Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Jobu 18:1-21

NUHE E BẸHẸN LẸ

  • Hodidọ Bildadi tọn awetọ (1-21)

    • E do ale ylandonọ lẹ tọn hia (5-20)

    • E dọ dọ Jobu ma yọ́n Jiwheyẹwhe (21)

18  Bildadi+ Ṣuahinu lọ dọna ẹn dọmọ:   “Nawẹ e na dẹnsọ whẹpo mìwlẹ nado doalọtena ohó ehelẹ didọ? Mì do wuntuntun vude hia bo, na mí nido sọgan dọho to enẹgodo.   Naegbọn míwlẹ na nọ yin pinpọn di kanlin lẹ+ Bo na nọ yin pinpọnhlan di nulunọ* to nukun mìtọn mẹ?   Eyin hiẹ tlẹ gbọn homẹgble towe dali tlẹ́n dewe* do flinflin, Be aigba na yin kọgbẹ́ e go na towe wutu wẹ, Kavi osé lọ na sẹtẹn sọn otẹn etọn mẹ wẹ ya?   Na nugbo tọn, hinhọ́n mẹylankan tọn na yin ṣíṣí, Bọ miyọ́n etọn he to jiji ma na họ́n ba.+   Hinhọ́n he to gòhọ etọn mẹ na lẹzun zinvlu dandan, Bọ miyọ́ngbán he nọ họ́n do e ji na yin ṣíṣí.   Afọ he e to dide po huhlọn po na yin hinhẹn whete, Bọ ayinamẹ etọn titi wẹ na hẹn ẹn jai.+   Na afọ etọn wẹ na plan ẹn biọ odọ̀ mẹ, Bọ e na danbú biọ odọ̀ linlọ̀n lọ mẹ.   Fẹ́ṣà na wle e do afọ; Bọ e na jẹ omọ̀ mẹ.+ 10  Okàn de to yẹ̀mẹ na ẹn to kọmẹ, Bọ fẹ́ṣà de to aliji na ẹn. 11  Nuhe nọ dobunamẹ lẹ na nọ gbàhundona ẹn to awà lẹpo ji+ Bo na nọ dómọna ẹn klikli. 12  Huhlọn na vọ̀ do e, Bọ nugbajẹmẹji+ na zìn in dai.* 13  Ayú agbasa etọn go tọn na yin dùdù sẹ̀; Bọ azọ̀n ylankan he nọ hùmẹ hugan* na dù awutugonu etọn lẹ. 14  E na yin dindọn sọn gòhọ he nọ basi hihọ́na ẹn mẹ+ Bo na zinzọnlin yì ahọlu budonamẹtọ lọ dè.* 15  Jonọ* lẹ wẹ na nọ nọ̀ gòhọ etọn mẹ; Whèmi na yin vúnvún pé do owhé etọn ji.+ 16  Adọ̀ etọn lẹ na hú to oglọ na ẹn, Bọ alà etọn lẹ na fiọ to e ji. 17  E na yin winwọn to aigba ji, Bọ yinkọ etọn ma na yin yinyọnẹn* to tòhomẹ-liho ji ba. 18  E na yin yinyan sẹ̀ sọn hinhọ́n nù biọ zinvlu mẹ Bo nasọ yin yinyan sọn aigba dojó lọ ji. 19  E ma na tindo ovi kavi kúnkan de to omẹ etọn lẹ ṣẹnṣẹn, Podọ mẹdepope ma na pò na ẹn to fihe e nọ nọ̀.* 20  To whenue azán etọn na pé, mẹhe to Whèyihọ lẹ na jẹflumẹ Bọ mẹhe to Whèzẹtẹn lẹ na gọ́ na obu. 21  Nuhe nọ jọ do gòhọ ylanwatọ tọn lẹ go Podọ do nọtẹn mẹhe ma yọ́n Jiwheyẹwhe tọn go niyẹn.”

Nudọnamẹ Odò Tọn

Kavi vlavo, “mawé.”
Kavi “alindọn towe.”
Kavi “na hẹn ẹn nado to ṣinṣọ̀n.”
To paa mẹ, “Bọ plọnji okú tọn.”
Kavi “zinzọnlin biọ okú dobu de mẹ.”
To paa mẹ, “Nuhe ma yin etọn.”
To paa mẹ, “Bọ ewọ ma na tindo yinkọ.”
Kavi “to fihe e nọ nọ̀ taidi gbéjinọtọ ojlẹ gli tọn.”