Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Jobu 27:1-23

NUHE E BẸHẸN LẸ

  • Jobu magbe nado hẹn tenọgli go (1-23)

    • “Yẹn ma na jo tenọgli ṣie do” (5)

    • Omẹ jijọ-madi-Jiwheyẹwhe tọn ma tindo todido (8)

    • ‘Naegbọn ohó mìtọn do yin ohó fúsa kẹdẹ?’ (12)

    • Mẹylankan ma na tindo nude (13-23)

27  Jobu zindonukọn to hodidọ* etọn mẹ dọmọ:   “Dile Jiwheyẹwhe togbẹ̀, yèdọ mẹhe tẹ̀ whẹdida dodo mi,+ Dile Ganhunupotọ lọ togbẹ̀, mẹhe hẹn gbẹninọ vẹawuna mi,*+   Dile e na dẹnsọ bọ gbọfufu na pò to ohò ṣie mẹ Bọ gbigbọ he wá sọn Jiwheyẹwhe dè na to awọntinslo ṣie lẹ mẹ,+   Nùflo ṣie lẹ ma na dọho mawadodo tọn; Mọjanwẹ odẹ́ ṣie ma na hlún nado dọho oklọ tọn do niyẹn!   E ma sọgan wá linlẹn mẹ na mi gbede nado lá mìwlẹ di dodonọ! Kaka yẹn nado kú, yẹn ma na jo tenọgli ṣie do!*+   Yẹn na hẹn dodowiwa ṣie go bo ma na jo e do gbede;+ Ahun ṣie ma na gblewhẹdo mi,* dile e na dẹnsọ bọ yẹn na togbẹ̀.*   Kẹntọ ṣie ni taidi mẹylankan, Mẹhe to ogbé ṣie yàn lẹ ni taidi mawadodonọ.   Na todido tẹwẹ tin na gbẹtọ jijọ-madi-Jiwheyẹwhe tọn* to whenue ewọ yin vivasudo,+ Yèdọ to whenue Jiwheyẹwhe na ko yí ogbẹ̀* etọn sọn e si?   Be Jiwheyẹwhe na sè awhágbe etọn To whenue ewọ to ayimajai mẹ wẹ?+ 10  Kavi be ewọ na tindo homẹhunhun to Ganhunupotọ lọ mẹ ya? Be ewọ na nọ dawhá ylọ Jiwheyẹwhe to whelẹponu wẹ? 11  Yẹn na plọnnu mì gando huhlọn Jiwheyẹwhe tọn go;* Yẹn ma na whlá nudepope gando Ganhunupotọ lọ go. 12  Mì pọ́n! Eyin mìmẹpo wẹ ko mọ numimọ lẹ, Naegbọn hodidọ mìtọn lẹ do yin ohó fúsa kẹdẹ? 13  Mimá mẹylankan tọn sọn Jiwheyẹwhe dè die,+ Yèdọ ogú he kọgbidinamẹtọ lẹ nọ mọyi sọn Ganhunupotọ lọ dè. 14  Eyin visunnu etọn lẹ tlẹ sù, yé na jai gbọn ohí dali,+ Podọ núdùdù ma na pé kúnkan etọn. 15  Mẹhe pò togbẹ̀ to okú etọn godo lẹ na yin dìdì na azọ̀nylankan wutu, Podọ asuṣiọsi yetọn lẹ ma na ví yé. 16  Eyin ewọ tlẹ bẹ fataka pli di kọ́gudu Bo bẹ avọ̀ dagbedagbe lẹ pli di okò, 17  Dile etlẹ yindọ ewọ wẹ bẹ yé pli, Dodonọ wẹ na do yé,+ Bọ homẹvọnọ lẹ na má fataka etọn. 18  Owhé he e gbá ma lodo bo taidi adọ́ okọ́ he nọ dùnú tọn, Yèdọ taidi avàtẹn+ he nuhọ́tọ de basi. 19  Ewọ na mlọnai di adọkunnọ, ṣigba e ma na bẹ nudepope pli; Whenue e hùn nukun etọn, e ma na mọ nudepope. 20  Obu jẹ e ji dile singigọ nọ gbaṣinyọ́nmẹ do; Yujẹhọn sọ plọ́ ẹ sọyi to zánmẹ.+ 21  Jẹhọn whèzẹtẹn tọn na ze e yì, bọ ewọ ma na tin ba; E na zà ẹ sọn otẹn etọn mẹ pete.+ 22  E na to yìnyìn jẹ e ji sinsinyẹn matin lẹblanu+ Dile ewọ na to tintẹnpọn to ovọ́ mẹ nado họ̀ngán sọn huhlọn etọn nù.+ 23  E na hopẹ́ do ota na ẹn Bo nasọ kẹ̀hẹli+ do e ji sọn otẹn etọn mẹ.*

Nudọnamẹ Odò Tọn

To paa mẹ, “howhinwhẹn.”
Kavi “alindọn ṣie.”
Kavi “ma na de tenọgli ṣie sọn dè e; yẹn na hẹn tenọgli ṣie go!”
Kavi “ma na ṣàn mi kò.”
Kavi “na azán ṣie lẹ depope.”
Kavi “atẹṣitọ.”
Kavi “alindọn.”
Kavi vlavo, “plọnnu mì gbọn alọ Jiwheyẹwhe tọn gblamẹ.”
Kavi vlavo, “Yé na hopẹ́ do ota na ẹn bo nasọ kẹ̀hẹli do e ji sọn otẹn yetọn mẹ.”