Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Isaia 53:1-12

NUHE E BẸHẸN LẸ

  • Yajiji, okú gọna ṣiọdidi devizọnwatọ Jehovah tọn (1-12)

    • E yin vivlẹko bo yin didapana (3)

    • E bẹ awutu po awufiẹsa lẹ po hẹn (4)

    • ‘Kẹdẹdi lẹngbọ he wá hùhùtẹn’ (7)

    • Ewọ hẹn ylando mẹsusu tọn (12)

53  Mẹnu wẹ tindo yise to nuhe yin sisè sọn mí dè* mẹ?+ Podọ na nuhe dù awà Jehovah tọn,+ mẹnu wẹ e ko yin didehia?+   Ewọ na tọ́nkun di alà de+ to nukọn etọn,* taidi adọ̀ sọn aigba-klo mẹ. Ewọ ma tindo teninọ gigonọ de kavi whanpẹ daho depope;+ Podọ whenue mí mọ ẹn, awusọhia etọn ma dọ̀n mí dogo.*   E yin vivlẹko bọ gbẹtọ lẹ dapana ẹn,+ Dawe de wẹ e yin he dona jiya* bosọ jẹakọ hẹ awutu. E taidi dọ nukunmẹ etọn yin whiwhla do mí wẹ nkọ.* E yin vivlẹko bọ mí gbẹ́ ẹ dai.+   Na nugbo tọn, ewọ lọsu wẹ bẹ awutu mítọn lẹ yì,+ Bosọ bẹ awufiẹsa mítọn lẹ hẹn.+ Amọ́, mí pọ́n ẹn hlan di mẹhe Jiwheyẹwhe yí azọ̀nylankan do hò bo linú bosọ sayana.   Ṣigba, yè sọnú in+ na sẹ́nhẹngba mítọn wutu;+ Yè gídí i na nuṣiwa mítọn lẹ wutu.+ E yin yasana, na mí nido tindo jijọho,+ Podọ awugble etọn lẹ wutu wẹ míwlẹ do yin azọ̀nhẹngbọna.+   Taidi lẹngbọ lẹ, mímẹpo wẹ ko danbú,+ Mẹdopodopo ko lẹkọ do aliho etọn titi ji, Podọ Jehovah ko bẹ nuṣiwa mímẹpo tọn do ewọ ji.+   Ewọ yin kọgbidina+ bosọ jo ede do nado yin yasana,+ Ṣigba, e ma kẹnù. Ewọ yin hinhẹnwa hùhùtẹn taidi lẹngbọ de,+ Kẹdẹdi lẹngbọ asi de he to whii to fúnpatọ etọn lẹ nukọn, E masọ kẹnù.+   Ewọ yin zize sọyi, na kọgbidinamẹ po whẹdida mawadodo po wutu; Podọ mẹnu wẹ na tlẹ na ayidonugo zẹẹmẹ gigọ́ whẹndo* etọn tọn? Na ewọ yin sinsánsẹ sọn aigba mẹhe togbẹ̀ lẹ tọn ji;+ Yè linú in,* na sẹ́nhẹngba omẹ ṣie lẹ tọn wutu.+   Ṣiọditẹn de sọ yin nina ẹn* to pọmẹ hẹ mẹylankan lẹ,+ Podọ to pọmẹ hẹ adọkunnọ lẹ* to whenue e kú,+ Mahopọnna dọ e ma wà nuylankan* depope, Bọ oklọ depope ma tin to onù etọn mẹ.+ 10  Ṣigba, ojlo Jehovah tọn wẹ* dọ ewọ ni jiya, e sọ dike bọ ewọ jẹazọ̀n. Eyin hiẹ ze ogbẹ̀* etọn jo taidi avọ́nunina whẹhuhu tọn,+ Ewọ na mọ kúnkan* etọn bo nasọ nọgbẹ̀ dẹn,+ Podọ gbọn ewọ gblamẹ wẹ nuhe nọ hẹn homẹhun* Jehovah na tindo kọdetọn dagbe.+ 11  Ewọ na mọ bo na tindo pekọ, na awufiẹsa etọn* wutu. Gbọn oyọnẹn etọn dali, dodonọ lọ, yèdọ devizọnwatọ ṣie,+ Na hẹn mẹsusu nado tindo teninọ dodo tọn,+ Ewọ nasọ hẹn nuṣiwa yetọn lẹ.+ 12  Na whẹwhinwhẹ́n enẹ wutu, yẹn na yí mimá de na ẹn to mẹsusu ṣẹnṣẹn, Ewọ nasọ má ogblànnu hẹ huhlọnnọ lẹ, Na e ko ze ogbẹ̀* etọn jo, yèdọ kakajẹ okú+ Bo ko yin hihia dogọ sẹ́nhẹngbatọ lẹ;+ Ewọ hẹn ylando mẹsusu tọn,+ Bo vẹvẹ do ota sẹ́nhẹngbatọ lẹ tọn mẹ.+

Nudọnamẹ Odò Tọn

Kavi vlavo, “nuhe mí sè lẹ.”
“Etọn” sọgan dlẹnalọdo ayidonugotọ de to paa mẹ kavi Jiwheyẹwhe.
Kavi “e ma tindo awusọhia vonọtaun de bọ mí nado tindo ojlo to ewọ mẹ.”
Kavi “he mọnukunnujẹ yajiji mẹ.”
Kavi vlavo, “E taidi mẹde he ji gbẹtọ lẹ nọ lilẹ́ nukunmẹ yetọn sọn.”
Kavi “aliho gbẹzan.”
Kavi “linú in hù.”
Kavi “Mẹde nasọ na ṣiọditẹn etọn.”
To paa mẹ, “dawe adọkunnọ de.”
Kavi “danú.”
Kavi “homẹhunnu de wẹ na Jehovah.”
Kavi “alindọn.”
Kavi “okún.”
Kavi “nuhe yin ojlo; nuhe yin homẹvivi.”
Kavi “tukla alindọn etọn tọn.”
Kavi “alindọn.”