Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Jobu 11:1-20

NUHE E BẸHẸN LẸ

  • Hodidọ Zofali tọn tintan (1-20)

    • E dọ dọ Jobu to ohó fúsa dọ (2, 3)

    • E dọna Jobu nado de oylan sẹ̀ (14)

11  Zofali+ Naamanu lọ sọ dọna ẹn dọmọ:   “Be yè na nọma gblọn depope to ohó ehe lẹpo mẹ wẹ, Kavi be ohó susu didọ wẹ na zọ́n bọ owhẹ̀ mẹde tọn na whẹ́n ya?*   Be ohó fúsa towe lẹ na hẹn gbẹtọ lẹ nabọẹ wẹ? Be mẹdepope ma na gbẹnuna we, na hogbe mẹṣanko tọn towe lẹ wẹ ya?+   Na hiẹ dọ dọ, ‘Nuplọnmẹ ṣie wé,+ Yẹn sọ wé to nukun Jiwheyẹwhe tọn mẹ.’+   Ṣigba, eyin Jiwheyẹwhe na hùn nùflo etọn lẹ Bo dọhona we wẹ!+   Whenẹnu, e na de aṣli nuyọnẹn tọn lẹ hia we, Na nuyọnẹn yọ́n-na-yizan tindo adà susu. Whenẹnu, hiẹ na mọdọ Jiwheyẹwhe jlo bo wọnji nuṣiwa towe delẹ go poun wẹ.   Be hiẹ sọgan mọdona onú sisosiso Jiwheyẹwhe tọn lẹ Kavi mọdona nulẹpo gando* Ganhunupotọ lọ go wẹ ya?   Nuyọnẹn yiaga hú olọn. Etẹ go wẹ hiẹ pé? E siso hú Yọdò.* Etẹwẹ hiẹ sọgan yọnẹn?   E dite hú aigba Bo gblo hú ohù. 10  Eyin ewọ juwajei bo wle mẹde bosọ hẹn ẹn yì owhẹ̀ nukọn, Mẹnu wẹ sọgan glọnalina ẹn? 11  Na e nọ yọnẹn eyin gbẹtọ lẹ to nuyiwa to aliho oklọ tọn mẹ. Eyin e mọ oylan, be e ma na doayi e go wẹ? 12  Ṣigba, kiki whenue kẹtẹkẹtẹ gbémẹ tọn na penugo nado ji gbẹtọ* Wẹ hlònọ na tindo nukunnumọjẹnumẹ. 13  Eyin hiẹ na kúkú gbọ bo wleawuna ahun towe Bo dlẹnalọ towe lẹ jẹgbonu hlan ewọ. 14  Eyin nuylankan de wà wẹ alọ towe te, de e do olá, Bo ma dike mawadodo depope ni gbọṣi gòhọ towe lẹ mẹ blo. 15  Na whenẹnu wẹ hiẹ na penugo nado ze nukunmẹ towe daga matin oblọ depope; Hiẹ na penugo nado nọtegli, bo na vò sọn obu si. 16  Na whenẹnu wẹ hiẹ na wọnji tukla towe go; Hiẹ na nọ flin in di osin he ko sà gbọn apá towe wayi poun. 17  Gbẹzan towe na sẹ́ hú owhè ṣádada; Zinvlu etọn lọsu na taidi hinhọ́n afọnnu tọn. 18  Hiẹ na deji, na a tindo todido wutu, Hiẹ nasọ pọ́n nuhe lẹdo we pé lẹpo bo na mlọnai to hihọ́ mẹ. 19  Hiẹ na mlọnai, bọ mẹde ma na dobuna we, Mẹsusu nasọ nọ dín nukundagbe towe. 20  Ṣigba, nukun mẹylankan lẹ tọn na súzín; Bọ yé ma na mọ fidepope nado họnyi, Okú* wẹ nasọ yin todido dopo akàn yetọn.”+

Nudọnamẹ Odò Tọn

Kavi “be owhẹ̀ awagundotọ de tọn na whẹ́n wẹ ya?”
Kavi “dindona dogbó.”
Kavi “Ṣeol,” enẹ wẹ, yọdò paa gbẹtọvi lẹ tọn. Pọ́n Zẹm.
Kavi “whenue kẹtẹkẹtẹ gbémẹ tọn de yin jiji di gbẹtọ.”
Kavi “Okú alindọn tọn.”