Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Jobu 23:1-17

NUHE E BẸHẸN LẸ

  • Gblọndo Jobu tọn (1-17)

    • E jlo nado ze owhẹ̀ etọn yì Jiwheyẹwhe nukọn (1-7)

    • E dọ dọ emi ma mọ Jiwheyẹwhe (8, 9)

    • ‘N’tẹdo aliho etọn go bo ma zẹ̀’ (11)

23  Jobu sọ gblọn dọmọ:   “Yẹn na yí tasinsinyẹn do wule, etlẹ yin to egbé;+ Onú ko ṣikọna mi pete na azọ̀nwinwẹn ṣie wutu.   Eyin yẹn yọ́n fie yẹn sọgan mọ Jiwheyẹwhe te wẹ!+ Yẹn na yì fie ewọ nọ nọ̀.+   Yẹn na ze whẹho ṣie donukọnna ẹn Bo na na whẹwhinwhẹ́n susu to hodidọ ṣie mẹ;   Yẹn na plọnnu sọn lehe ewọ na gblọnna mi do mẹ Bo na na ayidonugo nuhe ewọ na dọna mi lẹ.   Be ewọ na yí huhlọn daho etọn do dọnnu hẹ mi wẹ ya? Lala, e họnwun dọ ewọ na dotoaina mi.+   To whenẹnu, nugbonọ lọ sọgan dọwhẹgbọ hẹ ewọ, Bọ Whẹdatọ ṣie na de owhẹ̀ sọn okọ̀ na mi pete.   Ṣigba, n’yì whèzẹtẹn bọ e ma to finẹ; N’sọ lẹkọwa bo ma mọ ẹn.   Whenue e to azọ́nwa to amiyọnwhé, yẹn ma penugo nado mọ ẹn; Enẹgodo, ewọ lilẹ́ yì adusiwhé, amọ́ yẹn ma mọ ẹn janwẹ. 10  Ṣigba, ewọ yọ́n aliho he yẹn ze.+ To whenue ewọ na ko whlé mi pọ́n godo, yẹn na tọ́njẹgbonu di sika akú.+ 11  Afọ ṣie lẹ to afọdòmẹ etọn lẹ hodo pẹkipẹki; Yẹn ko tẹdo aliho etọn go bo ma zẹ̀ sọn e ji.+ 12  Yẹn ma lẹkọ sọn gbedide he tọ́n sọn onù etọn mẹ kọ̀n gba. Yẹn wlebòna ohó etọn lẹ+ hugan lehe e yin bibiọ to asi e do.* 13  Eyin ewọ magbe, mẹnu wẹ sọgan glọnalina ẹn?+ Eyin ewọ* jlo na wà nude, e nọ wà ẹ.+ 14  Na ewọ na hẹn nuhe e ko magbe nado wà na mi lẹpo di mlẹnmlẹn, Podọ onú mọnkọtọn susu wẹ e tindo to sẹdotẹnmẹ. 15  Enẹ wẹ zọ́n bọ yẹn do to nuhà na ewọ wutu; Eyin yẹn lẹnnupọndo ewọ ji, obu nọ di mi taun. 16  Jiwheyẹwhe ko hẹn ahun ṣie gbàdo, Ganhunupotọ lọ ko sọ hẹn mi dibu. 17  Ṣigba, zinvlu ma ko bọnùdo na mi Mọjanwẹ zinvlu gọ́ngọ́n he ṣinyọ́n nukunmẹ na mi ma ko wàmọ do niyẹn.

Nudọnamẹ Odò Tọn

Kavi “yin gbedena mi do.”
Kavi “alindọn etọn.”