Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Jobu 24:1-25

NUHE E BẸHẸN LẸ

  • Gblọndo Jobu tọn zindonukọn (1-25)

    • ‘Naegbọn Jiwheyẹwhe ma de ojlẹ de?’ (1)

    • E dọ dọ Jiwheyẹwhe na dotẹnmẹ kanyinylan (12)

    • Ylandonọ lẹ nọ yiwanna zinvlu (13-17)

24  “Naegbọn Ganhunupotọ lọ ma do de ojlẹ de?+ Naegbọn mẹhe yọ́n ẹn lẹ ma mọ azán etọn?*   Gbẹtọ lẹ nọ sẹtẹnna ohia dogbó mẹdevo lẹ tọn;+ Yé nọ bẹ kanlin mẹdevo lẹ tọn yì kanlindugbo yetọn titi mẹ.   Yé nọ yàn kẹtẹkẹtẹ tọṣiọvi lẹ tọn sẹ̀ Bo nọ hò oyìnsú asuṣiọsi lẹ tọn yí taidi afàsúnú.+   Yé nọ yàn wamọnọ lẹ sẹ̀ sọn aliji; Bọ agbátọnọ he to aigba ji lẹ dona whla yede sọn nukọn yetọn.+   Wamọnọ lẹ nọ dín núdùdù pé kẹdẹdi kẹtẹkẹtẹ gbémẹ tọn lẹ+ to danfafa ji; Yé nọ dín núdùdù na ovi yetọn lẹ to danfafa ji.   Yé nọ to dandannu glọ nado bẹ jinukun wá whé sọn ogle mẹdevo tọn mẹ* Bosọ nọ wéwélu to vẹngle mẹylankan tọn mẹ.   Gòkló wẹ yé nọ dọ́, matin avọ̀ to ogo;+ Yé ma tindo avọ̀ ṣinṣinyọn depope nado glọn avivọ.   Jikun he nọ ja to osó ji lẹ nọ yọ̀n yé pete; Yé sọ nọ tẹdo osé lẹ go na yé ma mọ bẹtẹn de wutu.   Tọṣiọvi nọ yin didesọn anọ́nù gánnugánnu;+ Awù wamọnọ tọn lẹ sọ nọ yin yíyí taidi afàsúnú,+ 10  Yé nọ yin hinhẹn gánnugánnu nado to yìyì pé to gòkló, matin avọ̀ to ogo, Bo nọ yin dido huvẹ, dile yé to okọ̀ jinukun tọn lẹ bẹ. 11  Yé nọ to azọ́n sinsinyẹn wà to owhè ṣádada nù* to adó he nọ glọn aisun to glemẹ lẹ ṣẹnṣẹn; Yé nọ yí afọ do tùn ovẹn sinsẹ́n lẹ to ovẹn-finyọ́ndo lẹ mẹ, ṣogan nugbla nọ to yé hù.+ 12  Mẹhe to bèdebède lẹ nọ to hunwẹn to tòdaho lọ mẹ; Mẹhe yin awugblena sinsinyẹn lẹ* nọ dawhá na alọgọ,+ Ṣigba, Jiwheyẹwhe ma nọ pọ́n ehe di nuhe ma sọgbe.* 13  Mẹdelẹ tin he nọ gbẹwanna hinhọ́n;+ Yé ma yọ́n aliho etọn lẹ, Yé masọ nọ hodo aliho etọn lẹ. 14  Mẹhutọ nọ fọ́n to afọnnu fliflimẹ; E nọ hù agbátọnọ po wamọnọ po,+ Bosọ nọ jẹajo to zánmẹ. 15  Nukun ayọdetọ tọn nọ nọtepọn whèjai plẹplẹ,+ Na e nọ dọ dọ, ‘Mẹdepope ma na mọ mi!’+ Bọ e nọ ṣinyọnnudo nukunmẹ. 16  Yé nọ gbò adó biọ* owhé lẹ gbè to zinvlu mẹ; Yé nọ suhọ̀n do ota to okle. Yé ma yọ́n hinhọ́n.+ 17  Na afọnnu wẹ taidi zinvlu gọ́ngọ́n na yé; Yé jẹakọ hẹ nuhe nọ dobunamẹ to zinvlu gọ́ngọ́n mẹ lẹ. 18  Ṣigba, osin nọ plọ́ yé yì plaun.* Aigba he yin mimá na yé na yin dẹ̀hodo.+ Yé ma na lẹkọyi vẹngle yetọn lẹ mẹ. 19  Kẹdẹdile akúdido po yozò po nọ hú osin-agó he yọ́ sẹ̀ do, Mọdopolọ wẹ Yọdò* nọ bẹ mẹhe ko waylando lẹ yì do!+ 20  Onọ̀ etọn* na wọn ẹn; owé lẹ na yí homẹhunhun do dù i. Ewọ ma nasọ yin finflin ba.+ Mawadodo nasọ yin sinsánsẹ di atin. 21  Ewọ nọ tọ̀pọwuna yọnnu wẹnsinọ, Bo nọ wà okà do asuṣiọsi go. 22  Jiwheyẹwhe* na yí huhlọn etọn do hù huhlọnnọ lẹ; Eyin onú tlẹ yọ́n na yé, ogbẹ̀ yetọn ma tindo jidide. 23  Jiwheyẹwhe* nọ dike bọ yé nọ deji bo nọ vò,+ Ṣigba, nukun etọn to nuhe wà yé te lẹpo ji.*+ 24  Yé nọ yin zizedaga na ojlẹ vude, enẹgodo yé masọ nọ tin ba.+ Yé nọ yin zínzín do odò+ bo nọ yin bibẹpli taidi mẹdevo depope; Yé nọ yin sinsánsẹ taidi ota jinukun tọn lẹ. 25  Todin, mẹnu wẹ sọgan do mi hia di lalonọ Kavi jẹagọdo ohó ṣie lẹ?”

Nudọnamẹ Odò Tọn

Enẹ wẹ, azán whẹdida tọn etọn.
Kavi vlavo, “nado dín núdùdù kanlin tọn to glemẹ.”
Kavi vlavo, “Yé nọ finyọ́n amì.”
Kavi “Alindọn mẹhe yin awugblena lẹ tọn.”
Kavi vlavo, “Jiwheyẹwhe ma nọ hia oylan dokọna mẹdepope.”
To paa mẹ, “nọ kùndò biọ.”
To paa mẹ, “Ewọ nọ yì plaun to osin nukunta.”
Kavi “Ṣeol,” enẹ wẹ, yọdò paa gbẹtọvi lẹ tọn. Pọ́n Zẹm.
To paa mẹ, “Vidọ̀ lọ.”
To paa mẹ, “Ewọ.”
To paa mẹ, “Ewọ.”
To paa mẹ, “to aliho yetọn lẹ ji.”