Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Jobu 40:1-24

NUHE E BẸHẸN LẸ

  • Kanbiọ devo lẹ sọn Jehovah dè (1-24)

    • Jobu yigbe dọ emi ba ohó pò (3-5)

    • ‘Be hiẹ na mọhodọdo whẹdida dodo ṣie go wẹ?’ (8)

    • Huhlọn Bẹhemọti tọn (15-24)

40  Jehovah zindonukọn nado gblọnhona Jobu dọmọ:   “Be homọdọdomẹgotọ de na dọnnu hẹ Ganhunupotọ lọ wẹ?+ Gbọ mẹhe jlo na wọhẹ Jiwheyẹwhe ni na gblọndo.”+   Jobu sọ gblọnna Jehovah dọmọ:   “Pọ́n! Yẹn ma jẹ.+ Etẹwẹ yẹn sọgan gblọnna we? Yẹn yí alọ ṣie do sú onù.+   Yẹn dọho whladopo, ṣigba n’ma nasọ gblọnho ba; Whla awe wẹ yẹn ko dọho, ṣigba n’ma nasọ dọho ba.”   Whenẹnu wẹ Jehovah gblọnna Jobu sọn yujẹhọn lọ mẹ+ dọmọ:   “Jaale, blagbajana dewe di sunnu; Yẹn nasọ kanhose we bọ hiẹ na dọna mi.+   Be hiẹ na fọ́n ayihaawe dote gando whẹdida dodo ṣie go* wẹ? Be hiẹ na gblewhẹdo mi, na owhẹ̀ towe nido whẹ́n wẹ ya?+   Be awà towe tindo huhlọn sọ Jiwheyẹwhe nugbo lọ tọn wẹ,+ Kavi ogbè towe sọgan dọnú di hẹviosò kẹdẹdile ewọ tọn nọ wà do wẹ ya?+ 10  Jaale, yí gigo po kiklo-yinyin po do doaṣọ́na dewe; Yí yẹyi po whanpẹ daho po ṣinyọ́n na dewe. 11  Túntún homẹgble sinsinyẹn towe jẹgbonu; Na ayidonugo mẹdepope he yin saklanọ bo dọ̀n ẹn wá odò. 12  Na ayidonugo mẹdepope he yin saklanọ bo ze e whè, Bosọ tùnafọ mẹylankan lẹ ji to fie yé ṣite do. 13  Bẹ yemẹpo whlá do kọ́gudu mẹ; Blá yé* do fiwhiwhlá lọ, 14  To whenẹnu, yẹnlọsu na yigbe etọn na we* Dọ adusilọ towe sọgan whlẹn we gán. 15  Pọ́n, Bẹhemọti* die, ehe yẹn dá dile yẹn dá hiẹ lọsu do. E nọ dù ogbé taidi oyìnsú de. 16  Pọ́n huhlọn he tin to alinmẹ na ẹn Gọna hlọnhlọn he tin to okàn adọ̀go etọn tọn lẹ mẹ! 17  E nọ hẹn osi etọn sinyẹn di kedali; Okàn asapada etọn tọn lẹ yin linlọ̀n dopọ. 18  Ohú etọn lẹ taidi opò gànvẹẹ tọn lẹ; Afọ etọn lẹ taidi gànyuu he yè tùn lẹ. 19  Ewọ wẹ jẹnukọn* to azọ́n Jiwheyẹwhe tọn lẹ mẹ; Didatọ etọn kẹdẹ wẹ sọgan dọnsẹpọ ẹ po ohí po. 20  Na osó lẹ wẹ nọ wleawu núdùdù tọn na ẹn, Yèdọ fie gbekanlin lẹpo nọ daihun te. 21  E nọ mlọn atin lotusi tọn lẹ sá, To oyẹ̀ ofán gbàmẹ tọn lẹ tọn glọ. 22  Atin lotusi tọn lẹ nọ ṣinyọnyẹ e ji, Bọ atin pọpila agbàdo* mẹ tọn lẹ nọ lẹdo e pé. 23  Eyin otọ̀ tlẹ to zingidi ji, ewọ ma nọ dibu. Adọ̀ nọ gbó e, eyin Jọdani+ tlẹ to hihò do onù etọn go po huhlọn po. 24  Be mẹde sọgan wle e to whenue nukun etọn to ote, Kavi yí omlẹn* do tọ́n awọntin etọn ya?

Nudọnamẹ Odò Tọn

Kavi “na hẹn whẹdida dodo ṣie zun ovọ́.”
To paa mẹ, “nukunmẹ yetọn.”
Kavi “na na we pipà.”
Vlavo dẹgbó.
To paa mẹ, “Ewọ wẹ yin bẹjẹeji.”
Kavi “agbàdo tọ̀sisa tọn.” Pọ́n Zẹm.
To paa mẹ, “omọ̀.”