Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Jobu 37:1-24

NUHE E BẸHẸN LẸ

  • Huhlọn jọwamọ tọn lẹ nọ do kiklo Jiwheyẹwhe tọn hia (1-24)

    • Jiwheyẹwhe gán hẹnalọdotena azọ́n gbẹtọ tọn lẹ (7)

    •  “Lẹnnupọndo azọ́njiawu Jiwheyẹwhe tọn lẹ ji” (14)

    • Gbẹtọ ma gán mọnukunnujẹ Jiwheyẹwhe mẹ (23)

    • Mẹde ma dona lẹndọ emi yọnnuin (24)

37  “Ehe wutu wẹ ahun ṣie nọ gbàdo Bo nọ to hihò po awuyiya po.   Yí sọwhiwhe do dotoaina hùnhlún daho ogbè etọn tọn Gọna wanyinyẹn hẹviosò tọn he nọ tọ́njẹgbonu sọn onù etọn mẹ.   E nọ do e hlan olọn pete glọ Bo nọ do abì+ etọn hlan opodo aigba tọn lẹ.   Enẹgodo wẹ nudidọ gángán de nọ yin sisè; E nọ hẹn ogbè gigonọ etọn dọnú di hẹviosò,+ Podọ e ma nọ hẹnalọdotena ẹn to whenue ogbè etọn yin sisè.   Jiwheyẹwhe nọ hẹn ogbè etọn dọnú di hẹviosò+ to aliho he jiawu de mẹ; E nọ wà onú daho he zẹ̀ nukunnumọjẹnumẹ mítọn go lẹ.+   Na ewọ nọ dọna osin-agó dọ, ‘Ja do aigba ji,’+ Podọ na jikun sinsinyẹn dọ, ‘Ja po zingidi po.’+   Jiwheyẹwhe nọ doalọtena nuwiwa gbẹtọvi tọn lẹpo,* Na gbẹtọ lẹpo nido yọ́n azọ́n Etọn.   Gbekanlin lẹ nọ biọ odò yetọn lẹ mẹ Bo nọ gbọṣi fiwhiwhlá yetọn.   Yujẹhọn nọ yìn sọn otẹn etọn mẹ,+ Bọ jẹhọn agewaji tọn nọ hẹn avivọ wá.+ 10  Gbọn gbọfufu Jiwheyẹwhe tọn dali wẹ osin-agó lẹ nọ yin awuwlena,+ Bọ otọ̀ daho lẹ nọ lẹzun osin-agó.+ 11  Mọwẹ, ewọ nọ yí osin do hẹn aslọ lẹ pẹnzin; E sọ nọ hẹn abì+ etọn zẹ̀ to aslọ lẹ mẹ; 12  Yé nọ lilẹpe yì fie ewọ deanana yé hlan; Yé sọ nọ hẹn nuhe ewọ degbe etọn lẹpo di+ to aigba nukunmẹ. 13  Vlavo e yin na yasanamẹ*+ wutu kavi na aigba tọn wutu Kavi na owanyi nugbo wutu, ewọ nọ hẹn ẹn nado wá aimẹ.+ 14  Dotoaina ehe, Jobu; Nọte bo yí sọwhiwhe do lẹnnupọndo azọ́njiawu Jiwheyẹwhe tọn lẹ ji.+ 15  Be hiẹ yọ́n lehe Jiwheyẹwhe nọ deanana* aslọ lẹ do Podọ lehe ewọ nọ hẹn abì gbòdlán sọn aslọ etọn mẹ do ya? 16  Be hiẹ yọ́n lehe aslọ lẹ nọ wagbọn do nọ sẹ́gẹ́sẹgẹ to agahomẹ ya?+ Azọ́njiawu Mẹlọ he yin pipé to nuyọnẹn mẹ tọn wẹ ehelẹ.+ 17  Naegbọn avọ̀ towe do nọ hùnmiyọ́n To whenue aigba to abọẹ na jẹhọn hùwaji tọn wutu?+ 18  Be hiẹ sọgan vlọ́n agahomẹ hẹ ewọ+ Bọ e na sinyẹn taidi mẹpọ́nnu he yè yí ogàn do basi de ya? 19  Dọ nuhe míwlẹ dona gblọnna ẹn na mí; Míwlẹ ma sọgan gblọn, na mí tin to zinvlu mẹ wutu. 20  Yè ni dọna ẹn dọ yẹn jlo na dọho wẹ? Kavi be mẹde ko dọ nude he ewọ dona yọnẹn wẹ ya?+ 21  Yé ma tlẹ sọgan mọ hinhọ́n,* Mahopọnna dọ e to wunhọ́n to agahomẹ, Kaka jẹhọn de nado yìn bo klọ́n aslọ lọ lẹ sẹ̀. 22  Agewaji wẹ hinhọ́n he nọ sẹ́ di sika nọ wá sọn; Gigo daho Jiwheyẹwhe tọn+ jiawu taun. 23  Míwlẹ ma sọgan mọnukunnujẹ Ganhunupotọ lọ mẹ;+ Ewọ klo taun to huhlọn mẹ,+ Podọ e ma nọ tùnafọ whẹdida dodo+ po dodowiwa mayọnjlẹ etọn po ji gbede.+ 24  Enẹwutu, gbẹtọ lẹ dona dibusi i.+ Na ewọ ma nọ yí nukundagbe do pọ́n mẹdepope he lẹndọ emi yọnnuin.”*+

Nudọnamẹ Odò Tọn

To paa mẹ, “nọ tlẹ́ hiadonu do alọ go na gbẹtọvi lẹpo.”
To paa mẹ, “opò de.”
Kavi “degbena.”
Enẹ wẹ, hinhọ́n owhè tọn.
To paa mẹ, “mẹdepope he yin nuyọnẹntọ to ahun mẹ.”