Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Jobu 6:1-30

NUHE E BẸHẸN LẸ

  • Gblọndo Jobu tọn (1-30)

    • E dọ dọ owhẹ̀ emitọn whẹ́n nado dawhá (2-6)

    • Mẹklọtọ wẹ homẹmiọnnamẹtọ etọn lẹ (15-18)

    • “Nugbo ma nọ hẹn awufiẹsa wá!” (25)

6  Jobu sọ gblọn dọmọ:   “Eyin awufiẹsa+ ṣie sọgan ko yin jijlẹ pọ́n to gigọ́ mẹ Bo na yin zizedo nujlẹgàn ji po nugbajẹmẹji ṣie po wẹ!   Na e pẹ̀n hugan tọkẹ́n ohù tọn lẹ todin. Enẹwutu wẹ yẹn ma do lẹnnupọn whẹpo do dọho.*+   Na ogába Ganhunupotọ lọ tọn lẹ ko sọ́ mi, Adí yetọn sọ to lanmẹ biọ na mi;+ Jiwheyẹwhe tọ́navùn mi bọ obu jẹ ji e.   Be kẹtẹkẹtẹ gbémẹ tọn+ na dawhá to whenue e tindo ogbé wẹ, Kavi be oyìnsú de na dawhá gángán to whenue e tindo núdùdù ya?   Be núdùdù he madotọ́n sọgan yin dùdù matin ojẹ̀ wẹ, Kavi be osin he dodẹ̀ bo nọ tọ́n sọn atin go nọ vivi wẹ ya?   Yẹn* ko gbẹ́ ma nado doalọ onú enẹlẹ go. Nuhe sọgan hẹn núdùdù ṣie flu wẹ yé yin.   Ṣo, na obiọ ṣie ni yin sisè Na Jiwheyẹwhe nisọ na mi nuhe yẹn jlo!   Na Jiwheyẹwhe ni desọn ojlo mẹ nado gbidi mi sẹ̀, Ewọ nisọ dlẹnalọ etọn bo hù mi!+ 10  Na mọwiwà na tlẹ miọnhomẹna mi; Yẹn na lọ́n na ayajẹ mahopọnna awufiẹsa ṣie he to sinsinyẹn deji, Na yẹn ma ko mọ́n ohó Omẹ Wiwe lọ+ tọn lẹ wutu. 11  Be yẹn tindo nugopipe nado gbọṣi nukundido mẹ wẹ?+ Be yẹn gbẹ́ to nukundo nudagbe de wẹ zọ́n bọ yẹn do pò togbẹ̀* ya? 12  Be yẹn dohuhlọn di osé wẹ? Kavi be gànvẹẹ wẹ yè yí do basi agbasa ṣie ya? 13  Be aliho depope tin he yẹn nado gọalọna dee To whenuena e yindọ nuhe go yẹn ganjẹ lẹpo ko yin yíyí sọn asi e ya? 14  Mẹdepope he ma tindo owanyi nugbo na hatọ etọn,+ Ma na dibusi Ganhunupotọ lọ ba.+ 15  Nọvisunnu ṣie titi lẹ ko yinuwa to aliho oklọ tọn mẹ+ taidi tọ̀sisa to avivọ-whenu, Yèdọ taidi osin tọ̀sisa lẹ tọn to avivọ-whenu, ehe nọ hú. 16  Yé nọ yin hinhẹn dózin gbọn osin-agó dali, Bọ osin-agó he ja bo yọ́ lẹ nọ yin whiwhla do yé mẹ. 17  Ṣigba, to osaa sisọ mẹ, osin nọ vọ̀ sọn yé mẹ bọ yé masọ nọ tin ba; Eyin yozò whenu wá, yé nọ hú. 18  Yé nọ diọkọ; Yé nọ sà yì danfafa ji bo nọ busẹ. 19  Ogbẹ́ gbejizọnlinzintọ Tema+ tọn lẹ tọn to dindin yé; Gbejizọnlinzintọ he wá sọn Ṣeba lẹ*+ sọ to tenọpọn yé. 20  Winyan hù yé na todido yetọn yin to ovọ́ mẹ; Yé wá finẹ bo wá jẹflumẹ poun. 21  Na nugbo tọn, nuhe mì ko lẹzun na mi niyẹn;+ Mì ko mọ lehe nugbajẹmẹji ṣie sinyẹn sọ, bọ obu jẹ mì ji.+ 22  Be yẹn ko dọna mì dọ, ‘Mì na mi nude’ wẹ, Kavi be yẹn ko biọ dọ mìwlẹ ni basi nunina de na mi sọn adọkunnu mìtọn lẹ mẹ wẹ? 23  Be yẹn ko biọ nado yin whinwhlẹngán sọn alọ kẹntọ de tọn mẹ Kavi sọn alọ kọgbidinamẹtọ lẹ tọn mẹ wẹ ya? 24  Mì plọnnu mi, yẹn nasọ nabọẹ;+ Mì gọalọna mi nado mọnukunnujẹ nuṣiwa ṣie mẹ. 25  Ohó nugbo ma nọ hẹn awufiẹsa wá!+ Ṣigba, ale tẹwẹ wọhẹ mìtọn hẹnwa?+ 26  Be ayiha kàn wẹ mìwlẹ te nado mọhodọdo ohó ṣie lẹ go ya, Yèdọ hogbe dawe he jẹflumẹ de tọn lẹ,+ ehe jẹhọn nọ fú yì? 27  Mìwlẹ tlẹ sọgan de ovò do tọṣiọvi ji+ Bo sà họntọn mìtọn titi!+ 28  Enẹwutu, mì lilẹ́ bo pọ́n mi, Na yẹn ma na dolalo na mì. 29  Mì jaale bo vọ́ nulẹnpọn—mì ṣì whẹdana mi blo— Mọwẹ, mì vọ́ nulẹnpọn, na dodowiwa ṣie ma ko bu. 30  Be odẹ́ ṣie to nuhe ma jlọ dọ wẹ ya? Be yẹnlọsu ma penugo nado mọdọ nude jẹdò wẹ ya?

Nudọnamẹ Odò Tọn

Kavi “yẹn do dọho aplà, matin sọwhiwhe.”
Kavi “Alindọn ṣie.”
Kavi “bọ yẹn do hẹn gbẹzan (alindọn) ṣie digaa dogọ.”
Kavi “Ogbẹ́ gbejizọnlinzintọ Sabeanu lẹ tọn.”