Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Jobu 26:1-14

NUHE E BẸHẸN LẸ

  • Gblọndo Jobu tọn (1-14)

    • ‘Lehe a gọalọna madogánnọ sọ!’ (1-4)

    • ‘Aigba to agbágbá’ (7)

    • ‘Vude to ali Jiwheyẹwhe tọn lẹ mẹ’ (14)

26  Jobu sọ gblọn dọmọ:   “Pọ́n lehe hiẹ ko gọalọna mẹhe ma dohuhlọn depope do! Lehe hiẹ ko whlẹn alọ he madogán do!+   Pọ́n lehe ayinamẹ he hiẹ na mẹhe gbọagba nuyọnẹn tọn yọ́n sọ!+ Lehe hiẹ túntún nuyọnẹn yọ́n-na-yizan* towe jẹgbonu do!   Mẹnu wẹ hiẹ to tintẹnpọn nado dọhona, Podọ mẹnu wẹ gbọdo we nado dọ onú mọnkọtọn lẹ?*   Oṣiọ he ma tlẹ nọ pé nudepope go lẹ to sisọsisọ; Yé tlẹ yìdo hú ohù po nuhe tin to e mẹ lẹ po.   Omẹ́ wẹ Yọdò* te to Jiwheyẹwhe* nukọn,+ Bọ otẹn vasudo tọn* to nùvo.   Ewọ tẹ́ agahomẹ agewaji tọn* do dovlomẹ,+ Bo plá aigba do agbágbá;   Ewọ glọn osin do aslọ etọn lẹ mẹ,+ Sọmọ bọ aslọ lẹ ma nọ wú na zínpinpẹn osin tọn wutu;   Ewọ glọn ofìn etọn ma nado yin mimọ, Gbọn aslọ etọn yíyí do ṣinyọ́n ẹn dali.+ 10  Ewọ de dogbó de do osin nukunmẹ;+ E sọ de dogbó do hinhọ́n po zinvlu po ṣẹnṣẹn. 11  Dòtin olọn tọn lẹ lọsu nọ whàn; Yé nọ sisọ eyin ewọ wadán. 12  Ewọ yí huhlọn etọn do wlu ohù,+ Bo yí nukunnumọjẹnumẹ etọn do gídí nudazi hùmẹ tọn.*+ 13  Ewọ yí gbọfufu* etọn do hẹn agahomẹ họ́n; Alọ etọn wẹ hù odàn he nọ dídí lọ. 14  Pọ́n! Vude poun to aliho etọn lẹ mẹ niyẹn;+ Onú vude poun wẹ mí ko sè gando ewọ go! Enẹwutu, mẹnu wẹ sọgan mọnukunnujẹ hẹviosò huhlọnnọ etọn mẹ?”+

Nudọnamẹ Odò Tọn

Kavi “túntún lẹnpọn dagbe.”
To paa mẹ, “Podọ gbọfufu (gbigbọ) mẹnu tọn wẹ tọ́njẹgbonu sọn hiẹ mẹ?”
Kavi “Ṣeol,” enẹ wẹ, yọdò paa gbẹtọvi lẹ tọn. Pọ́n Zẹm.
To paa mẹ, “ewọ.”
Kavi “Bọ Abadọni.”
To paa mẹ, “tẹ́ agewaji.”
To paa mẹ, “gídí Lahabi.”
Kavi “jẹhọn.”