Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Jobu 35:1-16

NUHE E BẸHẸN LẸ

  • Elihu dlẹnalọdo lẹnpọn agọ̀ Jobu tọn (1-16)

    • Jobu dọ dọ emi yin dodonọ hú Jiwheyẹwhe (2)

    • Jiwheyẹwhe yiaga taun, ylando ma nọ yinuwadeji (5, 6)

    • Jobu dona nọtepọn Jiwheyẹwhe (14)

35  Elihu zindonukọn dọmọ:   “Be hiẹ kudeji sọmọ dọ owhẹ̀ towe whẹ́n bọ hiẹ nado dọ dọ, ‘Yẹn yin dodonọ hú Jiwheyẹwhe’ wẹ?+   Na hiẹ dọ dọ, ‘Dagbe tẹwẹ to e mẹ na we?* Am Be ninọmẹ ṣie pọnte todin hú eyin yẹn ko waylando wẹ?’+   Yẹn na gblọnhona we Podọ na hiẹ po họntọn towe lẹ+ po.   Jlọkọ̀ bo pọ́n agahomẹ, Doayi aslọ+ he tin to aga lẹ go.   Eyin hiẹ waylando, nawẹ hiẹ sọgan hẹn awugble e gbọn?+ Eyin sẹ́nhẹngba towe lẹ sudeji, etẹwẹ hiẹ wà do e?+   Eyin hiẹ yin dodonọ, etẹwẹ hiẹ na ẹn; Etẹwẹ ewọ nọ mọyi sọn dè we?+   Gbẹtọvi hiẹ nkọ kẹdẹ ji wẹ ylanwiwa towe nọ yinuwado, Podọ dodowiwa towe, do ovi gbẹtọ tọn ji.   Gbẹtọ lẹ nọ dawhá to kọgbidinamẹ sinsinyẹn glọ; Yé nọ dawhá nado mọ kọgbọ sọn aṣẹpipa* huhlọnnọ de tọn si.+ 10  Ṣigba, mẹdepope ma nọ dọ dọ, ‘Fie wẹ Jiwheyẹwhe, Mẹdatọ Daho ṣie te,+ Yèdọ mẹhe nọ hẹn ẹn yọnbasi bọ ohàn lẹ nọ yin jiji to zánmẹ?’+ 11  Ewọ nọ plọnnu mí+ hugan gbekanlin aigba ji tọn lẹ,+ Bosọ nọ hẹn mí yọnnuin hú ohẹ̀ agahomẹ tọn lẹ. 12  Gbẹtọ lẹ nọ dawhá, ṣigba ewọ ma nọ siọ,+ Na goyiyi mẹylankan tọn wutu.+ 13  E họnwun dọ Jiwheyẹwhe ma nọ dotoaina awhá ovọ́;*+ Ganhunupotọ lọ ma nọ na ẹn ayidonugo. 14  Nẹmunẹmu wẹ lo to whenue hiẹ to lewu dọ a ma mọ ẹn!+ Owhẹ̀ towe ko to nukọn etọn, enẹwutu hiẹ dona yí sọwhiwhe do nọtepọn ẹn.+ 15  Na ewọ ma yí homẹgble do biọ dọ a ni dogbè; Mọjanwẹ e ma na ayidonugo sọmawhe zẹjlẹgo towe do niyẹn.+ 16  Jobu kẹ̀ onù etọn do ovọ́ mẹ; Bosọ dọho susu matin nuyọnẹn.”+

Nudọnamẹ Odò Tọn

Vlavo ehe to alọdlẹndo Jiwheyẹwhe.
To paa mẹ, “awà.”
Kavi “dotoaina lalo.”