Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Isaia 57:1-21

NUHE E BẸHẸN LẸ

  • Dodonọ po nugbonọ po nọ dọ̀n (1, 2)

  • Yè de galilọ gbigbọmẹ tọn Islaeli tọn gbà (3-13)

  • Homẹmimiọn na agbátọnọ (14-21)

    • Mẹylankan, ohù he to zingidi ji (20)

    • Jijọho ma tin na mẹylankan (21)

57  Dodonọ ko dọ̀n, Ṣigba, mẹde ma na ayidonugo. Nugbonọ lẹ ko yin didesẹ sọn aimẹ,*+ Mẹdepope masọ doayi e go dọ dodonọ ko yin didesẹ sọn aimẹ Ma nado mọ nugbajẹmẹji lọ.*   Ewọ nọ biọ jijọho mẹ. Yé mẹhe nọ zinzọnlin jijlọ lẹpo wẹ nọ gbọjẹ to adọzan yetọn ji.*   “Ṣigba na mìwlẹ tọn, mì sẹwá, Mì visunnu yọnnu bojlẹtọ de tọn lẹ emi, Mì ovi ayọdetọ podọ galọtọ de tọn lẹ emi:   Mẹnu ṣanko wẹ mì te? Mẹnu wẹ mìwlẹ kẹ̀ onù mìtọn donuvo bo dlẹn odẹ́ mìtọn jẹgbonu sọta? Be e ma yin ovi sẹ́nhẹngba tọn lẹ wẹ mìwlẹ, Yèdọ ovi oklọ tọn lẹ,+   Mẹhe ojlo zogbe nọ fọ́n na to atin daho lẹ ṣẹnṣẹn,+ To atin he vùn ganji lẹpo sá,+ Bọ mì nọ hù ovi lẹ to agbàdo lẹ mẹ,+ To oslò awinyan lẹ tọn mẹ ya?   Zannu agbàdo* mẹ tọn he dídí lẹ ṣẹnṣẹn wẹ mimá towe te.+ Mọwẹ, yewlẹ wẹ mimá towe. Yewlẹ wẹ hiẹ tlẹ nọ kọ̀n avọ́nunina nùnù lẹ na bo nọ basi nunina lẹ na.+ Be homẹ ṣie dona hùn* do onú ehelẹ go wẹ ya?   Osó he yiaga taun de ji wẹ hiẹ tẹ́ adọzan towe do,+ Bọ a nọ hẹji yì finẹ nado nọ basi avọ́sinsan.+   Hiẹ ze ohia oflin tọn towe do ohọ̀n po dòtin ohọ̀n tọn po godo. A jo mi do bo hùn dewe donuvo; A hẹji yì bo hẹn adọzan towe gblo. Hiẹ sọ basi alẹnu de hẹ yé. A yiwanna nado nọ dọ́ adọzan dopolọ ji hẹ yé,+ Bosọ nọ to vijinu sunnu tọn lọ pọ́n.*   Hiẹ jẹte yì Melẹki* dè po amì po Gọna nuyọnwan susugege. A do dẹ́mẹnu towe lẹ hlan fidindẹn, Bọ hiẹ do jẹte yì Yọdò* mẹ. 10  Hiẹ ko jẹtukla to aliho susu towe lẹ hihodo mẹ, Ṣogan, a ma dọ dọ, ‘Todido ma tin!’ A vọ́ huhlọn mọyi. Enẹwutu wẹ hiẹ ma jogbe.* 11  Mẹnu wutu wẹ hiẹ to budi bo to sijọsijọ ji Sọmọ bọ a do jẹ lalodo ji?+ Hiẹ ma flin mi.+ A ma hẹn nudepope do ahun mẹ.+ Be n’ma ko gbọṣi abọẹ bo joagọyigodo* ya?+ Enẹwutu wẹ hiẹ ma do dibusi mi paali. 12  Yẹn na hẹn ‘dodowiwa’+ po azọ́n towe lẹ po zun yinyọnẹn,+ Bọ yé ma na hẹn ale depope wá na we.+ 13  Whenue hiẹ dawhá biọ alọgọ, Boṣiọ he a bẹpli lẹ ma na whlẹn we.+ Jẹhọn wẹ na bẹ yemẹpo yì, Gbọfufu tata wẹ na fú yé sẹ̀, Ṣigba, mẹhe nọ dín fibẹtado to yẹn mẹ wẹ na dugu aigba lọ tọn Bọ osó wiwe ṣie nasọ lẹzun etọn.+ 14  Mẹde na dọ dọ, ‘Mì deali, mì de aliho de! Mì wleawuna aliho lọ!+ Mì de afọklẹnnu lẹpo sẹ̀ sọn aliho omẹ ṣie lẹ tọn ji.’” 15  Na nuhe Mẹhe Yiaga bo Yiji, Yèdọ mẹhe togbẹ̀ kakadoi+ bọ oyín etọn yin wiwe lọ dọ die:+ “Yẹn nọ nọ̀ ofi wiwe he yiaga,+ Ṣigba, yẹn sọ tin hẹ mẹhe yè gbidikọna lẹ po agbátọnọ lẹ po, Nado hẹn gbigbọ agbátọnọ lẹ tọn lodo whladopo dogọ Podọ nado hẹn ahun mẹhe yè to kọgbidina lẹ tọn lodo whladopo dogọ.+ 16  Na yẹn ma na diọnukunsọ yé kakadoi Kavi to homẹgble tẹgbẹ gba;+ Na gbigbọ gbẹtọ tọn na lẹzun madogánnọ na yẹn tọn wutu,+ Etlẹ yin nudida he yẹn basi bọ yé tindo gbọfufu lẹ. 17  Yẹn gblehomẹ, na ewọ gbọn ylando dali to afọdona ale mawadodo tọn,+ Enẹwutu, yẹn linú in bo whlá nukunmẹ ṣie do e bosọ gblehomẹ. Ṣigba, ewọ zindonukọn nado to nuyiwa di atẹṣitọ+ bo to aliho he ahun etọn dena ẹn lọ hodo. 18  Yẹn ko mọ aliho etọn lẹ, Ṣigba, yẹn na hẹnazọ̀ngbọna ẹn+ bo na deanana ẹn+ Bo nasọ miọnhomẹna* ewọ+ po omẹ etọn he to aluẹmẹ lẹ po.”+ 19  “Yẹn to awuwlena sinsẹ́n nùflo tọn. Jijọho tẹgbẹ tọn na yin nina mẹhe tin to fidindẹn po mẹhe tin to yakẹ po,”+ wẹ Jehovah dọ, “Yẹn nasọ hẹnazọ̀ngbọna ẹn.” 20  “Ṣigba, mẹylankan lẹ taidi ohù he nọ to zingidi ji bo ma nọ nọ̀ whii, Bọ osin etọn lẹ nọ to ogbé hùmẹ tọn lẹ po ogbọ̀n po tún jẹgbonu. 21  Jijọho ma tin na mẹylankan lẹ,”+ wẹ Jiwheyẹwhe ṣie dọ.

Nudọnamẹ Odò Tọn

Enẹ wẹ, to okú mẹ.
Kavi vlavo, “Sọn nugbajẹmẹji lọ mẹ.”
Enẹ wẹ, to yọdò mẹ.
Kavi “agbàdo tọ̀sisa tọn.” Pọ́n Zẹm.
Kavi “Be yẹn na miọnhomẹna dee.”
Vlavo ehe na ko to alọdlẹndo boṣiọ-sinsẹ̀n.
Kavi vlavo, “ahọlu lọ.”
Kavi “Ṣeol,” enẹ wẹ, yọdò paa gbẹtọvi lẹ tọn. Pọ́n Zẹm.
To paa mẹ, “wẹ onú ma ṣikọna we.”
Kavi “bo ze whẹho lẹ whlá.”
Kavi “nasọ yí homẹmimiọn do suahọ.”