Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Jobu 17:1-16

NUHE E BẸHẸN LẸ

  • Gblọndo Jobu tọn zindonukọn (1-16)

    • “Mẹṣankotọ lẹ lẹdo mi pé” (2)

    • “E ko yí mi do basi aṣagbọ́nu” (6)

    • “Yọdò wẹ na lẹzun owhé ṣie” (13)

17  “Huhlọn ṣie ko vọ̀, azán ṣie lẹ ko wá vivọnu; Yọdò wẹ to tepọn mi.+   Mẹṣankotọ lẹ lẹdo mi pé,+ Bọ nukun ṣie dona gbọṣi nuyiwa atẹṣiṣi tọn yetọn ji.   Jaale, kẹalọyi afàsúnú ṣie bo hẹn ẹn do dè we. Mẹdevo tẹwẹ na na mi alọ bo yí ede do basi alọyitọ ṣie?+   Na hiẹ ko whlá wuntuntun do ahun yetọn;+ Enẹwutu wẹ hiẹ ma do ze yé daga.   Gbẹtọ sọgan yigbe nado má nutindo etọn hẹ họntọn etọn lẹ, To whenue nukun ovi etọn lẹ tọn ka dózin.   Jiwheyẹwhe ko yí mi do basi aṣagbọ́nu* to gbẹtọ lẹ ṣẹnṣẹn,+ Sọmọ bọ yẹn lẹzun mẹhe yé nọ túntán do nukunmẹ na.+   Awufiẹsa hẹn nukun ṣie lẹ dózin,+ Podọ awutugonu ṣie lẹpo wẹ húgo.   E nọ paṣa nugbonọ lẹ nado mọ ehe, Homẹvọnọ sọ nọ biọ bẹwlu mẹ, na omẹ jijọ-madi-Jiwheyẹwhe tọn* lẹ wutu.   Dodonọ gbẹ́ tẹdo aliho etọn go gligli,+ Mẹhe yin homẹvọnọ sọ nọ mọ huhlọn yí dogọ.+ 10  Ṣigba, mìmẹpo sọgan wá bo gọ̀ nudindọn mìtọn bẹ, Na yẹn ma ko mọ nuyọnẹntọ depope to mì mẹ.+ 11  Azán ṣie lẹ ko vọ̀;+ Tito ṣie lẹ, ojlo ahun ṣie mẹ tọn lẹ, ko yin hinhẹn zun ovọ́.+ 12  Yé fọ́n bo to ozán zedo okle tẹnmẹ, Bo nọ to didọ dọ, ‘Hinhọ́n ma na dẹn do wá, na zinvlu ko do.’ 13  Eyin yẹn nọte, be Yọdò* wẹ na lẹzun owhé ṣie gbè;+ Yẹn na tẹ́ adọzan ṣie do zinvlu mẹ.+ 14  Yẹn na dawhá hlan odò* lọ+ dọ, ‘Hiẹ wẹ otọ́ ṣie!’ Podọ hlan owé dọ, ‘Hiẹ wẹ onọ̀ ṣie podọ nọviyọnnu ṣie!’ 15  To whelọnu lo, fie wẹ todido ṣie te?+ Mẹnu wẹ sọgan mọdọ todido tin na mi? 16  Todido ṣie na jẹte yì họngbo Yọdò* tọn lẹ kọ̀n To whenue yẹn po e po na jẹte yì kọ́gudu mẹ dopọ.”+

Nudọnamẹ Odò Tọn

To paa mẹ, “howhinwhẹn.”
Kavi “atẹṣitọ.”
Kavi “Ṣeol,” enẹ wẹ, yọdò paa gbẹtọvi lẹ tọn. Pọ́n Zẹm.
Kavi “yọdò.”
Kavi “Ṣeol,” enẹ wẹ, yọdò paa gbẹtọvi lẹ tọn. Pọ́n Zẹm.