Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Isaia 52:1-15

NUHE E BẸHẸN LẸ

  • Fọ́n, hiẹ Ziọni E! (1-12)

    • Afọ mẹhe hẹn wẹndagbe ja lẹ tọn yọnwhanpẹ (7)

    • Nuhọ́tọ Ziọni tọn lẹ dawhá dopọ (8)

    • Mẹhe hẹn nuyizan Jehovah tọn lẹ dona yin wiwe (11)

  • Yè na ze devizọnwatọ Jehovah tọn daga (13-15)

    • Awusọhia he ylan (14)

52  Fọ́n! Fọ́n! Yí huhlọn ṣinyọ́n na dewe,+ hiẹ Ziọni E!+ Ze awù whanpẹnọ towe lẹ do,+ hiẹ tòdaho wiwe, Jelusalẹm E! Na mẹhe ma gboadà po mẹhe yin mawé po depope ma nasọ biọ hiẹ mẹ ba.+   Húnhún kọ́gudu sẹ̀, bo fọ́n sinai, Jelusalẹm E. Tún gẹdẹ he to okọ̀ na we lẹ sẹ̀, hiẹ viyọnnu Ziọni tọn he yin kanlinmọ E.+   Na nuhe Jehovah dọ die: “Vọnu wẹ hiẹ yin sisà,+ Hiẹ nasọ yin fifligọ matin akuẹ.”+   Na nuhe Oklunọ Nupojipetọ Jehovah dọ die: “To tintan whenu, omẹ ṣie lẹ yì Egipti nado nọ nọ̀ finẹ taidi jonọ lẹ;+ Ṣigba, Asilia gbidikọna yé matin whẹwhinwhẹ́n de.”   “Enẹwutu, etẹwẹ n’dona wà todin?” wẹ Jehovah dọ. “Na vọnu wẹ omẹ ṣie lẹ yin bibẹ. Mẹhe to gandu do yé ji lẹ nọ to awhá awhàngbigba tọn do,”+ wẹ Jehovah dọ, “Bọ oyín ṣie nọ yin yiyizan po mẹmasi po to whepoponu, yèdọ to azán lẹpo gbè.+   Na whẹwhinwhẹ́n enẹ wutu, omẹ ṣie lẹ na yọ́n oyín ṣie;+ Na whẹwhinwhẹ́n enẹ wutu, yé na yọnẹn to azán enẹ gbè dọ Yẹn wẹ to hodọ. Pọ́n, yẹnlọsu wẹ!”   Lehe afọ mẹhe hẹn wẹndagbe ja tọn lẹ yọnwhanpẹ to osó lẹ ji do sọ,+ Yèdọ mẹhe to jijọho lá,+ Mẹhe hẹn wẹndagbe nudagbe tọn ja, Mẹhe to whlẹngán lá, Mẹhe to didọna Ziọni dọmọ: “Jiwheyẹwhe towe ko lẹzun Ahọlu!”+   Dotoai! Nuhọ́tọ towe lẹ ze ogbè yetọn daga. Yé yí ayajẹ do dawhá to pọmẹ, Na whenue Jehovah na hẹn omẹ Ziọni tọn lẹ gọwá, yewlẹ na mọ ẹn hezeheze.*   Mì hùnhomẹ, mì yí ayajẹ do dawhá to pọmẹ, mì gbakija Jelusalẹm tọn lẹ emi,+ Na Jehovah ko miọnhomẹna omẹ etọn lẹ;+ ewọ ko fli Jelusalẹm gọ̀.+ 10  Jehovah ko do awà wiwe etọn hia akọta lẹpo;+ Opodo aigba tọn lẹpo wẹ na mọ azọ́n whlẹngán tọn* he Jiwheyẹwhe mítọn wà lẹ.+ 11  Mì lẹkọ, mì lẹkọ, mì tọ́n sọn finẹ,+ mì doalọ onú mawé depope go blo!+ Mì tọ́n sọn ṣẹnṣẹn etọn,+ mì hẹn mìde do wiweji, Mì mẹhe hẹn nuyizan Jehovah tọn lẹ.+ 12  Na mì ma na tọ́nyi po sijọsijọ po, Mọ mì ma na to dandannu glọ nado họnyi, Na Jehovah wẹ na jẹnukọnna mì,+ Podọ Jiwheyẹwhe Islaeli tọn wẹ nasọ yin hihọ́tọ mìtọn to godo.+ 13  Pọ́n! Devizọnwatọ ṣie+ na yinuwa po zinzin po. Ewọ na yin zizedaga pete, Ewọ na yin zize yiji bo na yin zize yiaga pete.+ 14  Kẹdẹdile mẹsusu bọnukundona ẹn po nupaṣamẹ po do —Na awusọhia etọn yin hinhẹn ylan hú mẹdevo depope tọn Bọ teninọ gigonọ etọn yin hinhẹn ylan hú gbẹtọvi tọn— 15  Mọ wẹ ewọ na lẹzun nupaṣamẹ na akọta susu do niyẹn.+ Ahọlu lẹ na bọnùdo* to nukọn etọn,+ Na yé na mọ nuhe ma ko yin didọna yé pọ́n Bo nasọ lẹnnupọndo nuhe yé ma ko sè pọ́n ji.+

Nudọnamẹ Odò Tọn

Kavi “nukun sọ nukun.”
Kavi “mọ awhàngbigba.”
Kavi “na lẹzun unbọpẹnnọ.”