Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Jobu 14:1-22

NUHE E BẸHẸN LẸ

  • Gblọndo Jobu tọn zindonukọn (1-22)

    • Gbẹzan gbẹtọ tọn whègli bo gọ́ na tukla (1)

    • “Todido tin na atin lọsu” (7)

    • ‘Hiẹ na ko ze mi whlá do Yọdò mẹ!’ (13)

    • ‘Eyin gbẹtọ kú, be e gán gọwá ogbẹ̀?’ (14)

    • Jiwheyẹwhe na tindo ojlo na azọ́n alọ etọn tọn (15)

14  “Gbẹtọ, he yin jiji gbọn yọnnu dali,Ma nọ nọgbẹ̀ dẹn+ bọ gbẹzan etọn sọ gọ́ na tukla.+   E nọ tọ́njẹgbonu di osẹ́ bo nọ yọ́* to ojlẹ kleun de godo;+E nọ juyi bleun di oyẹ̀ bo nọ busẹ.+   Mọwẹ, hiẹ ko zín nukun towe do e ji,Hiẹ sọ hẹn ẹn* wá owhẹ̀ nukọn, na ewọ nido pé-whẹ̀ hẹ we.+   Mẹnu wẹ sọgan de mẹhe yin wiwe de tọ́njẹgbonu sọn mẹhe yin mawé de mẹ?+ Mẹlọ ma tin!   Eyin azán gbẹtọvi tọn lẹ ko yin dide janwẹ,Be alọ towe mẹ wẹ osun etọn lẹ te;Hiẹ ko de dogbó de na ẹn he go e ma sọgan zẹ̀.+   De nukun towe sọn ewọ ji, na e nido sọgan mọ agbọ́,Kaka ewọ nado dotana azán etọn, dile pakanọ de nọ wà do.+   Na todido tin na atin lọsu. Eyin e tlẹ yin sinsánliai, e nasọ vọ́ tọ́nkun,Alà etọn lẹ na gbẹsọ wujẹgbonu.   Eyin adọ̀ etọn nọ aigba glọ bo dohóBọ dodonu etọn kú do okọ́ glọ,   Tlolo he e mọ osin, e na tọ́nkun;E nasọ de alà lẹ tọ́n di atin yọyọ de. 10  Ṣigba, gbẹtọ nọ kú bo ma nọ pé nudepope go;Eyin gbẹtọvi de kú, fie wẹ e nọ yì?+ 11  Osin nọ busẹ sọn hùmẹ,Bọ tọ̀sisa nọ sà wayi bo nọ hú. 12  Mọdopolọ wẹ gbẹtọ lọsu nọ mlọnai bo ma nọ fọ́n do.+ Yé ma na fọ́n kakajẹ whenue olọn ma na tin ba,Mọjanwẹ yé ma na yin finfọn sọn amlọn yetọn mẹ do niyẹn.+ 13  Ṣo, hiẹ na ko ze mi whlá do Yọdò* mẹ,+Bo ze mi sẹdo kakajẹ whenue homẹgble towe na wayi,Bosọ de ojlẹ tangan de na mi nado flin mi!+ 14  Eyin gbẹtọ de kú, be e sọgan gọwá nọgbẹ̀?+ Yẹn na nọte dile yẹn na yin hinhẹn po huhlọn po nado wàmọ dẹnsọKakajẹ whenue tundote ṣie na wá.+ 15  Hiẹ na ylọ, bọ yẹn na siọ we.+ Hiẹ na tindo ojlo vẹkuvẹku nado mọ azọ́n alọ towe lẹ tọn. 16  Ṣigba, hiẹ gbẹ́ to afọdide ṣie dopodopo hia todin whẹ́;Ylando kẹdẹ wẹ hiẹ nọ ṣinyan na mi. 17  Hiadonu wẹ yin yíyí do tlẹ́ sẹ́nhẹngba ṣie do saki de mẹ,Hiẹ sọ yí nutlẹ́nu do tlẹ́ nuṣiwa ṣie. 18  Kẹdẹdile osó nọ họ́ bo nọ gbà hányánBọ osé nọ yin didesẹ sọn otẹn etọn mẹ do, 19  Podọ kẹdẹdile osin nọ whlẹ́ agbasago na zannu lẹBọ asisa osin tọn lẹ nọ plọ́ okọ́ sẹ̀ sọn aigba do,Mọ wẹ hiẹ ko hẹn todido gbẹtọ tata tọn zun ovọ́ do. 20  Hiẹ nọ to duduto e ji kaka ewọ do nọ dọ̀n;+A nọ diọ awusọhia etọn, bo nọ yàn ẹn dogbé. 21  Eyin visunnu etọn lẹ tlẹ yin gbégbòna, ewọ ma nọ yọnẹn;Eyin yé lẹzun mẹvọ́nu, e ma nọ doayi e go.+ 22  Whenue ewọ gbẹ́ pò togbẹ̀ to agbasalan mẹ janwẹ e nọ sè vivẹ́;Whenue e gbẹ́ pò togbẹ̀ janwẹ e* nọ nọ̀ aluẹmẹ.”

Nudọnamẹ Odò Tọn

Kavi vlavo, “nọ yin sinsánsẹ.”
To paa mẹ, “mi.”
Kavi “Ṣeol,” enẹ wẹ, yọdò paa gbẹtọvi lẹ tọn. Pọ́n Zẹm.
Kavi “alindọn etọn.”