Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Jobu 22:1-30

NUHE E BẸHẸN LẸ

  • Hodidọ Elifazi tọn atọ̀ntọ (1-30)

    • ‘Be gbẹtọ gán hẹn ale de wá na Jiwheyẹwhe ya?’ (2, 3)

    • E sawhẹ nukunkẹn po mawadodo po tọn dokọna Jobu (9)

    • ‘Gọ̀ do Jiwheyẹwhe dè na ninọmẹ towe ni diọ’ (23)

22  Elifazi+ Temaninu lọ dọna ẹn dọmọ:   “Be gbẹtọ sọgan yọ́n-na-yizan na Jiwheyẹwhe ya? Be mẹdepope he tindo zinzin sọgan hẹn ale de wá na ẹn ya?+   Be Ganhunupotọ lọ nọ hò dodonọ-yinyin towe pọ́n* ya, Kavi be e nọ mọ ale depope yí, na hiẹ nọ hẹn tenọgli go wutu wẹ?+   Be ewọ na sayana we Bosọ pé-whẹ̀ hẹ we na budisi Jiwheyẹwhe wutu wẹ ya?   Be e ma yin na kanyinylan towe gbẹ́gbẹ́ Bọ nuṣiwa towe lẹ madodogbó wutu wẹ ya?+   Na hiẹ nọ hò afàsúnú yí sọn nọvisunnu towe lẹ si matin whẹwhinwhẹ́n depope, Bosọ nọ de avọ̀ sọn okọ̀ na gbẹtọ lẹ, bo nọ jo yé do omẹ́.*+   Hiẹ ma nọ na osin mẹhe nuṣikọna nado nù, Bosọ nọ tẹ̀ núdùdù mẹhe huvẹ to hùhù.+   Sunnu klogán-klogán hiẹ nkọ lẹ ko hò suhugan aigba lọ tọn yí,+ Bọ omẹ nukundeji mọnkọtọn lẹ kẹdẹ wẹ nọ nọ̀ e ji.   Ṣigba, hiẹ nọ do asuṣiọsi lẹ hlan asigbá-alọgbá, Bo nọ hẹn awà kú tọṣiọvi lẹ. 10  Nuhewutu omọ̀* lẹ do lẹdo we pé,+ Bọ ahun towe nọ gbàdo to ajiji mẹ niyẹn; 11  Nuhewutu filẹpo do dózin sọmọ bọ hiẹ ma sọgan mọnú, Bọ singigọ sọ gbaṣinyọ́n we niyẹn. 12  Be Jiwheyẹwhe ma tin to olọn mẹ aga? Pọ́n lehe sunwhlẹvu lẹpo yiaga sọ. 13  Ṣigba, hiẹ ko dọmọ: ‘Etẹwẹ Jiwheyẹwhe ka yọnẹn taun? Be ewọ sọgan dawhẹ to zinvlu gọ́ngọ́n mẹ ya? 14  Aslọ lẹ sú nukun na ẹn sọmọ bọ e ma nọ mọnú Dile e to zọnlinzin gbọn bẹbẹnu* olọn tọn lẹdo pé.’ 15  Be hiẹ na hodo aliho hoho lọ He ji mẹylankan lẹ ko zinzọnlin gbọn, 16  Yèdọ yé mẹhe vasudo ko bẹ yì* whẹpo ojlẹ yetọn do sọ, Mẹhe dodonu yetọn yin piplọ́ yì gbọn singigọ* de dali?+ 17  Yé to didọna Jiwheyẹwhe nugbo lọ dọmọ: ‘Jo mí do!’ Podọ ‘Etẹwẹ Ganhunupotọ lọ sọgan wà na mí?’ 18  Ṣogan, Ewọ wẹ hẹn owhé yetọn lẹ gọ́ na onú dagbedagbe lẹ. (Linlẹn ylankan enẹ dẹn do mi.) 19  Dodonọ na mọ ehe bo jaya, Homẹvọnọ nasọ ṣàn yé kò bo dọmọ: 20  ‘Agọjẹdomẹtọ mítọn lẹ ko yin vivasudo, Miyọ́n nasọ dù pipotọ yetọn.’ 21  Tẹnpọn bo yọ́n Jiwheyẹwhe, hiẹ nasọ tin to jijọho mẹ; To whenẹnu, onú na yọ́n na we. 22  Kẹalọyi osẹ́n he tọ́n sọn onù etọn mẹ, Bo nọ yí ohó etọn lẹ hẹn do ahun towe mẹ.+ 23  Eyin hiẹ gọ̀ do Ganhunupotọ lọ dè, ninọmẹ towe na yin vivọjlado;+ Eyin hiẹ de mawadodo sẹ̀ sọn gòhọ towe mẹ, 24  Eyin hiẹ na bẹ sika* towe dlan kọ́gudu mẹ Podọ sika Ofili tọn+ towe dlan agbàdo* he gọ́ na osé lẹ mẹ, 25  Whenẹnu, Ganhunupotọ lọ na lẹzun sika* towe, Ewọ nasọ lẹzun fataka dagbedagbe towe. 26  Na whenẹnu wẹ hiẹ na nọ hùnhomẹ to Ganhunupotọ lọ mẹ, Bo na nọ ze nukunmẹ towe daga hlan Jiwheyẹwhe. 27  Hiẹ na vẹ̀ ẹ bọ ewọ na dotó we; Hiẹ nasọ de opà towe lẹ. 28  Nudepope he hiẹ magbe nado wà na nọ tindo kọdetọn dagbe, Hinhọ́n nasọ nọ tá do aliho towe ji. 29  Na hiẹ na yin winyando eyin a dọho po goyiyi po, Ṣigba, ewọ na whlẹn whiwhẹnọ* gán. 30  E na whlẹn mẹhe yin homẹvọnọ lẹ; Enẹwutu, eyin alọ towe wé, a na yin whinwhlẹngán janwẹ.”

Nudọnamẹ Odò Tọn

Kavi “nọ mọ awuvivi to dodonọ-yinyin towe mẹ wẹ.”
To paa mẹ, “nọ de avọ̀ sọn mẹhe to omẹ́ lẹ go.”
To paa mẹ, “omọ̀ hẹ̀hùtọ tọn.”
Kavi “loboto.”
Kavi “mẹhe gbẹzan yetọn ko yin sinsán dogli.”
To paa mẹ, “tọ̀sisa.”
Kavi “sika-mú.”
Kavi “agbàdo tọ̀sisa tọn.” Pọ́n Zẹm.
Kavi “sika-mú.”
Kavi “mẹhe nukun etọn to odò pọ́n.”