Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Jobu 9:1-35

NUHE E BẸHẸN LẸ

  • Gblọndo Jobu tọn (1-35)

    • Gbẹtọ tata ma gán diahi hẹ Jiwheyẹwhe (2-4)

    • ‘Jiwheyẹwhe nọ wà onú dinmamọdona lẹ’ (10)

    • Gbẹtọ ma gán dọnnu hẹ Jiwheyẹwhe (32)

9  Jobu sọ gblọn dọmọ:  “Na nugbo tọn, yẹn yọnẹn dọ mọ wẹ e te do. Ṣigba, nawẹ gbẹtọ tata de sọgan pé-whẹ̀ hẹ Jiwheyẹwhe bọ owhẹ̀ etọn na whẹ́n do?+   Eyin mẹde jlo na dọnnu hẹ Ẹ,*+ Mẹlọ ma tlẹ sọgan na gblọndo na kanbiọ Etọn dopo to fọtọ́n ji.   Ewọ yin nuyọnẹntọ to ahun mẹ bosọ yin huhlọnnọ taun.+ Mẹnu wẹ sọgan diọnukunsọ ẹ bo na luntọ́n awuyẹyẹ-afọyẹyẹ?+   E nọ sẹtẹnna osó lẹ* bọ mẹdepope ma nọ yọnẹn; E nọ takitina yé to homẹgble etọn mẹ.   E nọ hẹn aigba sisọ sọn otẹn etọn mẹ, Bọ dòtin etọn lẹ nọ whàn gìgìgì.+   E nọ degbena owhè ma nado zẹ̀ Bo nọ yí hiadonu do tlẹ́ hinhọ́n sunwhlẹvu lẹ tọn;+   Ewọ lọsu na ede nọ tẹ́ olọn jẹgbonu,+ Bo nọ zinzọnlin gbọn agbówhẹn daho ohù tọn lẹ ji.+   Ewọ wẹ wleawuna pipli sunwhlẹvu lẹ tọn he nọ yin Aṣi,* Kesili* po Kima* po,+ Gọna pipli sunwhlẹvu lẹ tọn he to agahomẹ to hùwaji;* 10  E nọ wà onú daho po dinmamọdona lẹ po,+ Yèdọ nujiawu madosọha lẹ.+ 11  E juwayi gbọn apá ṣie, ṣigba yẹn ma sọgan mọ ẹn; E zẹ̀ go e wayi, ṣigba yẹn ma yọnẹn dọ ewọ wẹ. 12  Eyin e hò nude yí, mẹnu wẹ sọgan diọnukunsọ ẹ? Mẹnu wẹ sọgan dọna ẹn dọ, ‘Etẹ wà wẹ a te?’+ 13  Jiwheyẹwhe ma na dava homẹgble etọn;+ Alọgọnamẹtọ Lahabi*+ tọn lẹ lọsu na dẹ́ do odò na ẹn. 14  Nẹmunẹmu wẹ yin yẹn tọn to whenue yẹn na gblọnhona ẹn Enẹwutu, yẹn dona yí sọwhiwhe do ṣinyan hogbe ṣie lẹ! 15  Eyin owhẹ̀ ṣie tlẹ whẹ́n, yẹn ma na gblọnhona ẹn.+ Lẹblanu janwẹ yẹn sọgan biọ sọn whẹdatọ ṣie* si. 16  Eyin yẹn dawhá ylọ ẹ, be ewọ na siọ mi ya? Yẹn ma lẹndọ ewọ na dotoaina ogbè ṣie, 17  Na e nọ yí yujẹhọn de do gbidi mi Bo hẹn apà ṣie lẹ sudeji matin whẹwhinwhẹ́n depope.+ 18  E ma nọ na mi agbọ́ depope; E nọ to onú vẹadi lẹ hẹnwa ji e mapote. 19  Eyin huhlọn tọn wẹ, ewọ wẹ dohuhlọn hugan.+ Eyin whẹdida dodo tọn wẹ, e nọ dọmọ: ‘Mẹnu wẹ sọgan ylọwhẹ mi?’ 20  Eyin owhẹ̀ ṣie tlẹ whẹ́n, onù ṣie titi wẹ na gblewhẹdo mi; Eyin yẹn tlẹ hẹn tenọgli ṣie go,* ewọ na do mi hia di whẹhutọ.* 21  Eyin yẹn tlẹ hẹn tenọgli ṣie go,* yẹn ma dejido dee go;* Gbẹzan ehe ko pé agbọ́* mi. 22  To popolẹpo mẹ, nudopolọ wẹ. Enẹwutu wẹ yẹn do dọ dọ, ‘Homẹvọnọ* po mẹylankan po wẹ ewọ nọ vasudo dopọ.’ 23  Eyin singigọ madonukun de hẹn okú ajiji wá, Ewọ na vlẹ flumẹjijẹ homẹvọnọ lẹ tọn kò. 24  Aigba ko yin jijodo alọ mẹylankan lẹ tọn mẹ;+ Ewọ nọ sú nukun* na whẹdatọ aigba tọn lẹ. Eyin e ma yin ewọ wẹ nọ wàmọ, be mẹnu wẹ lo? 25  Todin, azán ṣie lẹ to jujuyi po awuyiya po hugan wezundotọ de;+ Yé nọ juyi matin ayajẹ depope. 26  Yé to jujuyi di tọjihun he yè yí ofán do basi lẹ, Di akùn lẹ he nọ dlí wá odò nado sá nuhe yé jlo na wle. 27  Eyin yẹn dọ dọ, ‘Yẹn na wọn lewuwu ṣie, Yẹn na diọ awusọhia nukunmẹ ṣie tọn bo na yin ayajẹnọ,’ 28  Yẹn nọ gbẹsọ to budi, na awufiẹsa ṣie lẹpo wutu,+ Yẹn sọ yọnẹn dọ hiẹ ma na pọ́n mi hlan di homẹvọnọ. 29  Yẹn na yin pinpọnhlan di mẹhe hùwhẹ.* Enẹwutu, naegbọn yẹn nado jẹtukla to ovọ́ mẹ?+ 30  Eyin yẹn yí osin-agó he yọ́ do lawu, Bo yí adí* do klọ́ alọ ṣie lẹ,+ 31  To whenẹnu, hiẹ na ylọn mi do odò de mẹ, Sọmọ bọ awù ṣie lẹ lọsu na tlẹ gbẹwanna mi. 32  Na ewọ ma yin gbẹtọ taidi yẹn, na yẹn nido gblọnhona ẹn, Na mí omẹ awe lẹ nido yì owhẹ̀ nukọn.+ 33  Mẹdepope ma tin nado dawhẹ* to mí omẹ awe lẹ ṣẹnṣẹn, Bo yinuwa di whẹdatọ na mí.* 34  Eyin ewọ na gbọ hihò mi* Bo ma na dike budonamẹ etọn ni nọ gbàhundona mi,+ 35  Whenẹnu, yẹn na dọhona ẹn madibu, Na to paa mẹ, yẹn ma nọ dibu nado dọho.

Nudọnamẹ Odò Tọn

Kavi “na hẹn Ẹn yì owhẹ̀ nukọn.”
Kavi “nọ de osó lẹ sẹ̀.”
Vlavo pipli sunwhlẹvu lẹ tọn he nọ yin Beali Daho (Ursa Major).
Vlavo pipli sunwhlẹvu lẹ tọn he nọ yin Oliọni.
Vlavo sunwhlẹvu Pleiadi lẹ to pipli sunwhlẹvu lẹ tọn he nọ yin Taulusi mẹ.
To paa mẹ, “to abò hùwaji tọn lẹ mẹ.”
Vlavo nudazi hùmẹ tọn daho de.
Kavi vlavo, “sọn mẹhe pé-whẹ̀ hẹ mi.”
Kavi “tlẹ yin homẹvọnọ.”
To paa mẹ, “di jijọ gbíngbánnọ.”
Kavi “tlẹ yin homẹvọnọ.”
Kavi “yẹn ma yọ́n alindọn ṣie.”
Kavi “ko ṣì.”
Kavi “Mẹhe nọ hẹn tenọgli go.”
To paa mẹ, “nukunmẹ.”
To paa mẹ, “di mẹylankan.”
Kavi “akángo.”
Kavi “nado yin whẹgbọtọ.”
To paa mẹ, “Bo ze alọ etọn do mí omẹ awe lẹ ji.”
To paa mẹ, “na de opò etọn sọn ji e.”