Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Jobu 34:1-37

NUHE E BẸHẸN LẸ

  • Elihu suwhẹna whẹdida dodo Jiwheyẹwhe tọn (1-37)

    • Jobu dọ dọ Jiwheyẹwhe tẹ̀ whẹdida dodo emi (5)

    • Jiwheyẹwhe nugbo ma nọ yinuwa po kanyinylan po (10)

    • Oyọnẹn whèdo Jobu (35)

34  Enẹwutu, Elihu zindonukọn to hodidọ etọn mẹ dọmọ:   “Mì dotoaina ohó ṣie, mì nuyọnẹntọ lẹ emi; Mì sè ohó ṣie, mì mẹhe yọnnuin taun lẹ emi.   Na otó wẹ nọ whlé ohó pọ́n Kẹdẹdile odẹ́ nọ dọ́ núdùdù pọ́n do.   Mì gbọ mí ni dindona nuhe sọgbe na míde; Mì gbọ mí ni basi dide nuhe yin dagbe tọn to mídelẹ ṣẹnṣẹn.   Na Jobu dọ dọ, ‘Owhẹ̀ ṣie whẹ́n,+ Ṣigba, Jiwheyẹwhe ko tẹ̀ whẹdida dodo mi.+   Be yẹn na dolalo gando nuhe dona yin whẹdida ṣie titi go wẹ? Apà ṣie ma tindo pọngbọ, dile etlẹ yindọ yẹn ma yin sẹ́nhẹngbatọ.’+   Mẹdevo tẹwẹ taidi Jobu, He nọ nù vlẹko taidi osin?   Ewọ to họntọnji hẹ ylanwatọ lẹ Bo to gbẹdo hẹ mẹylankan lẹ.+   Na e dọ dọ, ‘Gbẹtọ ma nọ mọ ale de yí Sọn vivẹnudido nado hẹn homẹ Jiwheyẹwhe tọn hùn mẹ.’+ 10  Enẹwutu, mì dotoaina mi, mì sunnu he tindo nukunnumọjẹnumẹ* lẹ emi: E dẹn do Jiwheyẹwhe nugbo lọ nado yinuwa po kanyinylan po,+ Yèdọ Ganhunupotọ lọ nado waylan!+ 11  Na ewọ na suahọ gbẹtọ sọgbe hẹ nuhe mẹlọ wà lẹ+ Bosọ hẹn kọdetọn nuyiwa etọn lẹ tọn wá e ji. 12  E họnwun dọ Jiwheyẹwhe ma nọ yinuwa po kanyinylan po;+ Ganhunupotọ lọ ma nọ gada whẹdida.+ 13  Mẹnu wẹ ze aigba do alọmẹ na ẹn, Podọ mẹnu wẹ de e do aihọn lọ blebu* ji? 14  Eyin ewọ ze ayidonugo* etọn do yé ji, Eyin e glọn gbigbọ po gbọfufu yetọn po do ede dè,+ 15  Gbẹtọ* lẹpo wẹ na busẹ dopọ, Podọ gbẹtọvi lẹ na gọ̀ do kọ́gudu dè.+ 16  Enẹwutu, eyin hiẹ tindo nukunnumọjẹnumẹ, na ayidonugo ehe; Yí sọwhiwhe do dotoaina nuhe dọ n’te. 17  Be mẹhe gbẹwanna whẹdida dodo dona dugán ya, Kavi hiẹ sọgan gblewhẹdo huhlọnnọ de he yin dodonọ wẹ ya? 18  Be hiẹ sọgan dọna ahọlu de dọ, ‘Nuvọ́nọ de poun wẹ a yin,’ Kavi na omẹ nukundeji de dọ, ‘Mẹylankan de wẹ a yin’ ya?+ 19  Mẹdopo de tin he ma nọ do mẹnukuntahopọn hia ahọvi lẹ Bo masọ nọ do nukundagbe hia adọkunnọ hú wamọnọ,*+ Na azọ́n alọ etọn tọn wẹ yemẹpo yin.+ 20  Yé sọgan kú to ajiji mẹ,+ to zángbodawe mẹ;+ Yé nọ to sisọsisọ gìgìgì bo nọ juwayi; Huhlọnnọ lẹ lọsu tlẹ nọ yin didesẹ, ṣigba e ma nọ yin gbọn alọ gbẹtọvi tọn dali gba.+ 21  Na nukun Jiwheyẹwhe tọn lẹ tin to aliho gbẹtọ tọn lẹ ji,+ Ewọ sọ nọ mọ afọdide etọn lẹpo. 22  Zinvlu gọ́ngọ́n kavi titli de ma tin Fie ylanwatọ lẹ sọgan whlá yede do.+ 23  Na Jiwheyẹwhe ma ko de ojlẹ dide de na gbẹtọ depope Nado sọawuhia to nukọn etọn na whẹdida. 24  E ma nọ tindo nuhudo dodinnanu tọn whẹpo do gbà huhlọnnọ lẹ do Bo ze mẹdevo lẹ do otẹn yetọn mẹ.+ 25  Na ewọ yọ́n nuhe wà yé te;+ E nọ de yé sẹ̀ sọn otẹn yetọn mẹ to zánmẹ, bọ yè nọ gbidi yé sẹ̀.+ 26  E nọ linú yé, na kanyinylan yetọn wutu, To fihe mẹlẹpo sọgan mọ yé te,+ 27  Na yé ko lẹkọ sọn hihodo e mẹ+ Bo masọ tindo sisi na depope to aliho etọn lẹ mẹ ba wutu;+ 28  Yé nọ hẹn wamọnọ lẹ nado dawhá hlan ẹn, Sọmọ bọ ewọ nọ sè awhágbe agbátọnọ lẹ tọn.+ 29  Eyin Jiwheyẹwhe gbọṣi abọẹ, mẹnu wẹ sọgan gblewhẹdo e? Eyin ewọ whlá nukunmẹ etọn, mẹnu wẹ sọgan mọ ẹn? Vlavo e yin do akọta de kavi gbẹtọ de, kọdetọn dopolọ wẹ, 30  Na gbẹtọ jijọ-madi-Jiwheyẹwhe tọn* de nikaa dugán+ Kavi do omọ̀ na gbẹtọ lẹ. 31  Na, be mẹde gán dọna Jiwheyẹwhe dọ, ‘N’ko yin yasana, dile etlẹ yindọ n’ma hùwhẹ depope;+ 32  Do nuhe yẹn gboawupo nado mọ lẹ hia mi; Eyin yẹn ko ṣì nude wà, yẹn ma nasọ vọ́ ẹ wà ba’ ya? 33  Be ewọ na suahọ we sọgbe hẹ ojlo towe eyin hiẹ nọ gbẹ́ whẹdida etọn dai wẹ ya? Hiẹ wẹ dona basi dide, e ma yin yẹn. Enẹwutu, dọ nuhe hiẹ yọnẹn sọmọ lọ na mi. 34  Sunnu he tindo nukunnumọjẹnumẹ* lẹ —Yèdọ sunnu nuyọnẹntọ depope he sè ohó ṣie—na dọna mi dọ, 35  ‘Jobu dọho matin nuyọnẹn,+ Podọ ohó etọn lẹ ma do wuntuntun hia.’ 36  Gbọ Jobu ni yin whiwhlepọn* jẹ otẹn godo tọn mẹ Na gblọndo etọn lẹ taidi mẹylankan lẹ tọn! 37  E yí atẹṣiṣi dogọ ylando etọn;+ E gbọn mẹṣanko dali hopẹ́ to nukọn mítọn Bosọ dọho susu sọta Jiwheyẹwhe nugbo lọ!”+

Nudọnamẹ Odò Tọn

To paa mẹ, “ahun.”
Kavi “do aigba.”
To paa mẹ, “ahun.”
To paa mẹ, “Agbasalan.”
Kavi “nọ hia omẹ nukundeji hú agbátọnọ.”
Kavi “atẹṣitọ.”
To paa mẹ, “ahun.”
Kavi vlavo, “Otọ́ ṣie, gbọ Jobu ni yin whiwhlepọn.”