Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Isaia 40:1-31

NUHE E BẸHẸN LẸ

  • Homẹmimiọn na omẹ Jiwheyẹwhe tọn lẹ (1-11)

    • Mẹde to awhádo to danfafa ji (3-5)

  • Kiklo-yinyin Jiwheyẹwhe tọn (12-31)

    • Akọta lẹ di kùnkùn osin tọn dopo (15)

    • “Loboto aigba tọn” (22)

    • E nọ ylọ oyín sunwhlẹvu lẹpo tọn (26)

    • Agbọ́ ma nọ pé Jiwheyẹwhe (28)

    • Todido nọ namẹ huhlọn (29-31)

40  “Mì miọnhomẹna omẹ ṣie lẹ, mì miọnhomẹna yé,” wẹ Jiwheyẹwhe mìtọn dọ.+   “Mì dọho homẹmiọnnamẹ tọn na Jelusalẹm, Bo lá na ẹn dọ devizọnwiwa gánnugánnu etọn ko wá vivọnu, Dọ whẹhuhu etọn ko yin ahọsuna.+ E ko mọ ahọsumẹ gigọ́ de yí* sọn Jehovah dè na ylando etọn lẹpo.”+   Mẹde to awhádo jẹgbonu to danfafa ji dọ: “Mì jla* aliho Jehovah tọn lọ do!+ Mì de alihogbó jijlọ de+ gbọn danfafa ji na Jiwheyẹwhe mítọn.+   Gbọ agbàdo lẹpo ni yin zizedaga, Podọ osó po okọ́ta lẹpo po ni yin zínzín do odò. Aigba he ma jlọ lẹ dona lẹzun jijlọ, Podọ aigba kanṣankanṣan lẹ dona lẹzun dankló he to flala de.+   Gigo Jehovah tọn na yin didehia,+ Bọ agbasalan* lẹpo wẹ na mọ ẹn,+ Na onù Jehovah tọn wẹ dọ ẹ.”   Dotoai! Mẹde to didọmọ: “Dawhá jẹgbonu!” Mẹdevo sọ kanse dọmọ: “Awhá etẹ tọn wẹ yẹn na do jẹgbonu?” “Agbasalan* lẹpo wẹ taidi ogbé-mú. Owanyi nugbo yetọn lẹpo wẹ taidi osẹ́ danji tọn lẹ.+   Ogbé-mú lẹ ko hú, Bọ osẹ́ lẹ ko yọ́,+ Na Jehovah ko gbọ gbọfufu* etọn do yé.+ Na nugbo tọn, gbẹtọ lẹ taidi ogbé-mú tata lẹ.   Ogbé-mú lẹ nọ hú, Bọ osẹ́ lẹ nọ yọ́, Ṣigba, ohó Jiwheyẹwhe mítọn tọn na gbọṣi aimẹ kakadoi.”+   Hẹji yì osó he yiaga de ji, Hiẹ yọnnu he hẹn wẹndagbe ja na Ziọni.+ Yí huhlọn do ze ogbè towe daga, Hiẹ yọnnu he hẹn wẹndagbe ja na Jelusalẹm. Ze e daga, a dibu blo. Lá na tòdaho Juda tọn lẹ dọ: “Jiwheyẹwhe mìtọn die.”+ 10  Pọ́n! Oklunọ Nupojipetọ Jehovah na wá to huhlọn mẹ, Awà etọn nasọ to gandu.+ Pọ́n! Ale etọn tin to e si, Ahọsumẹ etọn sọ tin to nukọn etọn.+ 11  Ewọ na penukundo* lẹngbọpa etọn go di lẹngbọhọtọ de.+ E na yí awà etọn do bẹ lẹngbọvu etọn lẹ pli dopọ, Bo na bẹ yé do akọ́n etọn nù. E na wà dẹẹdẹ do deanana dehe tindo ovi to anọ́nù lẹ.+ 12  Mẹnu wẹ ko jlẹ osin lẹ to alọgogo etọn mẹ+ Bo ko yí alọpapa* etọn do jlẹ olọn? Mẹnu wẹ ko bẹ kọ́gudu aigba tọn lẹ pli do nujlẹnu de mẹ+ Kavi jlẹ zínpinpẹn osó lẹ tọn to ojlẹnu lẹ mẹ Bo ko sọ jlẹ okọ́ta lẹ to nujlẹgàn lẹ ji? 13  Mẹnu wẹ ko yí ojlẹnu lẹ do jlẹ* gbigbọ Jehovah tọn, Podọ mẹnu wẹ sọgan na ẹn anademẹ taidi ayinamẹtọ etọn?+ 14  Mẹnu wẹ ewọ nọ dewé hẹ nado yọnnuin, Kavi mẹnu wẹ nọ plọn ẹn ali whẹdida dodo tọn, Kavi plọn ẹn oyọnẹn, Kavi do aliho nukunnumọjẹnumẹ nugbo tọn hia ẹ?+ 15  Pọ́n! Akọta lẹ taidi kùnkùn osin tọn dopo sọn sindànu de mẹ, Bo nọ yin pinpọnhlan di afínfín vude to nujlẹgàn lẹ ji.+ Pọ́n! E nọ ze lopo lẹ daga taidi afínfín vude poun. 16  Atin Lẹbanọni tọn lẹ lọsu ma tlẹ pé nado hẹn miyọ́n de nado to jiji,* Podọ gbekanlin etọn lẹ ma pé na avọ́nunina mimẹ̀. 17  Akọta lẹpo wẹ taidi nuhe ma tin de to nukọn etọn;+ E nọ pọ́n yé hlan taidi onú tata, yèdọ taidi onú ovọ́ de.+ 18  Mẹnu go wẹ mì sọgan yí Jiwheyẹwhe jlẹdo?+ Etẹwẹ mì sọgan yí jlẹ do ewọ go?+ 19  Anazọ́nwatọ pà boṣiọ* de, Gànkọ̀ntọ yí sika và do e go,+ Ewọ sọ tùn gẹdẹ sika tọn lẹ. 20  E de atin de na nunina etọn,+ Yèdọ atin de he ma na yọ̀n. E dín anazọ́nwatọ azọ́nyọnẹntọ de mọ Nado wleawuna boṣiọ pipà he na lodo de.+ 21  Be mìwlẹ ma yọnẹn wẹ ya? Be mì ma ko sè wẹ? Be e ma ko yin didọna mì sọn bẹjẹeji wẹ ya? Be mì ma ko mọnukunnujẹemẹ sọn whenue dodonu aigba tọn ko yin didoai gbọ́n wẹ ya?+ 22  Mẹde tin he nọ nọ̀ loboto* aigba tọn ji aga,+ Bọ mẹhe nọ nọ̀ aigba lọ ji lẹ taidi obọ̀ lẹ. Ewọ to olọn lẹ dlẹn taidi alavọ dagbedagbe flẹ́flẹ́ de, Bosọ tẹ́ yé taidi gòhọ de nado nọ nọ̀ e mẹ.+ 23  E nọ hẹn ahọluzọnwatọ nukundeji lẹ zun omẹ tata Bosọ nọ hẹn whẹdatọ* aigba ji tọn lẹ zun ovọ́. 24  Yé ma ko nọ yin dido pó, Yè ma tlẹ ko nọ do yé pó, Mọ atin lọ lẹ ma tlẹ ko nọ doadọ̀do pó, Whẹpo jẹhọn do nọ yìn do yé bọ yé nọ yọ́, Bọ jẹhọn nọ fú yé sọyi taidi zinkán.+ 25  “Mẹnu go wẹ mìwlẹ sọgan yí mi jlẹdo nado hẹn mi sọzẹn hẹ ẹ?” wẹ Omẹ Wiwe lọ dọ. 26  “Mì ze nukun mìtọn lẹ daga hlan olọn bo pọ́n. Mẹnu wẹ dá onú ehelẹ?+ Mẹhe nọ hẹn awhànpa yetọn jẹgbonu wá to sọha mẹ lọ wẹ;+ E nọ yí oyín yetọn do ylọ dopodopo yetọn. Na huhlọn daho he gbloada etọn po huhlọn jiawu etọn po wutu,+ Dopo tata to yé mẹ ma nọ whè. 27  Jakọbu E, naegbọn hiẹ do dọ, podọ Islaeli E, naegbọn hiẹ do lá dọ, ‘Aliho ṣie yin whiwhla do Jehovah, Bọ yẹn ma na mọ whẹdida dodo yí sọn Jiwheyẹwhe dè’?+ 28  Be hiẹ ma yọnẹn wẹ? Be a ma ko sè wẹ ya? Jehovah, yèdọ Didatọ opodo aigba tọn lẹ, wẹ Jiwheyẹwhe kakadoi.+ Agbọ́ ma nọ pé e, mọ onú ma nọ ṣikọna ẹn.+ Dinmamọdona wẹ yin nukunnumọjẹnumẹ etọn.+ 29  Ewọ nọ na huhlọn mẹhe nuṣikọna Bo nọ na nugopipe mẹhe ma tindo huhlọn* lẹ.+ 30  Agbọ́ na pé yọpọ sunnu lẹ bọ onú na ṣikọna yé, Podọ jọja sunnu lẹ na dahli bo jai, 31  Ṣigba, mẹhe ze todido yetọn do Jehovah mẹ lẹ na vọ́ huhlọn mọyi. Yé na yí awà lẹ do zlọn taidi akùn lẹ.+ Yé na họ̀nwezun bọ onú ma na ṣikọna yé; Yé na zinzọnlin bọ agbọ́ ma na pé yé.”+

Nudọnamẹ Odò Tọn

Kavi “ko mọyi do awe ji.”
Kavi “wleawuna.”
Kavi “gbẹtọvi.”
Kavi “Gbẹtọvi.”
Kavi “gbigbọ.”
Kavi “na yìn.”
Tedidi he sọn vivọnu alọsu tọn jẹ alọvi pẹvi lọ kọ̀n to whenue alọpahomẹ yin kikẹ̀. Pọ́n Nud. B14.
Kavi vlavo, “ko mọnukunnujẹ.”
Kavi “ma sọgan na nake he na pé.”
Kavi “boṣiọ kinkọ̀n.”
Kavi “globu.”
Kavi “gandutọ.”
Kavi “huhlọn daho.”