Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Jobu 30:1-31

NUHE E BẸHẸN LẸ

  • Jobu basi zẹẹmẹ lehe ninọmẹ etọn ko diọ do tọn (1-31)

    • Nuvọ́nọ lẹ nọ vlẹ ẹ kò (1-15)

    • Alọgọ ma wá sọn mẹde dè (20, 21)

    • “Ayú ṣie ko diyuu” (30)

30  “Todin, yé to ṣinṣàn mi kò+ —Yé mẹhe yẹn yin mẹho na lẹ, Otọ́ mẹhe tọn yẹn ma tlẹ sọgan dike Bọ yé na nọpọ́ hẹ avún he nọ ṣọ́ lẹngbọpa ṣie lẹ.   Ale tẹwẹ tin to huhlọn alọ yetọn lẹ tọn mẹ na mi? Yé masọ tindo nugopipe de ba.   Ohẹ́n po huvẹ po ko hẹn yé zun madogánnọ; Yé nọ to adú-hú aigba-klo He ko gbọgbé bo jẹvọ́.   Yé nọ bẹ amà atin ojẹ̀ tọn pli sọn zunmẹ; Adọ̀ atin zunmẹ tọn wẹ yin núdùdù yetọn.   Yé nọ yin yinyan sọn tòmẹ;+ Gbẹtọ lẹ nọ ké awhá do ota na yé taidi do ajotọ de ji.   Dòdòklidò agbàdo* gbọgbé lẹ tọn mẹ wẹ yé nọ nọ̀, Yèdọ to odò lẹ mẹ to aigba glọ podọ to osé lẹ mẹ.   Yé nọ dawhá sọn zunmẹ Bo nọ bẹ yedelẹ pli do wùnkan lẹ ṣẹnṣẹn.   Taidi visunnu omẹ gugutọ po nuvọ́nọ lẹ tọn po, Yé ko yin yinyan* sọn aigba lọ ji.   Ṣigba, todin yé to vivlẹ mi kò etlẹ yin to ohàn yetọn lẹ mẹ;+ Yẹn ko lẹzun aṣagbọ́nu* na yé.+ 10  Yé gbẹwanna mi sinsinyẹn bo nọ nọla na mi;+ Yé ma tlẹ nọ whleawu nado túntán do nukunmẹ na mi.+ 11  Na Jiwheyẹwhe ko yí adánwanu sọn asi e* bo ze mi whè wutu, Yé túnkanna yede pete to nukọn ṣie. 12  Yé fọ́n to adusilọ ṣie mẹ taidi gbẹtọgun zingidinọ de; Yé hẹn mi doge wezun mẹ Bosọ wleawuna aliglọnnamẹnu vasudo tọn lẹ do aliji na mi. 13  Yé hẹn aliho ṣie lẹ gble Bo hẹn nugbajẹmẹji ṣie sinyẹn deji,+ Bọ mẹdepope ma tin he sọgan hẹnalọdotena yé.* 14  Yé wọ̀ wá taidi gbọn adó zizẹ de mẹ; Yé doawhàn wá gbọn gbakija lẹ ṣẹnṣẹn. 15  Ahun ṣie gbàdo; Yẹyi ṣie sọ họnyi di jẹhọn, Bọ whlẹngán ṣie busẹ di aslọ de. 16  Todin, ogbẹ̀* ṣie to kinkọnyinai;+ Azán yajiji tọn lẹ ko wá ji e.+ 17  Awufiẹsa ṣie nọ sinyẹn to zánmẹ kaka biọ húmẹ;*+ Yajiji sinsinyẹn lọ ma doalọte gbede.+ 18  Po huhlọn po, awusọhia awù ṣie tọn diọ;* E finyọ́n mi tánun-tánun di okọ̀ awù ṣie tọn. 19  Jiwheyẹwhe ko ze mi dlan ogbọ̀n mẹ; Yẹn ko biọ kọ́gudu po afín po mẹ. 20  Yẹn dawhá ylọ we na alọgọ, ṣigba hiẹ ma siọ mi;+ Yẹn fọnṣite, ṣigba pọ́n janwẹ hiẹ pọ́n mi poun. 21  Hiẹ ko yí kanyinylan do diọnukunsọ mi;+ Huhlọn alọ towe tọn lẹpo wẹ hiẹ yí do linú mi. 22  Hiẹ ze mi daga bo yí jẹhọn do fú mi sẹ̀; Enẹgodo, hiẹ yí yujẹhọn do dó yigọyigọ na mi.* 23  Na yẹn yọnẹn dọ hiẹ na hẹn mi yìdo kakajẹ okú, Yèdọ yì ohọ̀ he mẹ mẹhe togbẹ̀ lẹpo na wá pé te. 24  Ṣigba, mẹdepope ma na linú ayimajainanọ* de+ Eyin e dawhá na alọgọ to ojlẹ nugbajẹmẹji tọn etọn whenu. 25  Be yẹn ma ko viavi na mẹhe tin to ojlẹ awusinyẹn tọn mẹ* lẹ wẹ? Be yẹn* ma ko nọ aluẹmẹ na wamọnọ lẹ wẹ ya?+ 26  Ṣigba, dile etlẹ yindọ yẹn to nukundo dagbe, oylan wẹ wá; Yẹn to nukundo hinhọ́n, amọ́ zinvlu wẹ wá. 27  Homẹ ṣie to wuwlu madoalọte; Azán yajiji tọn lẹ wẹ pannukọn mi. 28  Yẹn to zọnlinzin pé to awubla mẹ;+ hinhọ́n owhè tọn ma tin. Yẹn fọ́n to gbẹtọgun ṣẹnṣẹn bo dawhá na alọgọ. 29  Yẹn ko lẹzun nọvi na avún gbémẹ tọn lẹ Podọ hagbẹ de na ovi ogongo tọn lẹ.+ 30  Ayú ṣie ko diyuu bo nọ flé sẹ̀;+ Ohú ṣie lẹ mẹ nọ jizò sinsinyẹn.* 31  Aluẹmẹninọ kẹdẹ wẹ ajalẹn ṣie nọ yin yiyizan na, Podọ ován ṣie na avigbè.

Nudọnamẹ Odò Tọn

Kavi “agbàdo tọ̀sisa tọn.” Pọ́n Zẹm.
To paa mẹ, “hihò.”
To paa mẹ, “howhinwhẹn.”
To paa mẹ, “ko tún ogákàn ṣie.”
Kavi vlavo, “he to alọgọna yé.”
Kavi “alindọn.”
To paa mẹ, “Ohú ṣie lẹ nọ yin tintọ́n to zánmẹ.”
Kavi vlavo, “Ayimajai sinsinyẹn ṣie diọ awusọhia ṣie.”
Kavi vlavo, “hiẹ gbà mi hányán bo hẹn mi yọ́.”
To paa mẹ, “okiti gbakija tọn.”
Kavi “mẹhe azán yetọn gọ́ na tukla.”
Kavi “alindọn ṣie.”
Kavi vlavo, “Ohú ṣie lẹ mẹ nọ jizò, na agbasa-hùnmiyọ́n wutu.”