Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Jobu 29:1-25

NUHE E BẸHẸN LẸ

  • Jobu flin azán ayajẹ tọn lẹ he jẹnukọnna whlepọn etọn (1-25)

    • Yè nọ na ẹn sisi to họngbo tòdaho tọn ji (7-10)

    • Whẹdida dodo etọn he wayi lẹ (11-17)

    • Mẹlẹpo wẹ nọ dotoaina ayinamẹ etọn (21-23)

29  Jobu zindonukọn to hodidọ* etọn mẹ dọmọ:   “E na ko yọ́n taun eyin osun he wayi lẹ mẹ wẹ yẹn gbẹ́ pò te, Yèdọ ojlẹ he mẹ Jiwheyẹwhe nọ to hihọ́-basina mi,   Whenue ewọ nọ hẹn miyọ́ngbán etọn nado tá hinhọ́n do ota na mi, Whenue yẹn nọ zinzọnlin gbọn zinvlu mẹ to hinhọ́n etọn nù,+   Whenue yẹn gbẹ́ pò to jogún-jogún, Whenue Jiwheyẹwhe yin họntọn ṣie vivẹ́ bo nọ nọ̀ gòhọ ṣie mẹ,+   Whenue Ganhunupotọ lọ gbẹ́ tin hẹ mi, Whenue ovi* ṣie lẹpo gbẹ́ lẹdo mi pé,   Whenue limu anọ́sin tọn nọ yin yíyí do klọ́ afọgbọntẹn ṣie lẹ, Bọ osé lẹ nọ ví amì jẹgbonu na mi bọ e nọ to sisà.+   Whenue yẹn nọ tọ́n jẹ họngbo tòdaho lọ tọn kọ̀n+ Bo nọ sinai to tòplitẹn tòdaho lọ tọn,+   Jọja sunnu lẹ nọ mọ mi bo nọ sẹ̀ jẹ apadopo,* Bọ sunnu mẹho lẹ lọsu nọ fọnṣite bo nọ gbọṣi ote.+   Ahọvi lẹ nọ bọnùdo; Yé nọ yí alọ yetọn do sú onù. 10  Ogbè omẹ nukundeji lẹ tọn nọ yin hinhẹn doalọte; Odẹ́ yetọn nọ tẹdo aglàn yetọn go. 11  Mẹdepope he sè ogbè ṣie nọ dọho ṣie dagbe, Podọ mẹhe mọ mi lẹ nọ dekunnuna mi. 12  Na yẹn nọ whlẹn wamọnọ he to awhádo na alọgọ,+ Gọna tọṣiọvi po mẹdepope he ma tindo alọgọtọ po.+ 13  Mẹhe to kúdonu nọ dona mi,+ Yẹn sọ nọ hẹn homẹ asuṣiọsi tọn hùn.+ 14  Yẹn nọ ze dodowiwa do di awù; Whẹdida dodo ṣie sọ taidi tewu* po tabla de po. 15  Yẹn nọ lẹzun nukun na nukuntọ́nnọ lẹ Podọ afọ na sẹkunọ lẹ. 16  Yẹn wẹ otọ́ wamọnọ tọn;+ Yẹn sọ nọ dindona owhẹ̀ mẹhe yẹn ma yọnẹn pọ́n lẹ tọn.+ 17  Yẹn nọ wẹ́n aglànká na mẹylankan+ Bo nọ dọ̀n nuhe e wle lọ tọ́n sọn adú mẹ na ẹn. 18  Yẹn nọ saba dọ dọ, ‘Owhé ṣie titi gbè* wẹ yẹn na kú do,+ Podọ azán ṣie lẹ na sù di tọkẹ́n. 19  Adọ̀ ṣie lẹ na vùn kaka yì mọ otọ̀, Ahun he nọ ja nasọ gbọṣi alà ṣie lẹ ji to ozán blebu mẹ. 20  Gigo ṣie nọ yin hinhẹn jẹ yọyọ to whelẹponu, Yẹn nasọ to ogá he to alọ ṣie mẹ de mapote.’ 21  Gbẹtọ lẹ nọ dotoai po jejejininọ po, Bo nọ nọte abọẹ nado sè ayinamẹ ṣie.+ 22  To whenue yẹn dọho fó, yé masọ nọ tindo nudepope nado dọ ba; Ohó ṣie lẹ nọ biọ otó mẹ na yé vudevude.* 23  Yé nọ nọtepọn mi taidi jikun; Yé nọ kẹnù do nùvo taidi mẹhe to tepọn jikun amakikọ-whenu tọn.+ 24  Eyin yẹn konu do yé, e nọ paṣa yé taun; Hinhọ́n nukunmẹ ṣie tọn nọ vọ́ jide na yé.* 25  Taidi nukọntọ yetọn, yẹn nọ na yé anademẹ, Yẹn sọ taidi ahọlu de to awhànpa etọn lẹ ṣẹnṣẹn,+ Taidi mẹhe nọ miọnhomẹna mẹhe to aluẹmẹ lẹ.+

Nudọnamẹ Odò Tọn

To paa mẹ, “howhinwhẹn.”
Kavi “devizọnwatọ.”
To paa mẹ, “nọ whlá yede.”
Kavi “awù he ma tindo awà.”
To paa mẹ, “Adọ́ ṣie mẹ.”
To paa mẹ, “nọ kùn do otó mẹ na yé.”
Kavi vlavo, “Yé ma nọ hẹn hinhọ́n nukunmẹ ṣie tọn dózin.”