Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Isaia 55:1-13

NUHE E BẸHẸN LẸ

  • Oylọ nado wá dù bo nù vọnu (1-5)

  • Mì dín Jehovah po ohó etọn po (6-13)

    • Ali Jiwheyẹwhe tọn yiaga hú (8, 9)

    • Ohó Jiwheyẹwhe tọn na tindo kọdetọn dagbe dandan (10, 11)

55  Mì wá, mì mẹhe nugbla to hùhù lẹpo emi,+ mì wá osin kọ̀n!+ Mì mẹhe ma tindo akuẹ lẹ, mì wá bo họ̀ bosọ dù! Mọwẹ, mì wá họ̀ ovẹn po anọ́sin po+ vọnu, matin akuẹ.+   Naegbọn mìwlẹ do to akuẹ sú na nuhe ma yin núdùdù, Podọ naegbọn mì do to akuẹ he mì nọ mọ* lẹ zan na nuhe ma nọ hẹn pekọ depope wá? Mì yí sọwhiwhe do dotoaina mi, bo dù nuhe yin dagbe,+ * nasọ mọ homẹhunhun daho to nuhe dojó nugbonugbo lẹ mẹ.+   Mì tuntoai bo wá dè e.+ Mì dotoai, mì* nasọ gbọṣi ogbẹ̀, Bọ yẹn na basi alẹnu madopodo de hẹ mì+ To kọndopọ mẹ hẹ owanyi nugbo he yin didohia Davidi, ehe go yè sọgan ganjẹ.*+   Pọ́n! Yẹn ko yí i do basi kunnudetọ de+ na akọta lẹ, Yèdọ nukọntọ+ de po awhàngán daho+ de po na akọta lẹ.   Pọ́n! Hiẹ na ylọ akọta he a ma ko yọnẹn de, Podọ mẹhe wá sọn akọta he hiẹ ma yọnẹn de mẹ lẹ na họ̀nwezun wá dè we, Na Jehovah Jiwheyẹwhe towe,+ yèdọ Omẹ Wiwe Islaeli tọn lọ tọn wutu, Na ewọ na hẹn we yin gigonọ.+   Mì dín Jehovah to whenue ewọ sọgan yin mimọ.+ Mì dawhá ylọ ẹ to whenue e tin to yakẹ.+   Mì gbọ mẹylankan ni jo aliho etọn do+ Podọ kanylantọ ni jo linlẹn etọn lẹ do; Mì gbọ ewọ ni lẹkọwa Jehovah, mẹhe na do lẹblanu hia ẹ lọ dè,+ Yèdọ wá Jiwheyẹwhe mítọn dè, na ewọ na jonamẹ to gigọ́ mẹ.*+   “Na linlẹn ṣie lẹ gbọnvona linlẹn mìtọn lẹ,+ Podọ aliho mìtọn lẹ gbọnvona aliho ṣie lẹ,” wẹ Jehovah dọ.   “Na dile olọn yiaga hú aigba do, Mọ wẹ aliho ṣie lẹ yiaga hú aliho mìtọn lẹ Bọ linlẹn ṣie lẹ yiaga hú linlẹn mìtọn lẹ do niyẹn.+ 10  Na kẹdẹdile jikun po osin-agó po nọ ja sọn olọn do Bo ma nọ lẹkọyi dọ́n kakajẹ whenue yé ko yọ̀n aigba, bo ko hẹn jinukun tọ́nkun bosọ de sinsẹ́n tọ́n, Bo ko sọ hẹn jinukun tin na nudotọ podọ núdùdù na núdùtọ, 11  Mọ wẹ ohó ṣie he tọ́njẹgbonu sọn onù ṣie mẹ na te.+ E ma na lẹkọwa dè e yaya,+ Ṣigba, e họnwun dọ e na wà nudepope he nọ hẹn homẹ ṣie hùn* dotana,+ Podọ e na tindo kọdetọn dagbe dandan to nuhe mẹ n’do e hlan te. 12  Na ayajẹ mẹ wẹ mìwlẹ na tọ́njẹgbonu te,+ Podọ jijọho mẹ wẹ mì na yin hinhẹn lẹkọwa te.+ Osó lẹ po okọ́ta lẹ po na yí awhágbe ayajẹ tọn do jẹaglin to nukọn mìtọn,+ Bọ atin danji tọn lẹpo na hopẹ́.+ 13  Atin junipeli tọn wẹ na wú do wùnkan lẹ tẹnmẹ,+ Podọ atin mitile tọn wẹ na wú do owùn adínọ lẹ tẹnmẹ. E nasọ hẹn yindidi wá* na Jehovah,+ Bo na yin ohia madopodo de he ma na busẹ gbede.”

Nudọnamẹ Odò Tọn

Kavi “akuẹ he mì jiya do mọ.”
Kavi “Alindọn mìtọn.”
Kavi “alindọn mìtọn.”
Kavi “dejido.”
Kavi “jonamẹ sọn ojlo mẹ wá.”
Kavi “he yin ojlo ṣie.”
Kavi “nasọ basi oyín de.”