Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Isaia 46:1-13

NUHE E BẸHẸN LẸ

  • Boṣiọ Babilọni tọn lẹ po Jiwheyẹwhe Islaeli tọn po (1-13)

    • Jehovah nọ dọ dọdai sọgodo tọn (10)

    • Ohẹ̀ nuwledutọ sọn whèzẹtẹn (11)

46  Bẹli dẹ́ yìdo,+ bọ Nebo fẹ̀ yìdo. Kanlin lẹ ji wẹ agbàn boṣiọ yetọn lẹ tọn yin dido do, yèdọ kanlin he nọ hẹn agbàn lẹ ji,+ Taidi agbàn pinpẹn de to kanlin he agbọ́ ko pé lẹ ji.   Yé fẹ̀ bo dẹ́ yìdo dopọ; Yé ma sọgan basi hihọ́na agbàn* lọ lẹ, Yelọsu lẹ* sọ yì kanlinmọgbenu.   “Dotoaina mi, hiẹ owhé Jakọbu tọn E, podọ mì mẹhe pò to whédo Islaeli tọn mẹ lẹpo emi,+ Yèdọ mì mẹhe yẹn ko gọalọna sọn jiji whenu gbọ́n bo ko hẹn sọn adọ̀mẹ lẹ.+   Kaka mìwlẹ nado poyọnho, yẹn ma na diọ;+ Kaka oda mìtọn nado lẹzun owhà, yẹn na to mì hẹn zọnmii. Dile n’ko nọ basi do, yẹn na nọ ze mì bo na nọ hẹn mì bo nasọ nọ whlẹn mì.+   Mẹnu go wẹ mìwlẹ na yí mi jlẹdo kavi hẹn mi sọzẹn hẹ kavi hẹn mi sọgbe hẹ,+ Bọ mí nado taidi mídelẹ?+   Mẹdelẹ tin he nọ bẹ sika susugege jẹgbonu sọn sẹgẹ yetọn mẹ; Yé nọ jlẹ fataka to nujlẹgàn ji. Yé nọ dà ayáwatọ, bọ ewọ nọ yí i do basi yẹwhe de.+ Enẹgodo, yé nọ dẹ́ do odò na ẹn, mọwẹ, yé nọ jẹ sinsẹ̀n ẹn ji.+   Yé nọ ze e do abọ́ ji;+ Yé nọ hẹn ẹn bo nọ ze e do otẹn etọn mẹ, bọ e nọ to ote to finẹ poun. E ma nọ sẹtẹn sọn otẹn etọn mẹ.+ Yé nọ dawhá hlan ẹn, ṣigba e ma nọ kẹnù; E ma sọgan whlẹn mẹdepope sọn ayimajai mẹ.+   Mì flin ehe bo gboadọ. Mì hẹn ẹn do ahun mẹ, mì sẹ́nhẹngbatọ lẹ emi.   Mì flin onú hoho* tọn he ko wayi lẹ, Dọ yẹn wẹ Jiwheyẹwhe, podọ devo de ma tin. Yẹn wẹ Jiwheyẹwhe, podọ mẹdevo de ma tin taidi yẹn.+ 10  Yẹn ko nọ dọ kọdetọn lọ sọn bẹjẹeji, Bosọ nọ dọ nuhe ma ko yin wiwà lẹ sọn whenu dindẹn jẹnukọn.+ Yẹn dọmọ, ‘Nudide* ṣie wẹ na nọte,+ Yẹn nasọ wà nudepope he jlo mi.’+ 11  Yẹn na ylọ ohẹ̀ nuwledutọ de sọn whèzẹtẹn-waji,+ Yèdọ mẹhe na hẹn nudide* ṣie di sọn otò dindẹn de mẹ.+ Yẹn ko dọho, yẹn nasọ hẹn ẹn di. Yẹn ko lẹn ẹn dai, yẹn nasọ wà ẹ domọ.+ 12  Mì dotoaina mi, mì mẹhe ahun mìtọn sinyẹn* lẹ, Yèdọ mì mẹhe dẹn taun do dodowiwa lẹ. 13  Yẹn ko hẹn dodowiwa ṣie sẹpọ; E ma dẹn do mì, Podọ whlẹngán ṣie ma na dọngbàn.+ Yẹn na whlẹn Ziọni gán, bo na do whanpẹ daho ṣie hia Islaeli.”+

Nudọnamẹ Odò Tọn

Enẹ wẹ, boṣiọ he agbàn etọn yin dido do kanlin lọ lẹ ji lẹ.
Kavi “Alindọn yetọn.”
To paa mẹ, “tintan.”
Kavi “Lẹndai; Ayinamẹ.”
Kavi “lẹndai; ayinamẹ.”
To paa mẹ, “dohuhlọn.”