Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Jobu 13:1-28

NUHE E BẸHẸN LẸ

  • Gblọndo Jobu tọn zindonukọn (1-28)

    • ‘E pọnte na mi nado dọhona Jiwheyẹwhe’ (3)

    • “Amasinzọ́nwatọ he ma yọ́n-na-yizan lẹ wẹ mì” (4)

    • “Yẹn yọnẹn dọ owhẹ̀ ṣie whẹ́n” (18)

    • E kàn nuhewutu Jiwheyẹwhe do pọ́n ẹn di kẹntọ sè (24)

13  “Mọwẹ, nukun ṣie ko mọ ehe lẹpo,Otó ṣie ko sọ sè bo mọnukunnujẹemẹ.   Nuhe mìwlẹ yọnẹn lẹpo wẹ yẹnlọsu yọnẹn ga;Yẹn ma whè hú mì.   Na yẹn tọn, e pọnte na mi nado dọhona Ganhunupotọ lọ lọsu;Ojlo ṣie wẹ nado yiavùnlọna dee to Jiwheyẹwhe dè.+   Ṣigba, mìwlẹ to lalo và do go e;Amasinzọ́nwatọ he ma yọ́n-na-yizan lẹ wẹ mìmẹpo.+   Eyin mì ko nabọẹ whii poun wẹ,Enẹ na ko do nuyọnẹn mìtọn hia.+   Mì jaale bo dotoaina hoyijlẹdohogo ṣie,Bo na ayidonugo avùnlọyiyi nùflo ṣie tọn lẹ.   Be mìwlẹ na dọho mawadodo tọn do Jiwheyẹwhe tamẹ wẹ,Podọ be mì na dọho oklọ tọn donù na ẹn wẹ ya?   Be mìwlẹ na nọ adà etọn mẹ wẹ,*Be mì na tẹnpọn nado yiavùnlọna Jiwheyẹwhe nugbo lọ wẹ ya?   Eyin ewọ gbeje mì pọ́n, be e na yin dagbe na mì ya?+ Be mìwlẹ sọgan blu ewọ dile mì na wà na gbẹtọ tata de do wẹ ya? 10  Ewọ na wọhẹ mì dandanEyin mì tẹnpọn nado homẹnukuntapọn to nuglọ.+ 11  Be yẹyi daho etọn ma na dobuna mìBọ mìwlẹ na sisọ na etọn wutu ya? 12  Ohó nuyọnẹn tọn mìtọn lẹ* taidi oló ovọ́ he wá sọn afín mẹ lẹ;Núglónu* mìtọn lẹ ma lodo bo taidi núglónu he yè yí okò do basi lẹ. 13  Mì nabọẹ to nukọn ṣie, na yẹn nido dọho. Enẹgodo, mì gbọ nudepope he ja ji e, ni wá! 14  Naegbọn yẹn do ze dee do owù mẹ*Bosọ ze ogbẹ̀* ṣie do owù mẹ? 15  Eyin ewọ na tlẹ hù mi, yẹn na gbẹ́ nọte;+Yẹn na yiavùnlọna dee* to nukọn etọn. 16  To whenẹnu, ewọ na lẹzun whlẹngán ṣie,+Na gbẹtọ jijọ-madi-Jiwheyẹwhe tọn* de ma sọgan wá nukọn etọn.+ 17  Mì dotoaina ohó ṣie lẹ ganji;Mì na ayidonugo hogbe ṣie lẹ. 18  Mì pọ́n, yẹn ko wleawuna avùnlọyiyi ṣie;Yẹn yọnẹn dọ owhẹ̀ ṣie whẹ́n. 19  Mẹnu wẹ na dọnnu hẹ mi? Eyin yẹn ma dọho, yẹn na kú!* 20  Jiwheyẹwhe E, onú awe poun wẹ yẹn biọ we,*Ehe na zọ́n bọ yẹn ma na whlá dee sọn nukọn towe: 21  De alọ pinpẹn towe sẹ̀ sọn ji e hlan olá,Podọ a dike ayiha ṣie gbàdo na towe tọn wutu blo.+ 22  Eyin hiẹ ylọ, yẹn na siọ,Kavi dike yẹn ni dọho bọ hiẹ na gblọnna mi. 23  Nuṣiwa po ylando tẹlẹ po wẹ to okọ̀ na mi? Do sẹ́nhẹngba ṣie po ylando ṣie po hia mi. 24  Naegbọn hiẹ do whlá nukunmẹ towe+Bo nọ pọ́n mi di kẹntọ towe?+ 25  Be hiẹ na tẹnpọn nado dobuna amà he jẹhọn nọ ze pé deKavi dómọna getin húhú de wẹ ya? 26  Na hiẹ to kandai whẹsadokọnamẹ sinsinyẹn lẹ tọn basi sọta mi mapote,Hiẹ sọ hẹn mi nado dogbè ylando jọja whenu ṣie tọn lẹ. 27  Hiẹ ko bẹ afọ ṣie lẹ do osópò mẹ,Hiẹ nọ gbeje ali ṣie lẹpo pọ́n,Bosọ nọ dindona fie afọ ṣie gbọn lẹ. 28  Enẹwutu, gbẹtọ* nọ gble di nuhe yọ̀n,Yèdọ taidi avọ̀ he okọ́ dù.

Nudọnamẹ Odò Tọn

Kavi “na do mẹnukuntahopọn hia ẹ wẹ.”
Kavi “Ohó mìtọn he na yin finflin lẹ.”
To paa mẹ, “Awọ̀yinu.”
To paa mẹ, “yẹn nado hẹn agbasalan ṣie do adú nù.”
Kavi “alindọn.”
Kavi “aliho ṣie lẹ.”
Kavi “atẹṣitọ.”
Kavi vlavo, “Eyin mẹde sọgan wàmọ, yẹn na gbọṣi abọẹ bo kú.”
To paa mẹ, “onú awe poun wẹ hiẹ ni ma wà na mi blo.”
To paa mẹ, “ewọ,” vlavo ehe to alọdlẹndo Jobu.