Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Jobu 21:1-34

NUHE E BẸHẸN LẸ

  • Gblọndo Jobu tọn (1-34)

    • ‘Naegbọn mẹylankan nọ tindo kọdetọn dagbe?’ (7-13)

    •  E de “homẹmiọnnamẹtọ” etọn lẹ gbà (27-34)

21  Jobu sọ gblọn dọmọ:  “Mì dotoai po sọwhiwhe po na nuhe yẹn jlo na dọ; Mì gbọ ehe ni lẹzun homẹmimiọn he mìwlẹ na na mi.   Mì sinyẹnlin hẹ mi dile yẹn na to hodọ; To hodidọ ṣie godo, mìwlẹ sọgan ṣàn mi kò.+   Be gbẹtọ wẹ yẹn to lewu na ya? Eyin mọ wẹ, be homẹfa ṣie* ma na ko vọ̀ ya?   Mì pọ́n mi bosọ pọnnu suu po nupaṣamẹ po; Mì yí alọ mìtọn do sú onù.   Whedepopenu he yẹn lẹnnupọndeji, yẹn nọ biọ bẹwlu mẹ, Agbasa ṣie blebu sọ nọ sisọ.   Naegbọn mẹylankan lẹ do nọ dọ́jì,+ Bo nọ poyọnho bosọ nọ jẹ adọkun?*+   Ovi yetọn lẹ nọ tin to yé dè to whepoponu, Bọ yé nọ wá mọ ovivi yetọn lẹ.   Owhé yetọn lẹ nọ to hihọ́ mẹ, yé nọ vò sọn obu si,+ Jiwheyẹwhe masọ nọ yí opò etọn do sayana yé. 10  Oyìnsú yetọn lẹ nọ jigbà to whepoponu; Oyìnsi yetọn lẹ nọ jivi bọ ohò ma nọ gble do yé. 11  Visunnu yetọn lẹ nọ to wezunhọ̀n pé to kọho taidi lẹngbọpa de, Bọ ovi yetọn lẹ nọ to linlọ́n pé. 12  Yé nọ yí ohún po ajalẹn po do jihàn Bosọ nọ jaya eyin yé sè nudidọ ován tọn.+ 13  Yé nọ zan gbẹzan yetọn to blẹo mẹ Bo nọ jẹte yì Yọdò* mẹ to jijọho mẹ.* 14  Ṣigba, yé nọ dọna Jiwheyẹwhe nugbo lọ dọ, ‘Jo mí do! Mí ma jlo nado yọ́n ali towe lẹ.+ 15  Mẹnu wẹ Ganhunupotọ lọ, bọ mí nado nọ sẹ̀n ẹn?+ Ale tẹwẹ tin to e mẹ na mí nado yọ́n ewọ?’+ 16  Ṣigba, yẹn yọnẹn dọ kọdetọn dagbe yetọn ma to alọ yelọsu tọn mẹ.+ Linlẹn* mẹylankan lẹ tọn dẹn do mi.+ 17  Whla nẹmu wẹ miyọ́ngbán mẹylankan tọn nọ yin ṣíṣí?+ Whla nẹmu wẹ nugbajẹmẹji nọ wá yé ji? Whla nẹmu wẹ Jiwheyẹwhe nọ yí homẹgble do hẹn vasudo wá yé ji? 18  Be yé nọ wá taidi núyọ de to jẹhọn nù Podọ taidi ofló he yujẹhọn nọ ze yì de gbede wẹ ya? 19  Jiwheyẹwhe na bẹ yasanamẹ sunnu de tọn pli dai na visunnu etọn lẹ. Ṣigba, Jiwheyẹwhe ni yiahọsu to e go, na ewọ lọsu ni mọ.+ 20  Na nukun etọn ni mọ aijijẹ edetiti tọn, Podọ ewọ lọsu wẹ ni nù sọn adi Ganhunupotọ lọ tọn mẹ.+ 21  Na, be nuhe na jọ do whédo etọn go to godo etọn na tlẹ duahunmẹna ẹn Eyin sọha osun etọn lẹ tọn ko yin sinsán dogli* ya?+ 22  Be mẹdepope sọgan plọn nuyọnẹn* Jiwheyẹwhe,+ To whenuena e yindọ Ewọ wẹ nọ dawhẹna mẹhe tlẹ yiaga hugan lẹ ya?+ 23  Mẹde nọ kú to whenue huhlọn etọn gbẹ́ pò to e go+ Bọ ewọ ma to nude lẹnpọn bo vò fẹẹ,+ 24  To whenue asapada etọn gọ́ na ojó Bọ ohú etọn lẹ sinyẹn. 25  Ṣigba, mẹdevo nọ kú, dile ewọ to ayimajai sinsinyẹn mẹ,* Bo ma ko dọ́ nudagbe de pọ́n gbede. 26  Yé omẹ awe lẹ na mlọnai to kọ́gudu mẹ,+ Bọ owé lẹ na ṣinyọ́n yé.+ 27  Mì pọ́n! Yẹn yọ́n nuhe lẹn mì te ganji Gọna ayiha gigẹdẹ he kàn mì te nado waylan do mi.*+ 28  Na mìwlẹ dọ dọ, ‘Fie wẹ owhé dawe nukundeji lọ tọn te, Podọ fie wẹ gòhọ he mẹ mẹylankan lọ nọ nọ̀ dai te?’+ 29  Mìwlẹ ma kanhose gbejizọnlinzintọ lẹ wẹ? Mì ma yí sọwhiwhe do plọn nuhe go yé doayi* lẹ wẹ, 30  Dọ mẹylankan nọ yin whiwhla to azán nugbajẹmẹji tọn gbè Bosọ nọ yin whinwhlẹngán to azán nukunbibia tọn gbè? 31  Mẹnu wẹ sọgan dọnnu hẹ ẹ gando aliho etọn go, Podọ mẹnu wẹ na yiahọsu to e go na nuhe e ko wà lẹ? 32  To whenue ewọ na yin zize yì yọwhé, Nuhọ́tọ de wẹ na nọ họ́ yọdò etọn. 33  Okọ́ agbàdo* lọ mẹ tọn na vivi na ẹn,+ Bọ gbẹtọvi lẹpo na hodo e yì to godo*+ Kẹdẹdile omẹ madosọha lẹ ko jẹnukọnna ẹn do. 34  Enẹwutu, naegbọn mìwlẹ do to homẹmimiọn oklọ tọn na mi?+ Nudevo de ma to hodidọ mìtọn lẹ mẹ, adavo oklọ kẹdẹ!”

Nudọnamẹ Odò Tọn

To paa mẹ, “gbigbọ ṣie tọn.”
Kavi “nọ yin huhlọnnọ.”
Kavi “Ṣeol,” enẹ wẹ, yọdò paa gbẹtọvi lẹ tọn. Pọ́n Zẹm.
Kavi “yì Yọdò mẹ bleun,” enẹ wẹ, nado kú po awuyiya po matin awufiẹsa.
Kavi “Ayinamẹ; Ayiha gigẹdẹ.”
Kavi “sinsán do awe.”
Kavi “nudepope.”
Kavi “dile alindọn etọn to awufiẹsa mẹ.”
Kavi vlavo, “nado wà danú do go e.”
To paa mẹ, “plọn ohia yetọn.”
Kavi “agbàdo tọ̀sisa tọn.” Pọ́n Zẹm.
To paa mẹ, “Bọ e na dọ̀n gbẹtọvi lẹpo hodo ede.”