe! Nawẹ e na gbẹsọ yọnbasi na mi nado nọ pọ́n tẹmpli wiwe towe hlan gbọn?’   Osin lẹ ṣinyọ́n ji e bo ze ogbẹ̀ ṣie do owù mẹ;*+ Osin daho-gbó lẹ sọ gbaṣinyọ́n mi. Ogbé ylankan lẹ hizí do ota ṣie lẹdo pé.   Yẹn siọ yì osó lẹ glọ. Họngbo aigba tọn lẹ to súsú do mi kakadoi. Ṣigba, Jehovah Jiwheyẹwhe ṣie E, hiẹ de mi tọ́n gbẹ̀te sọn odò mẹ.+   To whenue n’to* kúkú jei, Jehovah wẹ Mẹlọ he yẹn flin.+ Odẹ̀ ṣie sọ biọ họmẹ wá dè we, yèdọ to tẹmpli wiwe towe mẹ.+   Mẹhe ze yede jo na boṣiọ ovọ́ lẹ ko gbẹ́ asisa owanyi nugbo tọn* yetọn dai.   Ṣigba na yẹn tọn, n’na yí ogbè pẹdido tọn do basi avọ́sinsan hlan we. N’na depà he n’ko do.+ Jehovah dè wẹ whlẹngán nọ wá sọn.”+ 10  To ojlẹ de godo, Jehovah degbena whèvi lọ bọ e tún Jona jẹgbonu do aigba-klo ji.

Nudọnamẹ Odò Tọn

To paa mẹ, “sọn adọ̀go.”
Kavi “Ṣeol,” enẹ wẹ, yọdò paa gbẹtọvi lẹ tọn. Pọ́n Zẹm.
Kavi “Osin lẹ ṣinyọ́n ji e kakajẹ alindọn ṣie ji.”
Kavi “alindọn ṣie to.”
Kavi vlavo, “gbẹ́ nugbonọ-yinyin.”