Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Jobu 31:1-40

NUHE E BẸHẸN LẸ

  • Jobu yiavùnlọna tenọgli etọn (1-40)

    • “Alẹnu de hẹ nukun ṣie lẹ” (1)

    • E biọ nado yin didà pọ́n (6)

    • N’ma yin ayọdetọ (9-12)

    • N’ma yiwanna akuẹ (24, 25)

    • N’ma yin boṣiọ-sẹ̀ntọ (26-28)

31  “Yẹn ko basi alẹnu de hẹ nukun ṣie lẹ.+ Enẹwutu, naegbọn yẹn nado na ayidonugo he ma jẹ awhli de?+   Eyin yẹn wàmọ, etẹwẹ na yin mimá ṣie sọn Jiwheyẹwhe he to aga dè, Etẹwẹ na yin ogú ṣie sọn Ganhunupotọ he nọ nọ̀ oji aga lọ dè?   Be e ma yin nugbajẹmẹji wẹ to tepọn ylanwatọ Bọ yajiji to tepọn nuylankan watọ lẹ ya?+   Be ewọ ma to aliho ṣie lẹ mọ+ Bo to afọdide ṣie lẹpo hia ya?   Be yẹn ko zinzọnlin to lalo mẹ* pọ́n wẹ? Be afọ ṣie lẹ nọ yawu to mẹkiklọ mẹ wẹ ya?+   Gbọ Jiwheyẹwhe ni yí ojlẹgàn he sọgbe do dà mi pọ́n;+ Whenẹnu, ewọ na doayi tenọgli ṣie go.+   Eyin afọdide ṣie lẹ ko zẹ̀ sọn aliho lọ ji+ Bọ ahun ṣie ko hodo ojlo nukun ṣie tọn+ Kavi bọ alọ ṣie lẹ ko yin hinhẹnflu,   Whenẹnu, gbọ yẹn ni do jinukun, na mẹdevo lao ni dù,+ Podọ nuhe yẹn do ni yin hinhọ̀nsẹ.*   Eyin ahun ṣie ko yin yẹdoklọ gbọn yọnnu de dali+ Bọ yẹn tọ̀wu dai+ to họntonu kọmẹnu ṣie tọn, 10  Whenẹnu, gbọ asi ṣie ni linú na sunnu devo, Podọ sunnu devo lẹ ni tindo kọndopọ zanhẹmẹ tọn hẹ ẹ.*+ 11  Na walọ he huwinyan de wẹ enẹ na yin, Yèdọ nuṣiwa de he biọ dọ whẹdatọ lẹ ni sayanamẹ.+ 12  Miyọ́n he nọ dùnú bo nọ hẹnnugble de wẹ enẹ na yin,+ Ehe tlẹ sọgan fiọ adọ̀* sinsẹ́n ṣie lẹpo tọn. 13  Eyin yẹn nọ tẹ̀ whẹdida dodo devisunnu kavi deviyọnnu ṣie lẹ To whenue yé tindo owhẹ̀ de sọta mi, 14  Etẹwẹ yẹn na wà eyin Jiwheyẹwhe kannubiọ mi?* Etẹwẹ yẹn na gblọnna ẹn eyin ewọ biọ dọ yẹn ni dogbè?+ 15  Be e ma yin Mẹhe wleawuna mi do ohò onọ̀ ṣie tọn mẹ wẹ wleawu yelọsu tọn ga ya?+ Be e ma yin Mẹdopolọ wẹ basi mímẹpo whẹpo mí do yin jiji* ya?+ 16  Eyin yẹn nọ tẹ̀ wamọnọ lẹ nuhe yé jlo+ Kavi bianukunna asuṣiọsi;*+ 17  Eyin yẹn dopo wẹ nọ dù núdùdù ṣie Bo ma nọ má ẹn hẹ tọṣiọvi lẹ;+ 18  (Na sọn jọja whenu ṣie gbọ́n wẹ tọṣiọvi* nọ nọ̀ dè e whẹ́n taidi dọ yẹn wẹ otọ́ etọn nkọ, Podọ sọn ovu whenu ṣie gbọ́n* wẹ yẹn ko yin alihiamẹtọ na asuṣiọsi.)* 19  Eyin yẹn mọ mẹdepope he to dindọn, na e ma tindo avọ̀ wutu Kavi yẹn mọ wamọnọ de bọ e ma tindo avọ̀ ṣinṣinyọn;+ 20  Eyin ewọ* ma dona mi,+ Na ewọ na ko yí ofún lẹngbọ ṣie lẹ tọn do hlá yozò wutu; 21  Eyin yẹn miọn akotokún do tọṣiọvi ji nado dobuna ẹn+ To whenue ewọ tindo nuhudo alọgọ ṣie tọn* to họngbo tòdaho lọ tọn kọ̀n;+ 22  Whenẹnu, gbọ awà ṣie ni de sọn abọ́ ṣie go, Podọ awà ṣie ni wẹ́n sọn awàgonu. 23  Na nugbajẹmẹji Jiwheyẹwhe tọn nọ dobuna mi taun, Podọ yẹn ma sọgan nọte to gigo etọn nukọn. 24  Eyin yẹn ze jidide ṣie do sika mẹ Kavi dọna sika dagbedagbe dọ, ‘Hiẹ wẹ hihọ́ ṣie!’+ 25  Eyin yẹn nọ mọ ayajẹ to adọkun daho ṣie mẹ,+ Na nutindo susu he yẹn bẹpli wutu;+ 26  Eyin yẹn mọ bọ owhè* to sisẹ́ Kavi bọ osun to tẹnsẹ to whanpẹ etọn mẹ;+ 27  Eyin ahun ṣie yin yẹdoklọ to nuglọ, Bọ onù ṣie donùnùgo na alọ ṣie nado basi sinsẹ̀n hlan yé;+ 28  Whenẹnu, enẹ na yin nuṣiwa de he biọ dọ whẹdatọ lẹ ni sayanamẹ, Na enẹ na dohia dọ yẹn ko mọ́n Jiwheyẹwhe nugbo he to aga. 29  Be yẹn ko jaya to vasudo kẹntọ ṣie tọn mẹ pọ́n+ Kavi jẹaglin na nuylankan jọ do e go wutu wẹ? 30  Yẹn ma na dotẹnmẹ onù ṣie gbede nado waylando Gbọn ogbẹ̀* etọn bibiọ to whiwhle de mẹ dali.+ 31  Be sunnu he to gòhọ ṣie mẹ lẹ ma ko kanse dọ, ‘Mẹnu wẹ sọgan mọ mẹde he ma dù núdùdù* etọn gọ́ho?’+ 32  Jonọ depope ma nọ dọ́ gbonu to zánmẹ;+ Yẹn nọ hùn ohọ̀n ṣie lẹ na gbejizọnlinzintọ lẹ. 33  Be yẹn ko tẹnpọn gbede nado ṣinyọnnudo sẹ́nhẹngba ṣie lẹ dile mẹdevo lẹ nọ wà do,+ Gbọn nuṣiwa ṣie zizewhla do awupò ṣie mẹ dali wẹ ya? 34  Be yẹn nọ dibuna nuyiwa gbẹtọgun lẹ tọn, Kavi nọ to sijọsijọ ji na mẹṣanko whẹndo devo lẹ tọn wutu, Bọ enẹ nọ zọ́n bọ yẹn nọ nabọẹ bo nọ dibu nado tọ́njẹgbonu wẹ ya? 35  Eyin mẹde na dotoaina mi wẹ!+ Yẹn na yí oyín ṣie do dohiagona nuhe yẹn ko dọ.* Gbọ Ganhunupotọ lọ ni gblọnhona mi!+ Eyin whẹsadokọnamẹtọ ṣie ko kàn owhẹ̀ ṣie lẹ do owe de mẹ wẹ! 36  Yẹn na ze e hẹn do abọ́ ṣie ji, Bo na blá ẹ lẹdo ota ṣie taidi jẹgbakun de. 37  Yẹn na dogbè afọdide ṣie lẹ dopodopo tọn na ẹn; Yẹn na dọnsẹpọ ẹ po jidide po, kẹdẹdi ahọvi de. 38  Eyin aigba ṣie titi dawhá sọta mi Bọ owhẹ̀n etọn lẹ viavi to pọmẹ; 39  Eyin yẹn ko dù sinsẹ́n etọn lẹ ṣigba bo ma suahọ,+ Kavi eyin yẹn ko hẹn mẹhe tindo e lẹ* nado jẹflumẹ;+ 40  Whenẹnu, gbọ owùn ni wujẹgbonu do otẹn likun tọn mẹ na mi Podọ ogbé he nọ lunwán ylankan lẹ ni wú do otẹn balekun tọn mẹ.” Hodidọ Jobu tọn lẹ fó dofi.

Nudọnamẹ Odò Tọn

Kavi vlavo, “hẹ sunnu he ma nọ dọ nugbo lẹ.”
Kavi “Podọ gbọ kúnkan ṣie ni yin hinhọ̀nsẹ.”
To paa mẹ, “Podọ gbọ sunnu devo lẹ ni jẹklo do e ji.”
Kavi “họ̀n adọ̀.”
To paa mẹ, “fọ́n.”
To paa mẹ, “mímẹpo to adọ̀ mẹ.”
To paa mẹ, “hẹn nukun asuṣiọsi tọn dózin.”
To paa mẹ, “ewọ.”
To paa mẹ, “sọn adọ̀ onọ̀ ṣie tọn mẹ.”
To paa mẹ, “ewọ.”
To paa mẹ, “alinkàn etọn.”
Kavi vlavo, “To whenue n’mọdọ n’tindo alọgọ.”
To paa mẹ, “hinhọ́n.”
Kavi “alindọn.”
To paa mẹ, “olàn.”
Kavi “Alọdowemẹ ṣie die.”
Kavi “hẹn alindọn mẹhe tindo e lẹ tọn.”