Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Isaia 47:1-15

NUHE E BẸHẸN LẸ

  • Aijijẹ Babilọni tọn (1-15)

    • Yè dedona sunwhlẹvu-pọntọ lẹ (13-15)

47  Jẹte bo sinai to kọ́gudu mẹ, Hiẹ viyọnnu alọji Babilọni tọn E.+ Sinai do kọmẹ fie ofìn de ma tin te,+ Hiẹ viyọnnu Kaldeanu lẹ tọn E, Na gbẹtọ lẹ ma nasọ ylọ we dọ mẹjọmẹ podọ gbẹdutọ gbede ba.   Ze osé bo lì linfin. De nukunmẹṣinyọnnu towe sẹ̀. De awù towe bo hùnnú sọn afọ towe lẹ go. Dasá tọ̀sisa lẹ.   Omẹ́ towe na yin hunhundonuvo. Winyan towe na jẹ gbangba. Yẹn na yiahọsu+ bọ mẹdepope ma na nọte to nukọn ṣie.*   “Mẹhe to mí fligọ lọ —Jehovah awhànpa lẹ tọn wẹ e nọ yin— Ewọ wẹ Omẹ Wiwe Islaeli tọn.”+   Sinai do finẹ whii bo biọ zinvlu mẹ, Hiẹ viyọnnu Kaldeanu lẹ tọn E;+ Hiẹ ma na nọ yin yiylọdọ Klunọ-Yọnnu* Ahọluduta lẹ tọn ba.+   Yẹn gblehomẹ do omẹ ṣie lẹ go.+ N’hẹn ogú ṣie flu,+ N’sọ jo yé do alọ towe mẹ.+ Ṣigba, hiẹ ma do lẹblanu depope hia yé.+ Hiẹ tlẹ ze zẹgẹ pinpẹn de do yọnhonọ lẹ ji.+   Hiẹ dọmọ: “Yẹn na to Klunọ-Yọnnu* de yin kakadoi.”+ Hiẹ ma hẹn onú ehelẹ do ahun mẹ; A ma lẹnnupọndo kọdetọn etọn ji.   Sè ehe todin, hiẹ wanyina gbẹdudu tọ́ E,+ He sinai to hihọ́ mẹ, bo nọ dọ to ahun mẹ dọmọ: “Yẹn dopo wẹ tin, mẹdevo de masọ tin.+ Yẹn ma na lẹzun asuṣiọsi de. Yẹn ma na hẹn ovi ṣie lẹ bu to okú mẹ gbede.”+   Ṣigba, onú awe ehelẹ na jọ do gowe to ajiji mẹ, yèdọ to azán dopo gblamẹ:+ Hiẹ na hẹn ovi towe lẹ bu bo nasọ lẹzun asuṣiọsi. Ehelẹ na jọ do gowe to gigọ́ mẹ,+ Na* owọ́n susugege towe lẹ po bojijlẹ sinsinyẹn towe lẹpo po wutu.+ 10  Hiẹ dejido kanyinylan towe go. A dọmọ: “Mẹde ma to mimọ mi.” Nuyọnẹn po oyọnẹn towe po wẹ hẹn we buali, Bọ hiẹ do dọ to ahun towe mẹ dọ: “Yẹn dopo wẹ tin, mẹdevo de masọ tin.” 11  Ṣigba, nugbajẹmẹji na wá ji we, Bọ depope to bojijlẹ towe lẹ mẹ ma na hẹnalọdotena ẹn.* Nuylankan na jọ do gowe; hiẹ ma na penugo nado glọnalina ẹn. Dindọn ajiji na wá ji we to aliho he a ma ko mọ pọ́n de mẹ.+ 12  Enẹwutu, zindonukọn to bojijlẹ towe lẹ mẹ podọ to owọ́n susugege towe lẹ mẹ,+ Dile hiẹ ko nọ basi sọn jọja whenu do. Vlavo hiẹ na penugo nado hẹn ale wá na dewe; Vlavo hiẹ sọgan dobuna gbẹtọ lẹ. 13  Agbọ́ ayinamẹtọ susugege towe lẹ tọn ko pé we. Gbọ yewlẹ ni fọnṣite todin bo whlẹn we, Yèdọ yé mẹhe nọ sẹ̀n olọn* bo nọ pọ́n sunwhlẹvu lẹ,+ Yé mẹhe nọ namẹ oyọnẹn to osun yọyọ lẹ whenu Gando nuhe na wá jọ do gowe lẹ go. 14  Pọ́n! Yé taidi getin. Miyọ́n wẹ na fiọ yé gbidigbidi. Yé ma sọgan whlẹn yedelẹ* sọn huhlọn miyọ́n he to jiji tọn si. Ehelẹ ma yin miyọ́nkán he kọ̀n yè sọgan hú miyọ́n te, Podọ miyọ́n ehe ma yin dehe yè sọgan sinai pannukọn gba. 15  Mọ wẹ bojlẹtọ towe lẹ na wá taidi na we, Yèdọ mẹhe hiẹ ko wazọ́n hẹ sọn jọja whenu towe lẹ. Yé na sàlele, yèdọ dopodopo yetọn yì fie jlo e.* Mẹdepope ma na tin he na whlẹn we.+

Nudọnamẹ Odò Tọn

Kavi vlavo, “bọ yẹn ma na yí homẹdagbe do pé mẹdepope.”
Kavi “Ahọsi.”
Kavi “Ahọsi.”
Kavi vlavo, “Mahopọnna.”
Kavi “Bọ hiẹ ma na yọ́n lehe a na yí bojijlẹ do de e sẹ̀ do.”
Kavi vlavo, “yé mẹhe nọ má olọn; sunwhlẹvu-pọntọ lẹ.”
Kavi “alindọn yede tọn.”
To paa mẹ, “yì lẹdo etọn titi mẹ.”