Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Isaia 65:1-25

NUHE E BẸHẸN LẸ

  • Whẹdida sọta boṣiọ-sẹ̀ntọ lẹ (1-16)

    • Yẹwhe Tadagbe po Jọgbe po tọn (11)

    • “Devizọnwatọ ṣie lẹ na nọ dùnú” (13)

  • Olọn yọyọ lẹ po aigba yọyọ de po (17-25)

    • Gbá ohọ̀; do vẹngle (21)

    • Mẹde ma na jẹtukla to ovọ́ mẹ (23)

65  “N’ko dike bọ mẹhe ma kàn mi biọ lẹ dín mi mọ;N’ko dike bọ mẹhe ma dín mi lẹ mọ mi.+ N’dọna akọta he ma dawhá ylọ oyín ṣie de dọ, ‘Yẹn die, yẹn die!’+   Azán lẹpo gbè wẹ n’ko dlẹnalọ ṣie lẹ hlan akọta tasinyẹntọ de,+Yèdọ yé mẹhe to zọnlinzin to aliho he ma yọ́n ji,+Bo to linlẹn yedetiti tọn hodo lẹ;+   Akọta de he nọ hẹn homẹgble mi gbọzangbọzan to nukọn ṣie,+Bo nọ basi avọ́sinsan lẹ+ to jipa lẹ mẹ gọna avọ́sinsan mimẹ̀ lẹ to bliki lẹ ji.   Yé nọ sinai to ṣiọditẹn lẹ,+Bo nọ dọ́ fiwhiwhlá lẹ,*Bosọ nọ dù hàn-làn,+Bọ osin he mẹ onú mawé lẹ yin didà te nọ tin to nuhẹnnú yetọn lẹ mẹ.+   Yé nọ dọ dọ, ‘Nọ fie a te; a sẹpọ mi blo,Na n’yin wiwe hú we.’* Yé taidi azọ̀ to awọntinslo ṣie lẹ mẹ, yèdọ miyọ́n de he to jiji to azán lẹpo gbè.   Pọ́n! E ko yin kinkan to nukọn ṣie;Yẹn ma na nọ whii,Ṣigba, yẹn na suahọ etọn yé,+Yẹn na suahọ etọn yé to gigọ́ mẹ*   Na nuṣiwa yetọn po tọgbo yetọn lẹ tọn po,”+ wẹ Jehovah dọ. “Na yé ko basi avọ́sinsan mimẹ̀ lẹ to osó lẹ jiBo ko vlẹ mi kò to okọ́ta lẹ ji wutu,+Jẹnukọn whẹ́, yẹn na jlẹ ahọsumẹ yetọn na yé to gigọ́ mẹ.”*   Nuhe Jehovah dọ die: “Kẹdẹdile ovẹn yọyọ nọ yin mimọ sọn ohín ovẹn sinsẹ́n tọn mẹ do,Bọ mẹde nọ dọ dọ, ‘Ma gídí i blo, na dagbe delẹ* to e mẹ wutu,’ Mọ wẹ yẹn na wà do, na devizọnwatọ ṣie lẹ tọn wutu;Yẹn ma na gídí yemẹpo.+   Yẹn na hẹn kúnkan* de jẹgbonu sọn Jakọbu mẹBo nasọ de mẹhe na dugu osó ṣie lẹ tọn sọn Juda mẹ;+Aigba lọ na lẹzun mẹdide ṣie lẹ tọn,Bọ devizọnwatọ ṣie lẹ na nọ nọ̀ finẹ.+ 10  Ṣalọni+ na lẹzun kanlindugbo de na lẹngbọ lẹBọ Agbàdo Akọli tọn+ na lẹzun gbọjẹtẹn de na oyìn lẹ,Na dagbe omẹ ṣie he to dindin mi lẹ tọn. 11  Ṣigba, mìwlẹ tin to mẹhe gbẹkọ Jehovah go lẹ mẹ,+Mẹhe wọnji osó wiwe ṣie go lẹ,+Bo nọ tẹ́ tafo na yẹwhe Tadagbe tọn,Bosọ nọ ba ovẹn flusọ́ gọ́ kọfo lẹ na yẹwhe Jọgbe tọn. 12  Enẹwutu, yẹn na jo mì na ohí dandan,+Podọ mìmẹpo wẹ na dẹ́ do odò nado yin hùhù,+Na yẹn ylọ, amọ́ mìwlẹ ma siọ,Yẹn dọho, amọ́ mìwlẹ ma dotoai;+Mì to nuhe ylan to nukun ṣie mẹ lẹ wà mapote,Bosọ de nuhe nọ hẹn homẹgble mi lẹ.”+ 13  Enẹwutu, nuhe Oklunọ Nupojipetọ Jehovah dọ die: “Pọ́n! Devizọnwatọ ṣie lẹ na nọ dùnú, ṣigba huvẹ na nọ hù mìwlẹ.+ Pọ́n! Devizọnwatọ ṣie lẹ na nọ nù,+ ṣigba nugbla na nọ hù mìwlẹ. Pọ́n! Devizọnwatọ ṣie lẹ na nọ jaya,+ ṣigba winyan na nọ hù mìwlẹ.+ 14  Pọ́n! Devizọnwatọ ṣie lẹ na nọ yí ayajẹ do dawhá na ninọmẹ dagbe ahun mẹ tọn wutu,Ṣigba, mìwlẹ na nọ dawhá na awufiẹsa ahun mẹ tọn wutuBo nasọ nọ doavihàn na awubla ahun mẹ tọn wutu. 15  Mì na jo oyín de dai he mẹdide ṣie lẹ na nọ yizan taidi dẹ̀hodo,Oklunọ Nupojipetọ Jehovah nasọ hù dopodopo mìtọn,Ṣigba, ewọ na yí oyín devo do ylọ devizọnwatọ etọn titi lẹ;+ 16  Na mẹdepope he jlo na mọ dona to aigba jiNido nọ yin didona gbọn Jiwheyẹwhe nugbo* tọn lọ dali,Podọ mẹdepope he basi whiwhle de to aigba jiNido nọ whlé gbọn Jiwheyẹwhe nugbo* tọn lọ dali.+ Na ayimajai* dai tọn lẹ na yin winwọn;Yé na yin zizewhla sọn nukun ṣie mẹ.+ 17  Na, pọ́n! Yẹn to olọn yọyọ lẹ po aigba yọyọ de po dá;+Podọ onú hoho tọn lẹ ma nasọ yin finflin ba,Mọ yé ma na gọwá ahun mẹ ba.+ 18  Enẹwutu, mì to aglinjẹ bosọ to ayajẹ kakadoi to nuhe yẹn to didá lẹ mẹ. Na, pọ́n! Yẹn to Jelusalẹm dá taidi asisa ayajẹ tọn dePodọ omẹ etọn lẹ taidi asisa aglinjijẹ tọn de.+ 19  Yẹn nasọ nọ jaya to Jelusalẹm mẹ bo na nọ jẹaglin to omẹ ṣie lẹ mẹ;+Avigbè kavi awhágbe ayimajai tọn ma nasọ nọ yin sisè to e mẹ ba.”+ 20  “Yọpọ he na nọgbẹ̀ na azán vude poun de ma na yin mimọ to finẹ ba,Mọ mẹhomẹ de ma na tin to finẹ he ma na nọma nọgbẹ̀ dẹn. Na mẹdepope he tindo owhe kanweko bo kú na nọ yin pinpọnhlan di yọpọvu de poun,Podọ ylandonọ na kú na dẹ̀hodo wutu, eyin ewọ tlẹ tindo owhe kanweko.* 21  Yé na gbá ohọ̀ lẹ bo nasọ nọ nọ̀ yé mẹ,+Yé na do vẹngle lẹ bo nasọ nọ dù sinsẹ́n yetọn.+ 22  Yé ma na gbá bọ mẹdevo na wá nọ e mẹ,Mọ yé ma na do bọ mẹdevo na wá dù. Na azán omẹ ṣie lẹ tọn na taidi azán atin de tọn,+Podọ mẹdide ṣie lẹ na nọ duvivi azọ́n alọ yetọn lẹ tọn to gigọ́ mẹ. 23  Yé ma na jẹtukla* to ovọ́ mẹ,*+Mọ yé ma na jivi na awufiẹsa,Na yewlẹ wẹ kúnkan* he Jehovah ko dona lọ,+Gọna ovi yetọn lẹ po yé po.+ 24  Whẹpo yé na tlẹ do dawhá ylọ mi, yẹn na ko siọ;Whenue yewlẹ na pò to hodọ, yẹn na ko sè. 25  Ohla po lẹngbọvu po na nọ dùnú dopọ,Kinnikinni na nọ dù núyọ di oyìnsú,+Podọ kọ́gudu wẹ na nọ yin núdùdù odàn tọn. Yé ma na nọ gbleawunamẹ paali kavi hẹn husudo depope wá osó wiwe ṣie pete ji,”+ wẹ Jehovah dọ.

Nudọnamẹ Odò Tọn

Kavi vlavo, “azava nuhihọ́ tọn lẹ mẹ.”
Kavi vlavo, “Na n’na hẹn wiwe-yinyin ṣie jẹ dè we.”
To paa mẹ, “to akọ́n yetọn nù.”
To paa mẹ, “to akọ́n yetọn nù.”
To paa mẹ, “na dona de.”
To paa mẹ, “okún.”
Kavi “nugbonọ-yinyin.” To paa mẹ, “Niṣẹ.”
Kavi “nugbonọ-yinyin.” To paa mẹ, “Niṣẹ.”
Kavi “nuhahun.”
Kavi vlavo, “Podọ mẹhe gboawupo nado tindo owhe kanweko na yin pinpọnhlan di mẹhodẹ̀do.”
Kavi “wazọ́n sinsinyẹn.”
Kavi “tata.”
To paa mẹ, “okún.”