Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Jobu 41:1-34

NUHE E BẸHẸN LẸ

  • Zẹẹmẹ Leviatani tọn (1-34)

41  “Be hiẹ sọgan yí omlẹn do wle Leviatani*+ Kavi yí okàn do sìn odẹ́ etọn ya?   Be hiẹ sọgan dọ̀n okàn* gbọn awọntinslo etọn lẹ mẹ Kavi yí omlẹn* do tọ́n aglàn etọn lẹ luntọ́n ya?   Be ewọ na vẹvẹna we pludopludo, Kavi yí ogbè dẹẹdẹ do dọhona we wẹ ya?   Be ewọ na basi alẹnu de hẹ we, Na hiẹ nido hẹn ẹn zun afanumẹ towe tẹgbẹ ya?   Be hiẹ na daihun hẹ ẹ di ohẹ̀ de Kavi sìn okàn do e bo ze e na viyọnnu pẹvi towe lẹ wẹ?   Be ajọtọ lẹ na ze nuhọakuẹ yetọn lẹ jo do diọ ẹ ya? Be yé na má ẹn to ajọwatọ lẹ ṣẹnṣẹn wẹ ya?   Be hiẹ na yí ogàn ahlanọ lẹ do sọnú in pé+ Kavi yí owhán whèhuhu tọn lẹ do sọnú ota na ẹn pé wẹ ya?   Ze alọ towe do e go; A na flin avùn he a hò hẹ ẹ, bo ma nasọ wàmọ gbede ba!   Todido depope nado duto e ji na yin to ovọ́ mẹ. Ahun towe na nọ gbàdo* eyin hiẹ sọnukunmọ ẹn tata. 10  Mẹdepope ma nọ gla nado dinho e. Enẹwutu, mẹnu wẹ sọgan nọte to nukọn ṣie?+ 11  Mẹnu wẹ ko na nude mi jẹnukọn bọ yẹn dona gọjona ẹn?+ Nuhe to olọn glọ lẹpo wẹ yin ṣie.+ 12  Yẹn ma na nabọẹ, na nuhe dù afọ etọn lẹ, Huhlọn etọn po lehe agbasa etọn yin awuwlena ganji do po. 13  Mẹnu wẹ ko klọ́n awugbó etọn sẹ̀? Mẹnu wẹ na biọ aglàn etọn he to nùvo mẹ? 14  Mẹnu wẹ sọgan yí huhlọn do kẹ̀ onù* etọn do nùvo? Adú etọn lẹpo wẹ dobu. 15  Nẹgbé etọn gọ́ na ohán debọdo-dego lẹ* He yin titẹ́ dopọ gbanun-gbanun. 16  Ode nọ ján biọ demẹ Sọmọ bọ jẹhọn ma sọgan gbọn ṣẹnṣẹn yetọn. 17  Yé nọ pàn dopọ do ode awetọ go; Yé nọ tẹdopọ bọ mẹde ma sọgan klan yé. 18  Awọntin mẹ finfin etọn nọ klẹ́n miyọ́n, Podọ nukun etọn lẹ taidi zizẹ owhè tọn. 19  Abì nọ gbòdlán sọn onù etọn mẹ; Miyọ́n sọ nọ tọ́njẹgbonu. 20  Azọ̀ nọ tì sọn awọntinslo etọn lẹ mẹ, Kẹdẹdi zòhọ he yè yí ogbé do hẹn miyọ́n etọn dote. 21  Gbọfufu etọn nọ hẹn akán jimiyọ́n, Miyọ́n sọ nọ tọ́njẹgbonu sọn onù etọn mẹ. 22  Okọ̀ etọn dohuhlọn taun, Podọ obu nọ họ̀n sọn nukọn etọn. 23  Fie agbasa etọn wló te lẹ nọ tẹdopọ gbanun-gbanun; Yé nọ lodo taidi dọ yé yin tùntùn do e go bọ yé ma sọgan sẹtẹn wẹ nkọ. 24  Ahun etọn sinyẹn di zannu, Mọwẹ, e sinyẹn di gilisé odò tọn. 25  Eyin e fọ́n, huhlọnnọ lẹ lọsu nọ dibu; Eyin e fọnadán, e nọ gbàhundonamẹ. 26  Ohí depope he wá e ji ma na duto e ji; Mọ owhán, dludlu pẹvi kavi ogá depope ma na duto e ji.+ 27  E nọ pọ́n gànyuu di núyọ, Podọ gànvẹẹ di atin yinyọ̀n. 28  E ma nọ họ̀n na ogá; Zannu akòtopẹ́ tọn lẹ nọ taidi getin to agbasa etọn go. 29  E nọ pọ́n aglọpò di getin, Bo nọ ṣàn nudidọ dludlu tọn kò. 30  Oglọ etọn taidi zẹ́nkla didá lẹ; E nọ dlẹn ede do ogbọ̀n mẹ kẹdẹdi nuyizan jinukun fiflé tọn de.+ 31  E nọ hẹn otọ̀ glọ fiẹ taidi osin to ozẹ́n mẹ; E nọ wlu ohù taidi amì owán gblingblinnọ to ozẹ́n mẹ. 32  E nọ hẹn ali he ji e gbọn lẹ sẹ́. Mẹde tlẹ sọgan lẹndọ otọ̀ glọ tindo owhà. 33  Nudepope ma taidi ewọ to aigba ji, E yin didá ma nado dibu. 34  Ewọ nọ zín nukun do kanlin huhlọnnọ lẹpo ji. E sọ duahọlu do gbekanlin dahodaho lẹpo ji.”

Nudọnamẹ Odò Tọn

Vlavo oló.
To paa mẹ, “owóko.”
To paa mẹ, “owùn.”
Kavi “na nọ zìn we dai.”
To paa mẹ, “nukunmẹ.”
Kavi vlavo, “Ohán debọdo-dego etọn lẹ wẹ yin yẹyi etọn.”