Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Isaia 56:1-12

NUHE E BẸHẸN LẸ

  • Dona lẹ do jonọ po ojọ̀ lẹ po ji (1-8)

    • Ohọ̀ odẹ̀ tọn na mẹlẹpo (7)

  • Nuhọ́tọ nukuntọ́nnọ, avún unbọpẹnnọ (9-12)

56  Nuhe Jehovah dọ die: “Mì ze whẹdida dodo daga+ bo wà nuhe yin dodo, Na whlẹngán ṣie na wá to madẹnmẹ Bọ dodowiwa ṣie na yin didehia.+   Ayajẹnọ wẹ mẹhe nọ wà ehe Podọ gbẹtọvi he nọ tẹdo e go gligli, Yèdọ mẹhe nọ yìn Gbọjẹzan bo ma nọ hẹn ẹn flu+ Podọ mẹhe nọ dọ̀n alọ etọn dogodo sọn nudepope he yin oylan mẹ.   Jonọ he kọ̀n ede dopọ hẹ Jehovah+ ni ma dọ blo dọ, ‘E họnwun dọ Jehovah na klan mi dovo na omẹ etọn lẹ.’ Podọ mẹhe yin ojọ̀ ni ma dọ blo dọ, ‘Pọ́n! Atin húhú de poun wẹ yẹn.’”  Na nuhe Jehovah dọna ojọ̀ he nọ yìn gbọjẹzan ṣie lẹ bo nọ wà nuhe nọ hẹn homẹhun mi bosọ nọ tẹdo alẹnu ṣie go gligli lẹ die:   “Yẹn na na yé otẹn oflin tọn de po oyín de po to owhé ṣie gbè podọ to adó ṣie lẹ mẹ, Yèdọ nude he pọnte hú visunnu lẹ po viyọnnu lẹ po. Oyín he na nọ aimẹ kakadoi de wẹ yẹn na na yé, Oyín de he ma na busẹ sọn aimẹ.   Na nuhe dù jonọ he kọ̀n yedelẹ dopọ hẹ Jehovah nado yilizọn na ẹn, Nado yiwanna oyín Jehovah tọn+ Podọ nado yin devizọnwatọ etọn lẹ, Yèdọ mẹhe nọ yìn Gbọjẹzan bo ma nọ hẹn ẹn flu lẹpo Podọ mẹhe nọ tẹdo alẹnu ṣie go gligli lẹ,   Yẹn nasọ hẹn yé wá osó wiwe ṣie ji+ Bo na hẹn yé nado nọ jaya to ohọ̀ odẹ̀ tọn ṣie mẹ. Avọ́nunina mimẹ̀ blebu yetọn lẹ po avọ́sinsan yetọn lẹ po na nọ yin alọkẹyi to agbà ṣie ji. Na ohọ̀ ṣie na nọ yin yiylọdọ ohọ̀ odẹ̀ tọn na gbẹtọ lẹpo.”+  Oklunọ Nupojipetọ Jehovah, mẹhe to omẹ Islaeli tọn he vúnvún pé lẹ bẹpli+ dọmọ: “Yẹn na bẹ mẹdevo lẹ pli do ewọ dè gbọnvona mẹhe ko yin bibẹpli lẹ.”+   Mì gbekanlin danji tọn lẹpo emi, mì wá dùnú, Mì gbekanlin zungbo mẹ tọn lẹpo.+ 10  Nukuntọ́nnọ wẹ nuhọ́tọ etọn lẹ,+ depope to yé mẹ ma ko doayi e go.+ Avún unbọpẹnnọ lẹ wẹ yemẹpo, bo ma penugo nado gbó.+ Yé to gbigbọ gángán bo mlọnai; yé yiwanna amlọngọsisa. 11  Avún adọwhẹ́nnọ* lẹ wẹ yé yin; Ohò ma nọ gọ́ yé gbede. Lẹngbọhọtọ he ma tindo nukunnumọjẹnumẹ lẹ wẹ yé yin.+ Yemẹpo wẹ ko yì fihe jlo yé; Yemẹpo kakajẹ omẹ godo tọn yetọn ji wẹ to ale mawadodo tọn etọn titi dín bo nọ dọmọ: 12  “Mì wá, mì gbọ ma yí ovẹn vude, Mì gbọ mí ni nù ahàn sinsinyẹn gọ́ho.+ Podọ osọ he ja na taidi egbé, ṣigba e na pọnte taun!”

Nudọnamẹ Odò Tọn

Kavi “alindọn sinsinyẹnnọ.”