Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Isaia 4:1-6

NUHE E BẸHẸN LẸ

  • Yọnnu 7 na sunnu dopo (1)

  • Nuhe Jehovah hẹn tọ́nkun na yin gigonọ (2-6)

4  Yọnnu ṣinawe nasọ tẹdo sunnu dopo go to azán enẹ gbè+ bo dọmọ: “Mílọsu na nọ na núdùdù míde Bo na nọ tọ̀ avọ̀ dokọna míde; Saa dike mí ni nọ yin yiylọ gbọn yinkọ towe dali poun Nado de winyan* mítọn sẹ̀.”+  To azán enẹ gbè, nuhe Jehovah na hẹn tọ́nkun na yọnwhanpẹ bo tindo gigo, podọ sinsẹ́n aigba lọ tọn wẹ na yin gigo po yẹyi po na omẹ Islaeli tọn he luntọ́n lẹ.+  Mẹdepope he pò to Ziọni bo yin jijodai to Jelusalẹm na nọ yin yiylọdọ wiwe, yèdọ omẹ Jelusalẹm tọn he yinkọ yetọn ko yin kinkandai nado nọgbẹ̀ lẹpo.+  To whenue Jehovah na ko klọ́ dihó* viyọnnu Ziọni tọn+ lẹ tọn sẹ̀ bo na ko klọ́ hùnsọndai Jelusalẹm tọn sẹ̀ sọn ṣẹnṣẹn etọn gbọn huhlọn whẹdida tọn dali podọ gbọn huhlọn miyọ́n tọn dali,+  Jehovah nasọ basi aslọ po azọ̀ de po to okle gọna miyọ́n he to jiji bo to sisẹ́ de to zánmẹ+ do lẹdo Osó Ziọni tọn pete ji podọ do nọtẹn plidopọ etọn lẹ tọn ji; na bẹtẹn de na tin to aigba gigonọ lọ pete ji.  Gòhọ de nasọ tin to finẹ nado nọ na yẹtẹn sọn yozò nù to okle,+ podọ nado nọ wleawuna fibẹtado po hihọ́tẹn de po sọn yujẹhọn po jikun po si.+

Nudọnamẹ Odò Tọn

Enẹ wẹ, winyan lọ nado yin mẹhe ma mọ asu dà bo masọ jivi.
To paa mẹ, “omí.”