Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Jobu 20:1-29

NUHE E BẸHẸN LẸ

  • Hodidọ Zofali tọn awetọ (1-29)

    • E dọ dọ Jobu zun emi (2, 3)

    • E dohia dọ Jobu yin mẹylankan (5)

    • E dọ dọ Jobu nọ yiwanna ylando (12, 13)

20  Zofali+ Naamanu lọ sọ dọna ẹn dọmọ:   “Enẹwutu wẹ linlẹn budonamẹ tọn ṣie titi lẹ do whàn mi nado gblọn, Na yẹn to adánjẹ to homẹ wutu.   Yẹn ko sè wọhẹ de he mẹ yẹn yin zunzun te; Wuntuntun ṣie* sọ whàn mi nado gblọn.   Ayihaawe ma tin dọ hiẹ dona ko yọ́n ehe hoho, Na e ko to mọ sọn whenue gbọ́n gbẹtọ* ko yin didá do aigba ji,+   Dọ awhá ayajẹ mẹylankan tọn ma nọ dẹn-to-aimẹ Podọ ayajẹ omẹ jijọ-madi-Jiwheyẹwhe tọn* ma nọ nọ̀ aimẹ dẹn.+   Mahopọnna dọ kiklo-yinyin etọn yiaga jẹ olọn Bọ ota etọn yiaga plá aslọ lẹ,   Ewọ na busẹ pete kẹdẹdi omí etọn titi; Mẹhe ko nọ mọ ẹn dai lẹ na kanse dọ, ‘Fie wẹ e te?’   Ewọ na busẹ plaun di odlọ, bọ yé ma na mọ ẹn ba; E na yin yinyan dogbé taidi numimọ zánmẹ tọn.   Nukun he mọ ẹn pọ́n ma nasọ vọ́ mọ ẹn ba, Podọ nọtẹn etọn ma nasọ mọ ẹn gbede ba.+ 10  Ovi etọn titi lẹ na dín nukundagbe wamọnọ lẹ tọn, Bọ ewọ na yí alọ etọn titi lẹ do gọ̀ adọkun etọn jo.+ 11  Ohú etọn lẹ gọ́ na huhlọn jọja whenu tọn, Ṣigba, ewọ na mlọnai to kọ́gudu mẹ po e* po. 12  Eyin oylan vivi to onù etọn mẹ, Eyin e ze e whlá do odẹ́ etọn glọ, 13  Eyin ewọ mọ vivi etọn bo ma jo e do Ṣigba bo hẹn ẹn do onù etọn mẹ, 14  Núdùdù etọn na vẹsin to ohò etọn mẹ; E na lẹzun adí* lopa lẹ tọn nkọ to homẹ na ẹn. 15  Ewọ ko ze adọkun mì, ṣigba e na slú i tọ́n; Jiwheyẹwhe na dọ̀n popolẹpo jẹgbonu sọn adọ̀go etọn mẹ. 16  Adí lopa lẹ tọn wẹ e na gbọ́n nù; Adú* amàpoe tọn lẹ wẹ na hù i. 17  Ewọ ma na mọ tọ̀sisa lẹ gbede, Yèdọ asisa owín po limu anọ́sin tọn po lẹ. 18  Ewọ ma na ko dù* nutindo etọn lẹ whẹpo do gọ̀ yé jo; E ma na duvivi adọkun alọnuzọ́n etọn tọn.+ 19  Na e ko gbidi wamọnọ bosọ gbẹ́ ẹ dai wutu; E ko hò owhé he e ma gbá de yí. 20  Ṣigba, e ma na tindo jijọho to ahun mẹ; Adọkun etọn ma na gọalọna ẹn nado họ̀ngán. 21  Nudepope ma yin pipò dai na ẹn nado dù; Enẹ wẹ zọ́n bọ kọdetọn dagbe etọn ma na dẹn-to-aimẹ. 22  Whenue adọkun etọn na sù pete, whenẹnu wẹ magbọjẹ na wá e ji; Nugbajẹmẹji sinsinyẹn lẹ nasọ wá e ji. 23  Dile e to adọ̀go etọn hẹn gọ́, Jiwheyẹwhe* na hẹn homẹgble sinsinyẹn wá e ji, Bo hẹn ẹn nado ja do e ji kaka biọ ohò etọn mẹ. 24  Eyin e họ̀n sọn adánwanu gànyuu tọn lẹ nù, Ogába he yè yí ogá gànvẹẹ tọn do de lẹ na sọ́ ẹ. 25  E sún ogába de sọn nẹgbé, Adánwanu he to sisẹ́ de sọn vivẹ́-pò etọn mẹ, Obu sọ jẹ e ji.+ 26  Zinvlu gọ́ngọ́n wẹ to tepọn adọkunnu etọn lẹ; Miyọ́n he gbẹtọ depope ma flọ bo penukundego wẹ na fiọ ẹ; Nugbajẹmẹji wẹ to tepọn mẹdepope he pò to gòhọ etọn mẹ. 27  Olọn na hùngona nuṣiwa etọn; Aigba nasọ fọ́n do ewọ ji. 28  Singigọ de wẹ na plọ́ owhé etọn yì; Asisa daho de wẹ Jiwheyẹwhe* na hẹnwa e ji to azán homẹgble etọn tọn gbè. 29  Mimá dawe ylankan lọ tọn niyẹn sọn Jiwheyẹwhe dè, Yèdọ ogú he Jiwheyẹwhe ko wleawu etọn dai na ẹn.”

Nudọnamẹ Odò Tọn

To paa mẹ, “Gbigbọ de sọn wuntuntun ṣie mẹ.”
Kavi “gbẹtọvi; Adam.”
Kavi “atẹṣitọ.”
Enẹ wẹ, huhlọn etọn.
Kavi “vivẹ́.”
To paa mẹ, “Odẹ́.”
To paa mẹ, “mì.”
To paa mẹ, “Ewọ.”
To paa mẹ, “ewọ.”