Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Jobu 42:1-17

NUHE E BẸHẸN LẸ

  • Jobu na gblọndo Jehovah (1-6)

  • Họntọn lẹ yin whẹgbledo (7-9)

  • Jehovah diọ ninọmẹ Jobu tọn (10-17)

    • Ovi Jobu tọn lẹ (13-15)

42  To whenẹnu, Jobu gblọnna Jehovah dọmọ:   “Todin, yẹn yọnẹn dọ hiẹ penugo nado wà nulẹpo Podọ nuhe hiẹ tindo to ayiha mẹ nado wà depope ma nọ glo we.+   Hiẹ dọ dọ, ‘Mẹnu wẹ to ayinamẹ ṣie hẹn dózin matin nuyọnẹn to finẹ?’+ Nugbo wẹ, yẹn dọho matin wuntuntun Gando nuhe jiawu taun he yẹn ma yọnẹn lẹ go.+   Hiẹ dọ dọ, ‘Jaale dotoai, na yẹn ni dọho. Yẹn nasọ kanhose we bọ hiẹ na dọna mi.’+   Otó ṣie lẹ ko sè gando gowe, Ṣigba todin, yẹn yí nukun ṣie lẹ do mọ we.   Enẹwutu, yẹn gọ̀ ohó he yẹn ko dọ lẹ bẹ,+ Podọ yẹn lẹnvọjọ to kọ́gudu po afín po mẹ.”+  To whenue Jehovah ko dọ ehelẹ na Jobu godo, Jehovah dọna Elifazi Temaninu lọ dọmọ: “Yẹn gblehomẹ do hiẹ po họntọn towe awe lẹ+ po go sinsinyẹn, na mìwlẹ ma dọ nugbo gando go e+ dile devizọnwatọ ṣie Jobu wà do.  Todin, mì hẹn oyìnsú ṣinawe po agbò ṣinawe po yì devizọnwatọ ṣie Jobu dè, bo basi avọ́sinsan mimẹ̀ na mìde. Devizọnwatọ ṣie Jobu nasọ hodẹ̀ do ota mìtọn mẹ.+ E họnwun dọ yẹn na sè obiọ etọn* ma nado yinuwa hẹ mì sọgbe hẹ nulú mìtọn, na mìwlẹ ma dọ nugbo gando go e dile devizọnwatọ ṣie Jobu wà do.”  Enẹwutu, Elifazi Temaninu lọ, Bildadi Ṣuahinu lọ po Zofali Naamanu lọ po yì bo wà nuhe Jehovah degbena yé nado wà. Jehovah sọ sè odẹ̀ Jobu tọn. 10  To whenue Jobu ko hodẹ̀ do ota họntọn etọn lẹ tọn mẹ+ godo, Jehovah de nukunbibia Jobu tọn sẹ̀+ bosọ vọ́ hẹn onú yọ́n na ẹn.* Jehovah na ẹn donu awe nuhe e ko tindo dai lẹ tọn.+ 11  Nọvisunnu po nọviyọnnu etọn lẹpo po gọna họntọn etọn hoho lẹpo+ wá e dè bo dùnú hẹ ẹ to owhé etọn gbè. Yé vẹawu i bo miọnhomẹna ẹn, na nugbajẹmẹji he Jehovah dike bọ e wá e ji lẹpo wutu. Dopodopo yetọn basi nunina akuẹ po alọkẹ sika tọn po tọn na ẹn. 12  Gbọnmọ dali, Jehovah dona adà godo tọn gbẹzan Jobu tọn taun hugan bẹjẹeji tọn,+ bọ Jobu wá tindo lẹngbọ 14 000, kanklosọ́ 6 000, oyìn 2 000 po kẹtẹkẹtẹ asi 1 000 po.+ 13  Ewọ sọ wá tindo visunnu ṣinawe po viyọnnu atọ̀n po dogọ.+ 14  Yinkọ he e na viyọnnu tintan wẹ Jemima, awetọ tọn wẹ Kezia podọ atọ̀ntọ tọn wẹ Kelẹni-hapuki. 15  To aigba lọ pete ji, yọnnu de ma tin he yọnwhanpẹ sọ viyọnnu Jobu tọn lẹ, podọ otọ́ yetọn na yé ogú de to pọmẹ hẹ nọvisunnu yetọn lẹ. 16  To onú ehe lẹpo godo, Jobu nọgbẹ̀ na owhe 140, bo mọ ovi etọn lẹ po ovivi etọn lẹ po—yèdọ whẹndo ẹnẹ. 17  To godo mẹ, Jobu kú to whenue ewọ ko whẹ́n mẹho taun bo tindo pekọ to gbẹninọ mẹ.*

Nudọnamẹ Odò Tọn

To paa mẹ, “yẹn na ze nukunmẹ etọn daga.”
To paa mẹ, “Jehovah diọ ninọmẹ kanlinmọ-yinyin Jobu tọn.”
To paa mẹ, “to whenue ewọ ko poyọnho bo gọ́ na azán lẹ.”