Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Jobu 15:1-35

NUHE E BẸHẸN LẸ

  • Hodidọ Elifazi tọn awetọ (1-35)

    • E dọ dọ Jobu ma dibusi Jiwheyẹwhe (4)

    • E ylọ Jobu dọ saklanọ (7-9)

    • ‘Jiwheyẹwhe ma yise to omẹ wiwe etọn lẹ mẹ’ (15)

    • ‘Mẹylankan wẹ nọ jiya’ (20-24)

15  Elifazi+ Temaninu lọ dọna ẹn dọmọ:   “Be nuyọnẹntọ de na nọ yí hoyijlẹdohogo ovọ́ lẹ* do gblọnho wẹ, Kavi be e na yí jẹhọn whèzẹtẹn-waji tọn do gọ́ho na ede wẹ ya?   Ohó ovọ́ lẹ yíyí do wọhẹmẹ ma tindo ale de, Podọ hodidọ poun ma nọ hẹn ale de wá.   Na hiẹ ko de budisi Jiwheyẹwhe pò, Hiẹ ko sọ de ayihamẹlinlẹnpọn depope gando Jiwheyẹwhe go pò.   Na nuṣiwa towe wẹ nọ deanana nuhe hiẹ nọ dọ,* Bọ hiẹ nọ yí hogbe oklọ tọn lẹ zan.   Onù towe lọsu wẹ to whẹgbledo we, e ma yin yẹn; Nùflo towe titi wẹ to kunnude sọta we.+   Be hiẹ wẹ yin omẹ tintan he yin jiji ya, Kavi be hiẹ ko yin jiji jẹnukọnna okọ́ta lẹ wẹ ya?   Be hiẹ ka nọ dotoaina aṣlihó Jiwheyẹwhe tọn wẹ, Kavi a lẹndọ hiẹ dopo wẹ yọnnuin wẹ ya?   Etẹwẹ hiẹ yọnẹn bọ míwlẹ ma yọnẹn?+ Nukunnumọjẹnumẹ tẹwẹ hiẹ tindo bọ míwlẹ ma tindo? 10  Ota owhànọ po yọnhonọ po tin to ṣẹnṣẹn mítọn,+ Yèdọ mẹhe yin mẹho taun na otọ́ towe. 11  Be homẹmiọnnamẹ Jiwheyẹwhe tọn ma pé we wẹ, Kavi ohó he yè yí ogbè dẹẹdẹ do dọna we lẹ ma pé we wẹ? 12  Naegbọn ahun towe do to hinhẹn we zun saklanọ, Podọ naegbọn nukun towe lẹ do to titá na homẹgble wutu? 13  Na hiẹ lilẹ́ ayiha towe sọta Jiwheyẹwhe, Bo dike ohó enẹlẹ ni tọ́njẹgbonu sọn onù towe titi mẹ. 14  Etẹwẹ gbẹtọ tata yin bọ ewọ nado yin wiwe, Kavi mẹhe yin jiji gbọn yọnnu de dali, bọ ewọ nado yin dodonọ?+ 15  Pọ́n! Ewọ ma tlẹ tindo yise to omẹ wiwe etọn lẹ mẹ, Podọ olọn lẹ lọsu ma tlẹ wé to nukun etọn lẹ mẹ.+ 16  Nẹmunẹmu wẹ gbẹtọ he yin osùnú bo ko sọ gblezọn,+ Yèdọ gbẹtọ he nọ nù mawadodo di osin! 17  Wá ma dọna we; dotoaina mi! Yẹn na pìntàn nuhe yẹn ko mọ lẹ tọn na we, 18  Yèdọ nuhe nuyọnẹntọ lẹ ko sè sọn otọ́ yetọn lẹ dè,+ Bo ma ze whlá. 19  Yewlẹ kẹdẹ wẹ aigba lọ yin nina, Bọ jonọ depope ma tin to ṣẹnṣẹn yetọn. 20  Mẹylankan nọ jiya sinsinyẹn to gbẹzan etọn lẹpo mẹ, Yèdọ to owhe he kọgbidinamẹtọ na yizan lẹpo gblamẹ. 21  E nọ to nudidọ budonamẹ tọn lẹ sè mapote;+ Podọ to ojlẹ jijọho tọn mẹ, jaguda lẹ nọ gbò e. 22  E ma nọ yise dọ emi na họ̀ngán sọn zinvlu mẹ;+ Ohí wẹ ewọ nọ yin pipò dai na. 23  E nọ to lèlèsà nado to núdùdù* dín pé—fie wẹ e na mọ ẹn te? E yọnẹn ganji dọ azán zinvlu tọn ko sẹpọ. 24  Ayimajai po awufiẹsa po wẹ nọ to budona ẹn; Yé nọ duto e ji dile ahọlu de nọ wleawufo nado tọ́nawhàn akọta de do. 25  Na e ko ze alọ etọn daga sọta Jiwheyẹwhe Bo tẹnpọn nado whlẹnagbà hẹ* Ganhunupotọ lọ wutu; 26  E ko gbọn tasinsinyẹn dali dlí do E ji, Po awọ̀yinu titli he sinyẹn de po; 27  Nukunmẹ etọn gọ́ na ojó, Bọ ojó hẹn alinkàn etọn klo; 28  Tòdaho he na yin vivasudo lẹ mẹ wẹ ewọ nọ nọ̀, Bo nọ nọ̀ ohọ̀ he mẹ mẹde ma na nọ lẹ mẹ, Ehe na wá lẹzun okiti zannu lẹ tọn. 29  Ewọ ma na lẹzun adọkunnọ podọ adọkun etọn ma na jideji, Mọjanwẹ nutindo etọn lẹ ma na sudeji to aigba lọ ji do niyẹn. 30  E ma na họ̀ngán sọn zinvlu mẹ; Miyọ́n jiji wẹ na fiọ alà* etọn, Bọ gbọfufu he tọ́n sọn onù Jiwheyẹwhe tọn* mẹ na và ẹ sudo.+ 31  E ma dona buali bo dejido onú ovọ́ lẹ go, Na ovọ́ wẹ e na mọyi lẹkọ; 32  Ehe na jọ jẹnukọnna azán etọn, Bọ alà etọn lẹ ma na vùn gbede.+ 33  E na taidi vẹntin he sinsẹ́n etọn he ma ko bia lẹ ja kọnyinai, Podọ taidi atin olivie tọn he osẹ́ etọn lẹ ja kọnyinai. 34  Na pipli omẹ jijọ-madi-Jiwheyẹwhe tọn* lẹ tọn ma na de sinsẹ́n tọ́n,+ Podọ miyọ́n wẹ na fiọ gòhọ alọgodo-kuẹ tọn lẹ. 35  Yé mọhò tukla tọn bo ji oylan, Podọ oklọ wẹ adọ̀go yetọn detọ́n.”

Nudọnamẹ Odò Tọn

Kavi “yí oyọnẹn glòlò-jijlá tọn.”
Kavi “nọ plọnazọ́n onù towe.”
To paa mẹ, “akla.”
Kavi “nado duto.”
Enẹ wẹ, todido depope nado gọ̀ jẹgangan.
To paa mẹ, “onù etọn.”
Kavi “atẹṣitọ.”