Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Johanu 21:1-25

NUHE E BẸHẸN LẸ

  • Jesu sọawuhia devi etọn lẹ (1-14)

  • Pita hẹn owanyi etọn na Jesu lodo (15-19)

    • “Na núdùdù lẹngbọ pẹvi ṣie lẹ” (17)

  • Sọgodo devi he Jesu yiwanna lọ tọn (20-23)

  • Tadona (24, 25)

21  To ehe godo, Jesu sọ vọ́ do ede hia* devi etọn lẹ to Ohù Tibeliadi tọn tó. Aliho he mẹ e do ede hia te die.  Simọni Pita, Tọmasi (mẹhe nọ yin yiylọdọ Ahoho lọ),+ Natanaeli+ he wá sọn Kana Galili tọn, visunnu Zebede tọn lẹ+ gọna devi etọn awe devo lẹ wẹ tin topọ.  Simọni Pita dọna yé dọmọ: “N’jei whèvi hù gbé.” Yé dọna ẹn dọmọ: “Mílọsu na hodo we.” Yé tọ́nyi bo biọ tọjihun mẹ, amọ́ yé ma wle nudepope to ozán enẹ mẹ.+  Ṣigba, dile ai to hinhọ́n, Jesu ṣite to ohù lọ tó, amọ́ devi lẹ ma yọnẹn dọ Jesu wẹ.+  To whenẹnu, Jesu dọna yé dọmọ: “Yọpọ lẹ emi, mì ma tindo nudepope* nado dù, kavi e ma yin mọ wẹ?” Yé gblọn dọmọ: “Mọwẹ!”  E dọna yé dọmọ: “Mì yìn odọ̀ lọ do adusiwhé tọjihun lọ tọn, mì nasọ mọ delẹ.” Enẹwutu, yé yìn in, ṣigba yé ma penugo nado dọ̀n ẹn biọ ohún mẹ, na whèvi lọ lẹ sù tlala wutu.+  Whenẹnu, devi lọ he Jesu yiwanna+ dọna Pita dọmọ: “Oklunọ wẹ!” Todin, whenue Simọni Pita sè dọ Oklunọ wẹ, e ze awugbó etọn do,* na e ko de e dai wutu, bo biọ hùmẹ.  Ṣigba, devi he pò lẹ zọ̀n tọjihun pẹvi lọ mẹ wá bo to odọ̀ he gọ́ na whèvi lọ dọ̀n, na yé ma dẹn do agé wutu, yèdọ nudi mẹtlu 100* poun.  To whenue yé jẹage, yé mọ akán-miyọ́n to finẹ bọ whèvi yin titẹ́ do e ji, gọna akla. 10  Jesu dọna yé dọmọ: “Mì hẹn delẹ to whèvi he mì ṣẹṣẹ wle lọ lẹ mẹ wá.” 11  Enẹwutu, Simọni Pita biọ ohún lọ mẹ bo dọ̀n odọ̀ he gọ́ na whèvi daho lẹ lọ wá agé, yèdọ whèvi 153. Podọ dile yé tlẹ sù sọ, odọ̀ lọ ma là. 12  Jesu dọna yé dọmọ: “Mì wá dù núdùdù afọnnu tọn mìtọn.” Dopo tata to devi lẹ mẹ ma tindo adọgbigbo nado kanse e dọmọ: “Mẹnu wẹ hiẹ yin?” na yé yọnẹn dọ Oklunọ wẹ. 13  Jesu wá bo ze akla lọ bosọ na yé, e sọ wà nudopolọ gando whèvi lọ go. 14  Todin, whla atọ̀ntọ+ die he Jesu sọawuhia devi lẹ sọn whenue e ko yin finfọn sọn oṣiọ lẹ mẹ. 15  To whenue yé ko dù núdùdù afọnnu tọn godo, Jesu dọna Simọni Pita dọmọ: “Simọni visunnu Johanu tọn, be hiẹ yiwanna* mi hú ehelẹ ya?” Ewọ gblọnna ẹn dọmọ: “Mọwẹ Oklunọ, hiẹ yọnẹn dọ n’tindo owanyi* na we.” E dọna ẹn dọmọ: “Nọ na núdùdù lẹngbọvu ṣie lẹ.”+ 16  E sọ vọ́ dọna ẹn whla awetọ dọmọ: “Simọni visunnu Johanu tọn, be hiẹ yiwanna* mi ya?” Ewọ gblọnna ẹn dọmọ: “Mọwẹ Oklunọ, hiẹ yọnẹn dọ n’tindo owanyi* na we.” E dọna ẹn dọmọ: “Nọ yìn lẹngbọ pẹvi ṣie lẹ.”+ 17  E dọna ẹn whla atọ̀ntọ dọmọ: “Simọni visunnu Johanu tọn, be hiẹ tindo owanyi na mi ya?” Pita gblehomẹ, na e kanbiọ ẹ whla atọ̀ntọ dọmọ: “Be hiẹ tindo owanyi na mi ya?” wutu. Enẹwutu, ewọ dọna ẹn dọmọ: “Oklunọ, hiẹ yọ́n nulẹpo; hiẹ yọnẹn dọ n’tindo owanyi* na we.” Jesu dọna ẹn dọmọ: “Nọ na núdùdù lẹngbọ pẹvi ṣie lẹ.+ 18  Nugbonugbo wẹ yẹn dọna we dọ, whenue hiẹ gbẹ́ yin jọja, a nọ saba sọnú na dewe bo nọ yì fidepope he a jlo. Ṣigba, eyin a poyọnho, a na nọ dlẹnalọ towe lẹ bọ mẹdevo wẹ na nọ sọnú na we bo na nọ hẹn we yì fihe a ma jlo.” 19  E dọ ehe nado do okú wunmẹ he gblamẹ Pita na pagigona Jiwheyẹwhe te hia. To whenue e ko dọ ehe godo, e dọna ẹn dọmọ: “To hihodo mi zọnmii.”+ 20  Pita lẹgodo bo mọ devi lọ he Jesu yiwanna+ to hihodo yé, yèdọ mẹlọ he sọ dẹ́ yì godo hlan akọ́nnu etọn to núdùdù whèjai tọn lọ whenu ga bo dọmọ: “Oklunọ, mẹnu wẹ mẹlọ he to na de we hia?” 21  Enẹwutu, whenue Pita mọ ẹn, e dọna Jesu dọmọ: “Oklunọ, etẹwẹ dogbọn dawe ehe dali?” 22  Jesu dọna ẹn dọmọ: “Eyin ojlo ṣie wẹ dọ ewọ ni gbọṣi aimẹ kaka yẹn nado wá, etẹwẹ dù we to enẹ mẹ? Hiẹ ni to hihodo mi zọnmii.” 23  Enẹwutu, ohó ehe gbàpe to mẹmẹsunnu lẹ ṣẹnṣẹn, dọ devi ehe ma na kú. Ṣigba, Jesu ma dọna ẹn dọ ewọ ma na kú gba, amọ́ nuhe e dọ wẹ yindọ: “Eyin ojlo ṣie wẹ dọ ewọ ni gbọṣi aimẹ kaka yẹn nado wá, etẹwẹ dù we to enẹ mẹ?” 24  Devi ehe wẹ+ dekunnu gando onú ehelẹ go bo kàn onú ehelẹ, mí sọ yọnẹn dọ nugbo wẹ kunnudide etọn. 25  Na nugbo tọn, nususu devo lẹ gbẹ́ tin he Jesu wà, bọ eyin yé dona yin kinkan to gigọ́ mẹ wẹ, n’lẹndọ aihọn lọsu ma sọgan hẹn owe-hihá he na yin kinkan lẹ.+

Nudọnamẹ Odò Tọn

Kavi “sọawuhia.”
Kavi “whèvi depope.”
Kavi “e yí awugbó etọn do blagbajana ede.”
To paa mẹ, “nudi awagbà 200.” Pọ́n Nud. B14.
Ehe yin didesọn hogbe Glẹkigbe tọn agape mẹ.
Ehe yin didesọn hogbe Glẹkigbe tọn fileo mẹ.
Ehe yin didesọn hogbe Glẹkigbe tọn agape mẹ.
Ehe yin didesọn hogbe Glẹkigbe tọn fileo mẹ.
Ehe yin didesọn hogbe Glẹkigbe tọn fileo mẹ.