Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Jobu 7:1-21

NUHE E BẸHẸN LẸ

  • Gblọndo Jobu tọn zindonukọn (1-21)

    • Gbẹninọ di azọ́n gánnugánnu tọn (1, 2)

    • ‘Naegbọn hiẹ diọnukunsọ mi?’ (20)

7  “Be gbẹzan gbẹtọ tata tọn to aigba ji ma taidi azọ́n he yè hẹnmẹ po huhlọn po nado wà ya, Podọ be azán gbẹninọ etọn tọn lẹ ma taidi pakanọ de tọn ya?+   Taidi afanumẹ de, e nọ to yẹtẹn dín vẹkuvẹku, Podọ taidi pakanọ de, e nọ to tepọn azọ́nkuẹ etọn.+   Enẹwutu, osun tuklajijẹ ovọ́ tọn lẹ ko yin didena mi Podọ ozán he gọ́ na awubla lẹ ko yin mimá na mi.+   Eyin yẹn mlọnai, n’nọ kanse dọ, ‘Whetẹnu wẹ yẹn na fọ́n?’+ Ṣigba, to ozán lọ blebu mẹ, n’nọ to sùhò mapote kakajẹ zánfinfọ́n.   Agbasa ṣie lẹpo wẹ gọ́ na owé po kọ́gudu he mlin agó lẹ po;+ Ayú ṣie lẹpo wẹ gọ́ na ohán bo to osin tọ́n.+   Azán ṣie lẹ to jujuyi po awuyiya po hugan azọ́nwanu avọ̀lọ̀ntọ de tọn,+ Yé sọ wá vivọnu matin todido depope.+   Flindọ ogbẹ̀ ṣie taidi jẹhọn,+ Bọ nukun ṣie ma nasọ mọ ayajẹ* gbede ba.   Nukun he to mimọ mi todin ma nasọ mọ mi ba; Hiẹ na yí nukun towe lẹ do dín mi pé, ṣigba yẹn na ko busẹ.+   Kẹdẹdi aslọ he nọ kẹ̀n bo nọ busẹ, Mẹhe jẹte yì Yọdò* mẹ ma nasọ hẹji wá ba.+ 10  Ewọ ma na lẹkọwa owhé etọn gbè ba, E ma nasọ yin mimọ to fininọ etọn ba.+ 11  Am Enẹwutu, yẹn ma na do onù ṣie abọẹ. Yẹn na dọho to awufiẹsa gbigbọ ṣie tọn mẹ; Yẹn na wule to ayimajai sinsinyẹn ṣie* mẹ!+ 12  Be ohù kavi nudazi hùmẹ tọn de wẹ yẹn yin, Bọ hiẹ nado de nuhọ́tọ de do ji e ya? 13  To whenue yẹn dọ dọ, ‘Adọzan ṣie na miọnhomẹna mi; Akanma ṣie nasọ gọalọna mi nado de awubla ṣie pò,’ 14  Whenẹnu wẹ hiẹ nọ yí odlọ lẹ do dobuna mi Bo nọ yí numimọ lẹ do gbàhundona mi, 15  Sọmọ bọ yẹn* nọ kúkú gbọ bo biọ dọ agbọ́ ni whè do mi, Mọwẹ, yẹn nọ jlo okú kakati nado to gbẹnọ po agbasa ṣie ehe po.*+ 16  Ogbẹ̀ ṣie hiọawu na mi;+ n’masọ jlo na nọgbẹ̀ ba. Jo mi do, na azán ṣie lẹ taidi gbọfufu tata.+ 17  Etẹwẹ gbẹtọ tata de yin bọ hiẹ do nọ to nuflin jẹ e ji Bo nọ ze ayiha* towe do e ji sọmọ?+ 18  Naegbọn hiẹ do nọ gbeje e pọ́n to afọnnu afọnnu Bo nọ to whiwhle e pọ́n to whepoponu?+ 19  Be hiẹ ma na dekọ sọn go e Bo jo mi do vude, na yẹn ni gbẹ́ mitán vọ́vọ́?+ 20  Eyin yẹn tlẹ ko waylando, etẹwẹ yẹn sọgan wà he na hẹn awugble we, yèdọ Hiẹ he to gbẹtọvi lẹpo pọ́n?+ Naegbọn hiẹ do to nukundiọsọ mi sọmọ? Be yẹn ko lẹzun agbàn pinpẹn to kọ̀ji na we wẹ? 21  Naegbọn hiẹ ma do jo sẹ́nhẹngba ṣie na mi Bo miọnnukundo nuṣiwa ṣie? Na yẹn ma na dẹn do mlọnai to kọ́gudu mẹ,+ Hiẹ nasọ dín mi pé, ṣigba yẹn na ko busẹ.”

Nudọnamẹ Odò Tọn

To paa mẹ, “dagbe.”
Kavi “Ṣeol,” enẹ wẹ, yọdò paa gbẹtọvi lẹ tọn. Zẹm.
Kavi “to awufiẹsa alindọn ṣie tọn.”
Kavi “alindọn ṣie.”
To paa mẹ, “po ohú ṣie lẹ po.”
To paa mẹ, “ahun.”