Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Jobu 3:1-26

NUHE E BẸHẸN LẸ

  • Jobu wule gando jiji etọn go (1-26)

    • E kàn nuhewutu e do to yaji sè (20, 21)

3  Enẹgodo wẹ Jobu jẹ hodọ ji bo jẹ dẹ̀hodo azán he gbè e yin jiji te ji.*+  Jobu dọmọ:   “Na azán he gbè yẹn yin jiji te ni dọ̀n,+ Gọna ozán he mẹ mẹde dọ te dọ: ‘Yè ko mọhò visunnu de tọn!’   Na azán enẹ ni dózin. Na Jiwheyẹwhe he to aga ni ma yí nukundagbe do pọ́n ẹn blo; Na hinhọ́n depope ni ma tá do e ji blo.   Na zinvlu gọ́ngọ́n* ni vọ́ ẹ yí. Na aslọ jikun tọn ni ṣinyọnyẹ e ji. Na nudepope he nọ hẹn okle dózin ni dobuna ẹn.   Na nuhe dù ozán enẹ—zinvlu ni ṣinyọ́n e ji;+ Na e ni ma jaya dopọ hẹ azán he owhe dopo nọ bẹhẹn lẹ blo, Podọ na e ni ma yin hihia dogọ osun lẹ blo.   Nugbo! Na ozán enẹ ni pòta; Na awhá ayajẹ tọn depope ni ma yin sisè to e mẹ blo.   Na mẹhe nọ hodẹ̀do azán lẹ ni hodẹ̀do e, Mẹhe penugo nado fọ́n Leviatani* lẹ.+   Na sunwhlẹvu he nọ tọ́n to zánfinfọ́n lẹ ni dozinvlu; Na azán enẹ ni nọtepọn hinhọ́n okle tọn to ovọ́ mẹ, Podọ na e ni ma mọ zizẹ owhè tọn blo. 10  Na e ma sú adọ̀ onọ̀ ṣie tọn wutu;+ Mọjanwẹ e ma de tukla sẹ̀ sọn nukun ṣie mẹ do niyẹn. 11  Naegbọn yẹn ma do kú to jiji whenu? Naegbọn yẹn ma do jo ogbẹ̀ do to whenue yẹn tọ́n sọn adọ̀mẹ?+ 12  Naegbọn asapada lẹ do tin nado yí mi hẹn Bọ anọ́ lẹ do tin na yẹn nido nọ́? 13  Eyin e ma yinmọ, yẹn na ko to aimimlọn abọẹ;+ Yẹn na ko to amlọndọ bo to gbigbọjẹ+ 14  Hẹ ahọlu aigba tọn lẹ po ayinamẹtọ yetọn lẹ po, Mẹhe gbá otẹn he ko gbakija todin* lẹ na yede, 15  Kavi hẹ ahọvi lẹ he tindo sika, Mẹhe owhé yetọn lẹ gọ́ na fataka. 16  Kavi naegbọn yẹn ma do taidi ovi he ohò etọn gble, Yèdọ taidi ovi he ma sọnukunmọ hinhọ́n pọ́n? 17  To yọdò mẹ, mẹylankan lẹ lọsu ma nọ fọ́n adán; Madogánnọ lẹ nọ mọ gbọjẹ to finẹ.+ 18  Gàntọ lẹpo wẹ nọ vò to finẹ; Yé ma nọ sè ogbè mẹhe nọ hẹn yé gánnugánnu nado wazọ́n tọn. 19  Omẹ pẹvi po daho po ma tindo vogbingbọn to finẹ,+ Podọ afanumẹ nọ jẹ edekannu sọn ogán etọn si. 20  Naegbọn Jiwheyẹwhe do nọ na hinhọ́n mẹhe to yaji Bo nọ nagbẹ̀ mẹhe to ayimajai sinsinyẹn mẹ* lẹ?+ 21  Naegbọn yé do nọ biọ okú, ṣigba bọ e ma nọ wá?+ Yé nọ dín in hugan adọkunnu he whla lẹ, 22  Yèdọ yewlẹ he nọ to aglinjẹ, Bosọ nọ jaya to whenue yé mọ yọdò. 23  Naegbọn e do nọ na hinhọ́n sunnu he ko buali, Yèdọ mẹhe Jiwheyẹwhe glọn?+ 24  Na azọ̀nwinwẹn wẹ nọ nọ̀ núdùdù tẹnmẹ na mi,+ Bọ hunwinwẹn+ ṣie nọ kọ̀n jẹgbonu di osin. 25  Na nuhe yẹn ko to sijọsijọ ji na lọ ko wá ji e, Bọ nuhe yẹn to budina lọ ko jọ do go e. 26  Jijọho, abọẹninọ kavi gbọjẹ depope ma tin na mi, Ṣigba, tukla kẹdẹ wẹ nọ to wiwá mapote.”

Nudọnamẹ Odò Tọn

To paa mẹ, “jẹ dẹ̀hodo azán etọn ji.”
Kavi “zinvlu po oyẹ̀ okú tọn po.”
Ehe sọgan to alọdlẹndo oló kavi kanlin daho huhlọnnọ devo lẹ he nọ nọ̀ osin mẹ.
Kavi vlavo, “gbá ofi gbọgbé.”
Kavi “mẹhe alindọn yetọn to awufiẹsa mẹ.”