Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Isaia 60:1-22

NUHE E BẸHẸN LẸ

  • Gigo Jehovah tọn họ́n do Ziọni ji (1-22)

    • Taidi apoe lẹ do apó yetọn mẹ (8)

    • Sika do otẹn gànvẹẹ tọn mẹ (17)

    • Omẹ vude na lẹzun fọtọ́n (22)

60  “Fọ́n, hiẹ yọnnu E,+ tá hinhọ́n, na hinhọ́n towe ko wá. Gigo Jehovah tọn ko họnwun do ji we.+   Na, pọ́n! zinvlu na ṣinyọ́n aigba ji Bọ zinvlu gọ́ngọ́n na ṣinyọ́n akọta lẹ ji; Ṣigba, Jehovah na tá hinhọ́n do hiẹ ji, Podọ gigo etọn na yin mimọ to ji we.   Akọta lẹ na yì hinhọ́n towe kọ̀n+ Bọ ahọlu lẹ+ na yì whanpẹ daho towe he to sisẹ́* lọ kọ̀n.+   Ze nukun towe lẹ daga bo pọ́n lẹdo towe mẹ lẹdo pé! Yemẹpo ko yin bibẹpli; yé ko sọ ja dè we. Visunnu towe lẹ to wiwá dè we mapote sọn fidindẹn,+ Gọna viyọnnu towe lẹ he yin hinhẹn do adà mẹ bọ yè to nukunpedo yé go.+   To ojlẹ enẹ mẹ, hiẹ na mọ bo nasọ to sisẹ́,+ Ahun towe nasọ to hihò bo na gọfla na ayajẹ, Na adọkunnu ohù tọn lẹ na yin anadena wá dè we; Podọ nutindo akọta lẹ tọn na wá dè we.+   Kanklosọ́ susugege lẹ na gọ́ aigba towe ji,* Yèdọ kanklosọ́ asu winyanwinyan Midiani po Efa po tọn lẹ.+ Mẹhe wá sọn Ṣeba lẹpo—dè we wẹ yé na wá; Yé na hẹn sika po nuyọnwan gblingblin po wá. Yé na nọ lá pipà Jehovah tọn.+   Lẹngbọpa Kẹdali tọn lẹpo+ na yin bibẹpli do dè we. Agbò Nebaiọti tọn lẹ+ na nọ yilizọn na we. Yé na nọ wá agbà ṣie ji bo na nọ yin alọkẹyi,+ Yẹn nasọ hẹn ohọ̀ gigonọ* ṣie yọnwhanpẹ.+   Mẹnu wẹ ehelẹ he to zinzlọn ja di aslọ lẹ, Yèdọ taidi apoe lẹ he ja apó yetọn mẹ?*   Na lopo lẹ na ze todido yetọn do yẹn mẹ;+ Tọjihun Talṣiṣi tọn lẹ wẹ tin to nukọn, Nado bẹ visunnu towe lẹ wá sọn fidindẹn,+ Gọna fataka po sika yetọn lẹ po, Na pipà oyín Jehovah Jiwheyẹwhe towe tọn podọ na Omẹ Wiwe Islaeli tọn, Na ewọ na hẹn we yin gigonọ.*+ 10  Jonọ lẹ wẹ na do adó towe lẹ, Bọ ahọlu yetọn lẹ wẹ na nọ yilizọn na we,+ Na homẹgble ṣie mẹ wẹ yẹn linú we te, Ṣigba, yẹn na yí nukundagbe* ṣie do dó lẹblanu hia we.+ 11  Họngbo towe lẹ na nọ yin jijodo hùnhùn to whepoponu;+ Yé ma na nọ yin súsú to okle kavi to zánmẹ, Na nutindo akọta lẹ tọn nido nọ yin hinhẹnwa na we, Bọ ahọlu yetọn lẹ na yin nukọntọ to ehe wiwà mẹ.+ 12  Na akọta kavi ahọluduta depope he ma na wadevizọn na we na dọ̀n, Bọ akọta lẹ na yin vivasudo mlẹnmlẹn.+ 13  Hiẹ ji wẹ gigo Lẹbanọni tọn na wá,+ Yèdọ atin junipeli tọn, atin sinmẹ afínnọ po atin kiplẹsi tọn po to pọmẹ,+ Nado hẹn fiwiwe ṣie yọnwhanpẹ; Yẹn na hẹn nọtẹn afọ ṣie lẹ tọn zun gigonọ.+ 14  Visunnu mẹhe to kọgbidina we lẹ tọn lẹ na wá dẹ́ do odò to nukọn towe; Mẹhe to nuyiwa hẹ we po mẹmasi po lẹpo wẹ dona dẹ́ do odò to afọ towe lẹ kọ̀n, Podọ yé dona nọ ylọ we dọ tòdaho Jehovah tọn, Yèdọ Ziọni Omẹ Wiwe Islaeli tọn lọ tọn.+ 15  Kakati hiẹ ni yin gbigbẹdai bo yin wangbẹna bọ mẹdepope ma na nọ jugbọn hiẹ mẹ,+ Yẹn na hẹn we zun asisa awagundido tẹgbẹ tọn, Yèdọ asisa ayajẹ tọn sọn whẹndo de mẹ jẹ devo mẹ.+ 16  Hiẹ nasọ nọ nù anọ́sin akọta lẹ tọn,+ Bo na nọ nọ́ anọ́ ahọlu lẹ tọn;+ Hiẹ nasọ yọnẹn na taun tọn dọ yẹn, Jehovah, wẹ Mẹwhlẹngántọ towe, Podọ Omẹ Huhlọnnọ Jakọbu tọn lọ wẹ Mẹflitọ towe.+ 17  To otẹn gànvẹẹ tọn mẹ, yẹn na hẹn sika wá, Podọ to otẹn gànyuu tọn mẹ, yẹn na hẹn fataka wá, To otẹn atin tọn mẹ, gànvẹẹ, Podọ to otẹn zannu lẹ tọn mẹ, gànyuu; Yẹn nasọ de jijọho taidi nugopọntọ towe Podọ dodowiwa taidi azọ́ndenamẹtọ towe.+ 18  Danuwiwa ma nasọ nọ yin sisè to aigba towe ji ba Mọ vasudo po gbakija po ma na nọ yin sisè to dogbó towe lẹ mẹ.+ Hiẹ nasọ nọ ylọ adó towe lẹ dọ Whlẹngán+ podọ họngbo towe lẹ dọ Pipà. 19  Owhè ma nasọ yin hinhọ́n de na we to okle ba, Mọ sisẹ́ osun tọn ma nasọ nọ na we hinhọ́n ba, Na Jehovah wẹ na lẹzun hinhọ́n tẹgbẹ tọn de na we,+ Bọ Jiwheyẹwhe towe na lẹzun whanpẹ towe.+ 20  Owhè towe ma na nọ yihọ ba, Mọ osun towe ma na nọ ṣí ba, Na Jehovah wẹ na lẹzun hinhọ́n tẹgbẹ tọn de na we,+ Podọ azán aluẹmẹninọ towe tọn lẹ na ko wá vivọnu.+ 21  Omẹ towe lẹpo nasọ yin dodonọ; Yé na dugu aigba lọ tọn kakadoi. Yewlẹ wẹ nuhe yẹn do bọ e tọ́nkun, Yèdọ azọ́n alọ ṣie lẹ tọn,+ na yẹn nido yin yẹyidogona.+ 22  Omẹ vude na lẹzun fọtọ́n Podọ omẹ pẹvi de na lẹzun akọta huhlọnnọ. Yẹn, Jehovah lọsu, wẹ na basi i po awuyiya po to ojlẹ etọn mẹ.”

Nudọnamẹ Odò Tọn

Kavi “yì hinhọ́n wunkinkẹn towe tọn.”
To paa mẹ, “na gọ́ ji we.”
Kavi “whanpẹnọ.”
Kavi “he ja nùvo ohọ̀ ohẹ̀ tọn lẹ mẹ.”
Kavi “hẹn we yọnwhanpẹ.”
Kavi “ojlo dagbe.”