Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Isaia 62:1-12

NUHE E BẸHẸN LẸ

  • Oyín yọyọ Ziọni tọn (1-12)

62  Na Ziọni wutu, yẹn ma na nabọẹ,+ Podọ na Jelusalẹm wutu, yẹn ma na gbọṣi whii Kaka dodowiwa etọn nado họnwun di hinhọ́n he to sisẹ́+ Bọ whlẹngán etọn nado to jiji di miyọ́ngbán.+   “Hiẹ yọnnu E, akọta lẹ na mọ dodowiwa towe,+ Bọ ahọlu lẹpo na mọ gigo towe.+ Hiẹ nasọ nọ yin yiylọ gbọn oyín yọyọ de dali,+ He Jehovah lọsu wẹ na yí onù etọn do de.   Hiẹ na lẹzun jẹgbakun whanpẹ tọn de to alọ Jehovah tọn mẹ, Yèdọ tabla ahọlu tọn de to alọ Jiwheyẹwhe towe tọn mẹ.   Hiẹ ma nasọ nọ yin yiylọdọ yọnnu he yè jodo ba,+ Podọ aigba towe ma nasọ yin yiylọdọ ofi jẹvọ́ ba.+ Ṣigba, hiẹ na nọ yin yiylọdọ Homẹhunhun Ṣie Tin to Ewọ Mẹ,+ Bọ aigba towe na nọ yin yiylọdọ Mẹhe Ko Wlealọ. Na Jehovah na nọ tindo homẹhunhun to hiẹ mẹ, Bọ aigba towe na taidi mẹhe ko wlealọ de.   Na kẹdẹdile jọja sunnu de nọ wlealọ hẹ awhli de do, Mọ wẹ visunnu towe lẹ na wlealọ hẹ we do. Kẹdẹdile asisunọ yọyọ de nọ jaya na asiyọyọ etọn wutu do, Mọ wẹ Jiwheyẹwhe towe na jaya na hiẹ tọn wutu do.+   Jelusalẹm E, yẹn ko deazọ́nna nuhọ́tọ lẹ do adó towe lẹ ji. Yé ma dona nabọẹ to whedepopenu, to okle po ozán po. Mì mẹhe nọ dọho gando Jehovah go lẹ emi, Mì gbọjẹ blo,   Mì sọ na ẹn gbọjẹ depope blo kaka ewọ nado do Jelusalẹm ai gligli, Mọwẹ, kaka ewọ nado hẹn ẹn zun fie jẹna pipà to aigba ji.”+   Jehovah ko yí adusilọ etọn, yèdọ awà huhlọnnọ etọn do basi whiwhle de dọmọ: “Yẹn ma nasọ na jinukun towe lẹ kẹntọ towe lẹ taidi núdùdù ba, Mọjanwẹ jonọ lẹ ma na nù ovẹn yọyọ towe he hiẹ ko jẹtukla na do niyẹn.+   Ṣigba, mẹhe to jinukun bẹpli lẹ wẹ na nọ dù bo na nọ pà Jehovah; Podọ mẹhe to ovẹn bẹpli lẹ wẹ na nọ nù to awánu wiwe ṣie lẹ mẹ.”+ 10  Mì gbọn họngbo lẹ nù, mì gbọn họngbo lẹ nù wayi. Mì jla aliho lọ do na gbẹtọ lọ lẹ.+ Mì deali lọ, mì de alihogbó lọ. Mì bẹ zannu lẹ sẹ̀ sọn e ji.+ Mì ze ohia* de daga na gbẹtọ lẹ.+ 11  Pọ́n! Jehovah ko lá na opodo aigba tọn lẹ dọmọ: “Mì dọna viyọnnu Ziọni tọn dọ, ‘Pọ́n! Whlẹngán towe ko to dindọnsẹpọ.+ Pọ́n! Ale etọn tin to e si, Ahọsumẹ etọn sọ tin to nukọn etọn.’”+ 12  Yé na nọ yin yiylọdọ akọta wiwe lọ, yèdọ mẹhe Jehovah ko fligọ lẹ,+ Hiẹ nasọ nọ yin yiylọdọ Mẹhe Yè Dín Vivẹvivẹ, yèdọ Tòdaho He Ma Yin Jijodo.+

Nudọnamẹ Odò Tọn

Kavi “opò ohia tọn.”