Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Isaia 39:1-8

NUHE E BẸHẸN LẸ

  • Wẹnsagun lẹ sọn Babilọni (1-8)

39  To ojlẹ enẹ mẹ, ahọlu Babilọni tọn, Mẹlodaki-baladani he yin visunnu Baladani tọn, do wekanhlanmẹ lẹ po nunina po hlan Hẹzekia,+ na e sè dọ e jẹazọ̀n bo ko jẹgangan wutu.+  Hẹzekia yí yé po ayajẹ po* bo do ohọ̀ adọkunnu tọn etọn+ hia yé—yèdọ fataka, sika, amì balsami* tọn po amì họakuẹ devo lẹ po, gọna awhànfunnu bẹdotẹn etọn pete po nuhe tin to adọkunnu sẹdotẹn etọn mẹ lẹpo po. Nudepope ma pò he Hẹzekia ma dohia yé to owhé* etọn titi gbè podọ to fidugando etọn lẹpo.  Enẹgodo, Isaia yẹwhegán lọ wá Ahọlu Hẹzekia dè bo kanse e dọmọ: “Etẹwẹ sunnu ehelẹ dọ podọ fie wẹ yé wá sọn?” Hẹzekia sọ dọmọ: “Aigba dindẹn de ji wẹ yé wá sọn, yèdọ sọn Babilọni.”+  Whenẹnu, e kanse dọmọ: “Etẹlẹ wẹ yé mọ to owhé* towe gbè?” Hẹzekia sọ gblọn dọmọ: “Nuhe to owhé* ṣie gbè lẹpo wẹ yé mọ. Nudepope ma pò he n’ma dohia yé to nuhe to adọkunnu sẹdotẹn ṣie lẹ mẹ.”  Todin, Isaia dọna Hẹzekia dọmọ: “Sè nuhe Jehovah awhànpa lẹ tọn dọ,  ‘Pọ́n! Azán lẹ ja bọ nuhe tin to owhé* towe gbè lẹpo gọna nuhe tọgbo towe lẹ ko bẹpli kakajẹ egbehe lẹpo na yin bibẹ yì Babilọni. Nudepope ma na pò,’+ wẹ Jehovah dọ.+  ‘Podọ delẹ to visunnu towe titi he hiẹ na wá ji lẹ mẹ na yin bibẹ sọyi bọ yé na lẹzun ahọluzọnwatọ lẹ to họ̀nmẹ ahọlu Babilọni tọn.’”+  To whenẹnu, Hẹzekia dọna Isaia dọmọ: “Ohó Jehovah tọn he a dọ lọ sọgbe.” Enẹgodo, e yidogọ dọmọ: “Na jijọho po hihọ́* po na tin to gbẹwhenu ṣie.”*+

Nudọnamẹ Odò Tọn

To paa mẹ, “jaya do yé ji.”
Pọ́n Zẹm.
Kavi “họ̀nmẹ.”
Kavi “họ̀nmẹ.”
Kavi “họ̀nmẹ.”
Kavi “họ̀nmẹ.”
Kavi “nugbo.”
To paa mẹ, “to azán ṣie lẹ gbè.”