Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Jobu 4:1-21

NUHE E BẸHẸN LẸ

  • Hodidọ Elifazi tọn tintan (1-21)

    • E vlẹ tenọgli Jobu tọn kò (7, 8)

    • E dowẹn gbigbọ de tọn (12-17)

    • ‘Jiwheyẹwhe ma yise to devizọnwatọ etọn lẹ mẹ’ (18)

4  To whenẹnu, Elifazi+ Temaninu lọ dọna ẹn dọmọ:   “Eyin mẹde tẹnpọn nado dọhona we, be hiẹ na gblehomẹ wẹ ya? Na mẹnu wẹ sọgan dava ede ma nado dọho?   Nugbo, hiẹ ko gọkọna mẹsusu, Podọ hiẹ nọ saba hẹn alọ he madogán lẹ lodo.   Ohó towe lẹ nọ fọ́n mẹhe dahli lẹ dote, Podọ hiẹ nọ hẹn mẹhe sin kligonu to sisọsisọ lẹ lodo.   Ṣigba, todin e jọ do hiẹ lọsu go, bọ e hú agbọ́ we;* E gando gowe, bọ hiẹ jẹflumẹ.   Budisi towe na Jiwheyẹwhe ma na we jidide wẹ? Tenọgligo-hinhẹn towe+ ma na we todido wẹ?   Jaale, flin bo: Homẹvọnọ tẹwẹ ko dọ̀n pọ́n? Whetẹnu wẹ nugbonọ de ko yin vivasudo pọ́n?   Nuhe go yẹn doayi wẹ yindọ mẹhe kàn ayiha nado waylan Podọ mẹhe nọ hẹn tukla wá lẹ nọ gbẹ̀n nuhe yé do.   Yé na dọ̀n gbọn gbọfufu Jiwheyẹwhe tọn gblamẹ, Podọ gbọn tuntunjẹgbonu homẹgble etọn tọn gblamẹ wẹ yé na wá opodo. 10  Kinnikinni nọ lì, podọ kinnikinni winyanwinyan nọ hlún, Ṣigba, etlẹ yin adú kinnikinni huhlọnnọ* lẹ tọn nọ yin winwẹ́n. 11  Kinnikinni nọ dọ̀n, na e ma mọ nuhe e na wle wutu, Podọ kinnikinni-vu lẹ nọ yin yinyan dogbé. 12  Todin, ohó de ko yin didọna mi to nuglọ, Bọ yè ko depá etọn do otó mẹ na mi. 13  To numimọ he nọ hẹn linlẹn budonamẹ tọn wá lẹ mẹ to zánmẹ, To whenue amlọn ko yìkànmẹ na gbẹtọ lẹ, 14  Obu daho de jẹ ji e, Bo hẹn ohú ṣie lẹpo nado to sisọsisọ. 15  Gbigbọ de gbọn nukọn ṣie wayi; Agbasa ṣie sọ slọfún. 16  Gbigbọ lọ sọ nọte guun, Ṣigba, yẹn ma yọ́n mẹhe ewọ yin. Yẹn mọ awusọhia de to nukọn ṣie; Filẹpo yin tó ó, bọ yẹn sọ sè ogbè de dọmọ: 17  ‘Be gbẹtọ tata sọgan yin dodonọ hugan Jiwheyẹwhe wẹ ya? Be gbẹtọ de sọgan wé hugan Mẹdatọ etọn wẹ ya?’ 18  Pọ́n! Ewọ ma tindo yise to devizọnwatọ etọn lẹ mẹ, Podọ ewọ nọ mọhodọdo angẹli* etọn lẹ go. 19  Nẹmunẹmu wẹ yin mẹhe nọ nọ̀ ohọ̀ he yè yí okò do gbá mẹ lẹ tọn, Mẹhe wá sọn kọ́gudu mẹ,+ Mẹhe yè nọ gbidi sẹ̀ po awubibọ po di okọ́ he nọ dùnú! 20  Yè nọ gbidi yé sẹ̀ sọn afọnnu jẹ whèjai; Yé nọ dọ̀n pete, bọ mẹdepope ma tlẹ nọ doayi e go. 21  Be yé ma taidi gòhọ he yè tún okàn he hẹn ẹn dote ya? Yé nọ kú matin nuyọnẹn.

Nudọnamẹ Odò Tọn

To paa mẹ, “bọ agbọ́ pé we.”
Kavi “kinnikinni winyanwinyan.”
Kavi “wẹnsagun.”