Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Jobu 33:1-33

NUHE E BẸHẸN LẸ

  • Elihu wọhẹ Jobu na dodonọ jijlá etọn (1-33)

    • Ofligọ yin mimọ (24)

    • Lẹgọ do huhlọn jọja-whenu tọn mẹ (25)

33  “Ṣigba todin, Jobu, jaale sè ohó ṣie; Dotó nuhe yẹn jlo na dọ lẹpo.   Jaale pọ́n! Yẹn dona kẹnù; Odẹ́ ṣie* dona dọho.   Ohó ṣie lẹ do nugbonọ-yinyin ahun ṣie mẹ tọn hia,+ Podọ nùflo ṣie lẹ nọ dọ nuhe yẹn yọnẹn lẹ po ahundopo po.   Gbigbọ Jiwheyẹwhe lọsu titi tọn wẹ dá mi,+ Gbigbọ Ganhunupotọ lọ lọsu titi tọn wẹ na mi ogbẹ̀.+   Gblọnna mi eyin a penugo; Yiavùnlọna dewe to nukọn ṣie; wá nọte do otẹn towe mẹ.   Pọ́n! N’ma gbọnvona we to Jiwheyẹwhe nugbo lọ nukọn; Okò wẹ yè yí do basi yẹnlọsu ga.+   Enẹwutu, obu ṣie ma dona di we, Podọ hogbe ṣie lẹ ma na sinyẹn sọmọ nado húagbọ́ we.   Ṣigba, hiẹ dọ do otó ṣie mẹ, Mọwẹ, yẹn to ohó ehelẹ sè mapote dọ,   ‘Yẹn wé-ṣeke matin sẹ́nhẹngba;+ Yẹn wé bo ma tindo nuṣiwa.+ 10  Ṣigba, Jiwheyẹwhe nọ dín whẹjijọ nado diọnukunsọ mi; E nọ pọ́n mi hlan di kẹntọ etọn.+ 11  E bẹ afọ ṣie lẹ do osópò mẹ; E nọ gbeje ali ṣie lẹpo pọ́n.’+ 12  Ṣigba, owhẹ̀ towe ma whẹ́n nado dọ mọ, enẹwutu yẹn na dọna we dọ: Jiwheyẹwhe klo taun hugan gbẹtọ tata.+ 13  Naegbọn hiẹ do to homọdọdo Ewọ go?+ Na hiẹ mọdọ e ma gblọn ohó towe depope wutu wẹ ya?+ 14  Na Jiwheyẹwhe dọho whla tintan podọ whla awetọ, Ṣigba, mẹde ma na ayidonugo, 15  To odlọ mẹ, to numimọ zánmẹ tọn de mẹ,+ Whenue gbẹtọ lẹ ko damlọn yìkànmẹ Dile yé to amlọndọ to adọzan yetọn lẹ ji. 16  Whenẹnu wẹ e nọ hùn otó yetọn lẹ+ Bo nọ na yé anademẹ etọn,* 17  Nado gọkọna gbẹtọ sọn ylanwiwa kọ̀n+ Podọ nado basi hihọ́na ẹn ma nado yigo.+ 18  Jiwheyẹwhe nọ glọnalina alindọn* etọn ma nado yì odò* lọ mẹ,+ Bo nọ whlẹn ogbẹ̀ etọn ma nado dọ̀n gbọn ohí* dali. 19  Gbẹtọ sọ nọ yin wiwọhẹ gbọn awuvẹ he sè e te to adọzan etọn ji dali Podọ gbọn awufiẹsa he mọ e te mapote to ohú etọn lẹ mẹ dali, 20  Sọmọ bọ núdùdù nọ ṣì i,* Bọ e* tlẹ nọ gbẹ́ núdùdù dagbe dai.+ 21  Gohúhú etọn nọ sọawuhia to nukunta, Bọ ohú etọn he whlá dai lẹ nọ wá jẹ gbangba* todin. 22  Alindọn* etọn dọnsẹpọ odò* lọ; Ogbẹ̀ etọn masọ dẹn do mẹhe nọ dín okú mẹdevo tọn lẹ. 23  Eyin wẹnsagun* de yin didohlan ẹn, Yèdọ whẹ̀yidọtọ dopo to fọtọ́n ji, Nado dọ nuhe sọgbe na gbẹtọ, 24  To whenẹnu, Jiwheyẹwhe na do nukundagbe hia ẹ bo dọmọ, ‘Glọnalina ẹn ma nado yì odò* lọ mẹ!+ Yẹn ko mọ ofligọ de!+ 25  Gbọ agbasa etọn ni gọjẹ e mẹ* hugan jọja whenu tọn;+ Gbọ e ni lẹgọ do azán huhlọn jọja whenu tọn etọn mẹ.’+ 26  E na vẹ̀ Jiwheyẹwhe,+ bọ Ewọ na kẹalọyi i, E na yí awhágbe ayajẹ tọn do mọ nukunmẹ Etọn, Podọ Ewọ na hẹn gbẹtọ tata nado gọ̀ dodowiwa Etọn mọyi. 27  Omẹ enẹ na lá* na gbẹtọ lẹ dọ, ‘Yẹn ko waylando+ bosọ sọtadona nuhe sọgbe, Ṣigba, e ma yin nuhe yẹn jẹna wẹ yẹn mọyi.* 28  E ko fli alindọn* ṣie gọ̀ ma nado yì odò* lọ mẹ,+ Yẹn nasọ mọ hinhọ́n.’ 29  Na nugbo tọn, Jiwheyẹwhe nọ wà onú ehe lẹpo Whla awe, whla atọ̀n, na gbẹtọ, 30  Nado hẹn ẹn* gọwá sọn odò* lọ mẹ, Na hinhọ́n ogbẹ̀ tọn nido họ́n do ewọ ji.+ 31  Jobu E, doayi e go! Dotoaina mi! Nabọẹ whii, na yẹn ni to hodọ. 32  Eyin hiẹ tindo nude nado dọ, dọ ẹ na mi. Dọho, na yẹn jlo na suwhẹna we. 33  Eyin hiẹ ma tindo nude nado dọ, gbọ bo dotoaina mi; Nabọẹ whii, na yẹn ni plọn we nuyọnẹn.”

Nudọnamẹ Odò Tọn

To paa mẹ, “Odẹ́ ṣie po onù ṣie po.”
To paa mẹ, “Bo nọ yí hiadonu do tlẹ́ anademẹ etọn do yé ji.”
Kavi “ogbẹ̀.”
Kavi “yọdò.”
Kavi “adánwanu (ogá) de.”
To paa mẹ, “ogbẹ̀ etọn.”
Kavi “alindọn etọn.”
Kavi “nọ wá yin hinhẹn jẹ weho.”
Kavi “Ogbẹ̀.”
Kavi “yọdò.”
Kavi “angẹli.”
Kavi “yọdò.”
Kavi “gọjẹ yọyọ.”
To paa mẹ, “jihàn.”
Kavi vlavo, “Podọ e ma hẹn ale de wá na mi.”
Kavi “ogbẹ̀.”
Kavi “yọdò.”
Kavi “alindọn etọn.”
Kavi “yọdò.”