Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Isaia 51:1-23

NUHE E BẸHẸN LẸ

  • Ziọni yin hinhẹngọwa di Edẹni (1-8)

  • Homẹmimiọn sọn Basitọ Ziọni tọn dè (9-16)

  • Kọfo homẹgble Jehovah tọn (17-23)

51  “Mì dotoaina mi, mì mẹhe to afọdona dodowiwa lẹ emi, Yèdọ mì mẹhe to Jehovah dín lẹ. Mì pọ́n osé he go mì yin pipà sọn lọ hlan Podọ osé-slo he mẹ mì yin kùnkùn sọn lọ.   Mì pọ́n Ablaham otọ́ mìtọn hlan Podọ Sala+ mẹhe ji mì.* Na mẹdopo gee wẹ ewọ to whenue n’ylọ ẹ,+ Yẹn sọ dona ẹn bo hẹn ẹn zun susu.+   Na Jehovah na miọnhomẹna Ziọni.+ E na hẹn homẹmiọnnamẹ wá na gbakija etọn lẹpo,+ Bo na hẹn danfafa etọn nado taidi Edẹni+ Podọ dankló etọn taidi jipa Jehovah tọn.+ Aglinjijẹ po ayajẹ po wẹ na tin to e mẹ, Gọna pẹdido po hàngbe vivi lẹ po.+   Mì tuntoai na mi, mì omẹ ṣie lẹ emi, Dotoaina mi, hiẹ akọta ṣie.+ Na osẹ́n de na tọ́njẹgbonu yì sọn dè e,+ Yẹn nasọ hẹn whẹdida dodo ṣie lodo taidi hinhọ́n de na gbẹtọ lẹ.+   Dodowiwa ṣie ko dọnsẹpọ.+ Whlẹngán ṣie na tọ́nyi,+ Awà ṣie lẹ nasọ dawhẹna gbẹtọ lẹ.+ Lopo lẹ na ze todido yetọn do yẹn mẹ,+ Bo na nọtepọn awà* ṣie.   Mì ze nukun mìtọn lẹ daga hlan olọn, Mì sọ pọ́n aigba ji to odò. Na olọn na gbàdo flinflin bo na busẹ di azọ̀; Podọ aigba na dohó di awù, Mẹhe nọ nọ̀ e ji lẹ nasọ nọ kú taidi jẹhli lẹ, Ṣigba, whlẹngán ṣie na yin kakadoi,+ Podọ dodowiwa ṣie ma na gboawupo* gbede.+   Mì dotoaina mi, mì mẹhe yọ́n dodowiwa lẹ, Yèdọ mẹhe tindo osẹ́n* ṣie to ahun yetọn mẹ lẹ.+ Mì dibuna mẹvlẹko gbẹtọ tata lẹ tọn blo, Podọ mì dike mẹzunzun yetọn lẹ dobuna mì blo.   Na okọ́ wẹ na dù yé kẹdẹdi awù de; Okọ́ he nọ dù avọ̀* wẹ na dù yé kẹdẹdi sekanfun.+ Ṣigba, dodowiwa ṣie na gbọṣi aimẹ kakadoi, Podọ whlẹngán ṣie sọn whẹndo de mẹ jẹ devo mẹ.”+   Fọ́n! Fọ́n! Yí huhlọn ṣinyọ́n na dewe, Hiẹ awà Jehovah tọn E!+ Fọ́n dile a ko nọ basi do to ojlẹ dindẹn die, yèdọ taidi to whẹndo he wayi lẹ mẹ. Be e ma yin hiẹ wẹ wẹ́n Lahabi*+ do flinflin, Bo sọnú nudazi hùmẹ tọn lọ luntọ́n ya?+ 10  Be e ma yin hiẹ wẹ hẹn ohù, yèdọ osin he siso tlala lẹ hú pete ya?+ Be e ma yin hiẹ wẹ hẹn hùzànmẹ zun aliho de, na mẹhe yin fifligọ lẹ nido gbọn e mẹ dasá ya?+ 11  Mẹhe Jehovah ko fligọ lẹ na lẹkọwa.+ Yé na wá Ziọni po awhágbe ayajẹ tọn de po,+ Podọ ayajẹ madoalọte wẹ na to ota na yé di jẹgbakun.*+ Aglinjijẹ po ayajẹ po wẹ na yin yetọn, Bọ awubla po azọ̀nwinwẹn po na nọla na yé.+ 12  “Yẹnlọsu wẹ to homẹmiọnna mì.+ Naegbọn mì nado to budina gbẹtọ tata he na kú+ Podọ gbẹtọvi he na yọ́ di ogbé-mú de? 13  Naegbọn hiẹ do wọn Basitọ towe, yèdọ Jehovah,+ Mẹhe dlẹn olọn lẹ jẹgbonu+ bo do dodonu aigba tọn ai? Azán lẹpo gbè wẹ hiẹ nọ to budi mapote na adi kọgbidinamẹtọ* lọ tọn, Taidi dọ ewọ sọgan hù we sudo wẹ nkọ. Fie wẹ adi kọgbidinamẹtọ lọ tọn te todin? 14  Mẹhe dẹ́ do odò to gẹdẹ lẹ mẹ na yin tuntundote to madẹnmẹ;+ E ma na kú bo biọ odò lọ mẹ gba, Mọ e ma na ba núdùdù etọn pò. 15  Ṣigba, yẹn wẹ Jehovah Jiwheyẹwhe towe, He nọ wlu ohù bo nọ hẹn agbówhẹn etọn lẹ fọ́n adán+ —Jehovah awhànpa lẹ tọn wẹ oyín ṣie.+ 16  Yẹn na ze ohó ṣie lẹ do onù towe mẹ, Bo na yí oyẹ̀ alọ ṣie tọn ṣinyọ́n ji we,+ Nado wleawuna olọn bo do dodonu aigba tọn ai+ Podọ nado dọna Ziọni dọ, ‘Omẹ ṣie wẹ hiẹ.’+ 17  Fọ́n! Fọ́n! Fọnṣite, Jelusalẹm E,+ Hiẹ he ko nù sọn kọfo homẹgble Jehovah tọn he tin to alọ etọn mẹ. Hiẹ ko nù sọn sinnù-gbán lọ mẹ; Hiẹ ko kọ̀n kọfo he nọ hẹnmẹ nado to sàmù lọ nù pete.+ 18  Depope to visunnu he ewọ ji lẹpo mẹ ma tin to finẹ nado deanana ẹn, Podọ depope to visunnu he ewọ plọn whẹ́n lẹ mẹ ma hẹn alọ go na ẹn. 19  Onú awe ehelẹ ko jọ do gowe. Mẹnu wẹ na vẹawu we? Vasudo po gbakija po, huvẹ po ohí po!+ Mẹnu wẹ na miọnhomẹna we?+ 20  Visunnu towe lẹ ko dakú.+ Yé mlọnai to aliklan tòhomẹ-liho* lẹpo tọn ji Taidi lẹngbọ gbémẹ tọn he jẹ odọ̀ mẹ. Homẹgble Jehovah tọn, yèdọ nugbẹnamẹ Jiwheyẹwhe towe tọn wẹ yé ko nù gọ́ho.” 21  Enẹwutu, jaale dotoaina ehe, Hiẹ yọnnu he yè sayana bọ a ko sọ nùahànmú, ṣigba e ma yin ovẹn wẹ a nù. 22  Nuhe Oklunọ towe Jehovah, yèdọ Jiwheyẹwhe towe he nọ yiavùnlọna omẹ etọn lẹ dọ die: “Pọ́n! Yẹn na yí kọfo he nọ hẹnmẹ nado to sàmù lọ sọn alọ towe mẹ,+ Yèdọ sinnù-gbán lọ, kọfo homẹgble ṣie tọn; Hiẹ ma nasọ nù sọn e mẹ gbede ba.+ 23  Yẹn na ze e do alọmẹ na mẹhe to nukunbiana we lẹ,+ Yé mẹhe dọna we* dọ, ‘Dẹ́ do odò, na mí nido zinzọnlin gbọn ji we!’ Bọ hiẹ do tẹ́ nẹgbé towe dai taidi kọmẹ, Yèdọ taidi tòhomẹ-liho de, na yé nido nọ zinzọnlin gbọn e ji.”

Nudọnamẹ Odò Tọn

Kavi “he hẹn mì jẹgbonu to awufiẹsa ajipanu tọn mẹ.”
Kavi “huhlọn.”
Kavi “ma na yin gbigbà hányán.”
Kavi “anademẹ.”
Kavi vlavo, “Owé.”
Pọ́n Zẹm.
To paa mẹ, “wẹ na to ota na yé.”
Kavi “na mẹhe to finfinyọ́n we.”
To paa mẹ, “to alihota.”
Kavi “alindọn towe.”