Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Jobu 12:1-25

NUHE E BẸHẸN LẸ

  • Gblọndo Jobu tọn (1-25)

    • “Yẹn ma whè hú mì” (3)

    • ‘N’ko lẹzun aṣagbọ́nu’ (4)

    • ‘Jiwheyẹwhe tindo nuyọnẹn’ (13)

    • Jiwheyẹwhe yiaga hú whẹdatọ po ahọlu lẹ po (17, 18)

12  Enẹgodo, Jobu gblọn dọmọ:   “Na jide tọn, mìwlẹ wẹ yọnnuin,Nuyọnẹn nasọ kú po mì po!   Ṣigba, yẹnlọsu tindo wuntuntun.* Yẹn ma whè hú mì. Mẹnu wẹ ma yọ́n onú helẹ?   Yẹn ko lẹzun aṣagbọ́nu de na hagbẹ ṣie lẹ,+Yẹn mẹhe to awhádo ylọ Jiwheyẹwhe na e nido siọ mi.+ Mẹhe yin dodonọ bo ma hùwhẹ wẹ nọ lẹzun aṣagbọ́nu.   Mẹhe ma nọ kiya nọ yí nukunpẹvi do pọ́n nugbajẹmẹji,Bo nọ lẹndọ mẹhe sin afọ ma lodo* lẹ kẹdẹ wẹ e tin na.   Gòhọ jaguda lẹ tọn tin to jijọho mẹ,+Bọ mẹhe nọ hẹn homẹgble Jiwheyẹwhe lẹ to hihọ́ mẹ,+Yèdọ yé mẹhe tindo yẹwhe yetọn to alọ yetọn lẹ mẹ.   Ṣigba, jaale kanhose kanlin lẹ, na yé ni plọnnu we;Podọ ohẹ̀ agahomẹ tọn lẹ, na yé ni dọna we.   Kavi na ayidonugo* aigba, na e ni plọnnu we;Podọ whèvi hùmẹ tọn lẹ na dọ ẹ na we.   Detẹ to ehe lẹpo mẹ wẹ ma yọnẹnDọ alọ Jehovah tọn wẹ basi ehe? 10  Alọ etọn mẹ wẹ ogbẹ̀ nutogbẹ̀ lẹpo tọn* teGọna gbigbọ* gbẹtọvi lẹpo tọn.*+ 11  Be e ma yin otó wẹ nọ whlé ohó pọ́nDile odẹ́ nọ dọ́ núdùdù pọ́n do ya?+ 12  Be e ma yin yọnhonọ lẹ dè wẹ nuyọnẹn nọ yin mimọ te,+Bọ mẹhe nọgbẹ̀ dẹn lẹ nọ tindo wuntuntun ya? 13  Ewọ tindo nuyọnẹn po huhlọn po;+ Ewọ wẹ sọ tindo ayinamẹ po wuntuntun po.+ 14  Eyin ewọ họ́ nude liai, e ma sọgan yin vivọgbá;+Nudepope he ewọ sú, mẹdepope ma sọgan hùn in. 15  Eyin ewọ glọnalina jikun, nulẹpo wẹ nọ hú;+Eyin ewọ do e hlan gbonu, e nọ gọ́ aigba ji.+ 16  Ewọ tindo huhlọn po nuyọnẹn yọ́n-na-yizan po;+Ewọ tọn wẹ mẹhe to alibu po mẹhe to mẹhẹn buali po; 17  E nọ hẹn ayinamẹtọ lẹ zọ̀n afọ-vọ́,*Bo nọ hẹn whẹdatọ lẹ zun nulunọ.+ 18  E nọ tún gẹdẹ he ahọlu lẹ degbe etọn lẹ,+Bo nọ sìn gbànnú do alinkàn na yé. 19  E nọ hẹn yẹwhenọ lẹ nado zọ̀n afọ-vọ́,+Bosọ nọ de mẹhe gandudu yetọn ko lodo lẹ sẹ̀ sọn gánzinpo ji;+ 20  E nọ bọnùdo na ayinamẹtọ dejidego lẹBo nọ hẹn zinzin sunnu mẹho lẹ tọn ponu; 21  E nọ hẹn vlẹko wá omẹ nukundeji lẹ ji,+Bo nọ hẹn huhlọnnọ lẹ zun madogánnọ;* 22  E nọ de onú sisosiso lẹ hia sọn zinvlu mẹ,+Bo nọ hẹn zinvlu titli tọ́n wá hinhọ́n nù; 23  E nọ hẹn akọta lẹ zun huhlọnnọ, na ewọ nido và yé sudo;Bo nọ hẹn akọta lẹ sudeji, na e nido hẹn yé yì kanlinmọgbenu. 24  E nọ hẹn wuntuntun* nukọntọ akọta lẹ tọn ponuBo nọ hẹn yé sàlele to aigba gbọgbé lẹ ji.+ 25  Yé nọ to avìdla pé to zinvlu mẹ,+ yèdọ to fie hinhọ́n ma tin te;E nọ hẹn yé nado to lèlèsà pé di ahànnumunọ lẹ.+

Nudọnamẹ Odò Tọn

To paa mẹ, “ahun.”
Kavi “afọ to dídídídí.”
Kavi vlavo, “dọhona.”
Kavi “alindọn mẹhe togbẹ̀ lẹpo tọn.”
Kavi “gbọfufu.”
To paa mẹ, “agbasalan gbẹtọ tọn pete.”
Kavi “jẹ agbá pete.”
To paa mẹ, “nọ tún gbànnú huhlọnnọ lẹ tọn.”
To paa mẹ, “ahun.”