Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Isaia 54:1-17

NUHE E BẸHẸN LẸ

  • Ziọni wẹnsinọ na ji visunnu susu (1-17)

    • Jehovah, asu Ziọni tọn (5)

    • E na plọn visunnu Ziọni tọn lẹ (13)

    • Adánwanu he sọta Ziọni lẹ na gboawupo (17)

54  “Yí ayajẹ do dawhá, hiẹ yọnnu wẹnsinọ he ma ko jivi!+ Jẹaglin bosọ yí ayajẹ do dawhá,+ hiẹ mẹhe ma ko mọ awufiẹsa vijiji tọn pọ́n,+ Na visunnu* mẹhe ko jẹvọ́ lọ tọn lẹ sù taun Hú visunnu yọnnu he tindo asu* lọ tọn lẹ,”+ wẹ Jehovah dọ.   “Hẹn gòhọ towe gblodeji dogọ.+ Dlẹnkanna avọ̀ gòhọtúntún gigonọ towe tọn lẹ. A whleawu blo, hẹn okàn gòhọ towe tọn lẹ dite dogọ, Bosọ hẹn opò tlọ́ntlọ́n gòhọ tọn towe lẹ lodo.+   Na hiẹ na hẹn ẹn gblodeji yì adusiwhé podọ yì amiyọnwhé. Kúnkan towe na dugu akọta lẹ tọn, Yé nasọ nọ nọ̀ tòdaho he ko jẹvọ́ lẹ mẹ.+   A dibu blo,+ na hiẹ ma na duwinyan;+ Podọ a dike winyan hù we blo, na a ma na yin hinhẹn jẹflumẹ. Na hiẹ na wọn winyan jọja whenu towe tọn, Podọ hiẹ ma nasọ flin winyandomẹ asuṣiọsi-yinyin towe tọn ba.”   “Na Mẹdatọ Daho+ towe wẹ taidi asu* na we,+ Jehovah awhànpa lẹ tọn wẹ e nọ yin, Podọ Omẹ Wiwe Islaeli tọn lọ wẹ yin Mẹflitọ towe.+ Ewọ na nọ yin yiylọdọ Jiwheyẹwhe aigba lẹpo tọn.+   Na Jehovah ko ylọ we taidi dọ asi he yè jodo bọ e tin to awubla mẹ* de wẹ hiẹ yin nkọ,+ Yèdọ taidi asi he yè wlealọ hẹ to jọja whenu bo wá gbẹkọ e go de,” wẹ Jiwheyẹwhe towe dọ.   “Yẹn jo we do na ojlẹ gli de, Ṣigba, yẹn na gbọn lẹblanu daho dali plan we lẹkọ.+   Na homẹgble daho wutu, yẹn whlá nukunmẹ ṣie do we na ojlẹ de,+ Ṣigba, yẹn na gbọn owanyi nugbo madopodo dali do lẹblanu hia we,”+ wẹ Mẹflitọ towe,+ Jehovah dọ.   “Ehe taidi azán Noa tọn lẹ na mi.+ Kẹdẹdile n’ko whlé dọ osin Noa zangbe tọn lẹ ma nasọ ṣinyọ́n aigba do,+ Mọ wẹ n’ko whlé dọ yẹn ma nasọ gblehomẹ do gowe kavi gbẹnuna we ba do niyẹn.+ 10  Na osó lẹ sọgan yin didesẹ sọn otẹn yetọn mẹ Bọ okọ́ta lẹ sọgan yin whinwhàn, Ṣigba, owanyi nugbo ṣie ma na yin didesẹ sọn dè we,+ Mọ alẹnu jijọho tọn ṣie ma na yin whinwhàn,”+ wẹ Jehovah, Mẹhe do lẹblanu hia we lọ dọ.+ 11  “Hiẹ yọnnu he yin yasana,+ bọ yujẹhọn hẹn dánpe bo masọ yin homẹmiọnna lọ E,+ Okọ́ yinyan he dẹ̀ wẹ yẹn yí do to zannu towe lẹ doai Bosọ yí zannu safili tọn lẹ do to dodonu towe hẹn lodo.+ 12  Yẹn na yí zannu lubi tọn lẹ do basi aga adó towe tọn lẹ, Bo na yí zannu he to sisẹ́* lẹ do basi họngbo towe lẹ, Podọ dogbó towe lẹpo nasọ yin zannu he họakuẹ lẹ. 13  Visunnu* towe lẹpo nasọ yin pinplọn gbọn Jehovah dali,+ Bọ jijọho visunnu* towe lẹ tọn nasọ gọfla.+ 14  Hiẹ na yin hinhẹn lodo gligli to dodowiwa mẹ.+ Kọgbidinamẹ na dẹn do we taun,+ Hiẹ ma na nọ dibuna nudepope, mọ nudepope ma na nọ dobuna we, Na e ma na sẹpọ we.+ 15  Eyin e wá jọ bọ mẹde yangbé towe, E ma na yin to gbedide ṣie glọ. Mẹdepope he yangbé towe na jai, na hiẹ tọn wutu.”+ 16  “Pọ́n! Yẹnlọsu wẹ dá anazọ́nwatọ, He nọ fú jẹhọn do miyọ́nkán he to jiji, Bọ azọ́n etọn do nọ de adánwanu de tọ́n. Yẹnlọsu wẹ sọ dá mẹvasudotọ lọ he nọ hẹn husudo wá.+ 17  Adánwanu depope he yin awuwlena sọta we ma na tindo kọdetọn dagbe,+ Hiẹ nasọ gblewhẹdo odẹ́ depope he fọ́n do ji we to whẹdida mẹ. Ogú de wẹ ehe yin na devizọnwatọ Jehovah tọn lẹ, Podọ dè e wẹ dodowiwa yetọn nọ wá sọn,” wẹ Jehovah dọ.+

Nudọnamẹ Odò Tọn

Kavi “ovi.”
Kavi “klunọ.”
Kavi “klunọ.”
To paa mẹ, “bọ e yin awugblena to gbigbọ mẹ.”
Kavi “zannu miyọ́nnọ.”
Kavi “Ovi.”
Kavi “ovi.”