Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Isaia 30:1-33

NUHE E BẸHẸN LẸ

  • Ovọ́ pete wẹ alọgọ Egipti tọn (1-7)

  • Gbẹtọ lẹ gbẹ́ dọdai lọ (8-14)

  • Jidide nọ namẹ huhlọn (15-17)

  • Jehovah nọ do nukundagbe hia omẹ etọn lẹ (18-26)

    • Jehovah, Nuplọnmẹtọ Daho lọ (20)

    • “Aliho lọ die” (21)

  • Jehovah na dawhẹna Asilia (27-33)

30  “Dindọn wẹ na visunnu tasinyẹntọ lẹ,”+ wẹ Jehovah dọ, “Yé mẹhe nọ yinuwa sọgbe hẹ tito he ma wá sọn dè e lẹ,+ Yèdọ yé mẹhe nọ wleawuna gbekọndopọ lẹ,* ṣigba bọ e ma nọ yin gbọn gbigbọ ṣie dali, Na yé nido hẹn ylando yetọn sudeji.   Yé jẹte yì Egipti+ bo ma dindona sọn dè e* whẹ́,+ Nado yì dín bẹtẹn to hihọ́tẹn Falo tọn glọ* Podọ nado yì dín fibẹtado to oyẹ̀ Egipti tọn glọ!   Ṣigba, hihọ́tẹn Falo tọn na wá lẹzun winyannu de na mì, Podọ fibẹtado to oyẹ̀ Egipti tọn glọ na lẹzun nuhe na hẹn winyan wá.+   Na Zoani wẹ ahọvi etọn lẹ te,+ Podọ dẹ́mẹnu etọn lẹ ko yì jẹ Hanẹsi.   Yemẹpo wẹ na yin winyando Gbọn akọta he ma sọgan hẹn ale depope wá na yé dali, Yèdọ akọta he ma gọalọna yé bo masọ hẹn ale de wá na yé, Adavo winyan po vlẹko po kẹdẹ.”+  Whẹdida de sọta gbekanlin hùwaji tọn lẹ: Gbọn aigba he gọ́ na ayimajai po awusinyẹn po lọ ji, Fie gọ́ na kinnikinni, yèdọ kinnikinni he to lìlì, Fie gọ́ na amàpoe po odàn miyọ́nnọ he nọ zlọn* po, Finẹ wẹ yé bẹ adọkunnu yetọn lẹ gbọn to kẹtẹkẹtẹ lẹ ji Gọna nunina yetọn lẹ to kanklosọ́ lẹ ji. Ṣigba, onú ehelẹ ma na hẹn ale de wá na gbẹtọ lẹ.   Na ovọ́ petepete wẹ alọgọ Egipti tọn.+ Enẹwutu wẹ n’ko ylọ ẹ dọ: “Lahabi,+ mẹhe sinai whii.”   “Yì todin, bo kàn ẹn do wekan-whlẹ de ji to nukun yetọn mẹ, Bosọ kàn ẹn do owe de mẹ,+ Na e nido sọgan tin-to-aimẹ na sọgodo Yèdọ taidi kunnudenu tẹgbẹ tọn de.+   Na akọta atẹṣitọ de,+ yèdọ visunnu mẹklọtọ lẹ wẹ yé yin,+ Visunnu he ma jlo nado sè osẹ́n* Jehovah tọn lẹ.+ 10  Yé nọ dọna mẹhe nọ mọnú lẹ dọ, ‘Mì mọnú ba blo,’ Podọ na numọtọ lẹ dọ, ‘Mì dọ numimọ he yin nugbo lẹ na mí ba blo.+ Nuhe yin lalo* lẹ wẹ mì ni nọ dọna mí; numimọ oklọ tọn lẹ wẹ mì ni nọ mọ.+ 11  Mì lẹ́ jẹ apadopo sọn aliji; mì zẹ̀ sọn aliji. Mì sọ ze Omẹ Wiwe Islaeli tọn lọ donukọnna mí ba blo.’”+ 12  Enẹwutu, nuhe Omẹ Wiwe Islaeli tọn lọ dọ die: “Na mìwlẹ ko gbẹ́ ohó ehe dai+ Bọ mì ko sọ dejido lalo po oklọ po go Bo ko sọ ganjẹ onú ehelẹ go wutu,+ 13  Enẹwutu, nuṣiwa ehe wẹ na tin na mì taidi adó zizẹ de, Yèdọ adó yiaga de he ko dẹ́ pete bo ko dibla họ́. E na họ́ to ajiji mẹ, to nukunwhiwhe dopo mẹ. 14  E na yin gbigbà di ozẹ́n zẹ́ndotọ tọn daho de, E na yin gbigbà hányán sọmọ bọ zẹ́nkla etọn depope ma na pò Nado nọ de miyọ́n sọn adò mẹ Kavi nado nọ whá osin sọn osindò de mẹ.” 15  Na nuhe Oklunọ Nupojipetọ Jehovah, Omẹ Wiwe Islaeli tọn lọ dọ die: “Gbọn kọlilẹwa dè e bo gbọjẹ dali wẹ mìwlẹ na yin whinwhlẹngán; Huhlọn mìtọn na tin to abọẹninọ po jidide mlẹnmlẹn po mẹ.”+ Ṣigba, mìwlẹ ma jlo.+ 16  Kakatimọ, mìwlẹ dọmọ: “Lala, mí na họnyi to osọ́ lẹ ji!” Enẹwutu, họ̀n ján mì na họnyi. “Podọ osọ́ awuyatọ lẹ ji wẹ mí na hẹ!”+ Enẹwutu, mẹhe to mọdona mì lẹ na yin awuyatọ.+ 17  Omẹ fọtọ́n na nọ dibuna budonamẹ mẹdopo tọn;+ Mìwlẹ na nọ họnyi na budonamẹ omẹ atọ́n tọn wutu Kakajẹ whenue mẹhe pò to mì mẹ lẹ na taidi opò he go yè nọ kẹ́ alà do de to osó de ji aga, Yèdọ taidi opò ohia tọn de to okọ́ta de ji.+ 18  Ṣigba, Jehovah yí homẹfa do to tenọpọn mì* nado do nukundagbe hia mì,+ Ewọ nasọ fọnṣite nado do lẹblanu hia mì.+ Na Jiwheyẹwhe whẹdida dodo tọn de wẹ Jehovah yin.+ Ayajẹnọ wẹ mẹhe to nukundo e zọnmii* lẹpo.+ 19  To whenue gbẹtọ lọ lẹ na nọ nọ̀ Ziọni, to Jelusalẹm,+ hiẹ ma na viavi paali.+ E họnwun dọ ewọ na nọ do nukundagbe hia we to whenue e sè awhágbe towe na alọgọ; tlolo he ewọ sè wẹ e na nọ siọ we.+ 20  Dile etlẹ yindọ Jehovah na na mì akla ayimajai tọn nado dù podọ osin kọgbidinamẹ tọn nado nù,+ Nuplọnmẹtọ Daho towe ma nasọ whlá ede do we ba, hiẹ nasọ yí nukun towe titi do mọ Nuplọnmẹtọ Daho towe.+ 21  Podọ otó towe titi na nọ sè ohó de to godo towe dọmọ, “Aliho lọ die.+ Mì nọ zinzọnlin gbọn e ji,” eyin mì wá yì adusiwhé kavi eyin mì wá yì amiyọnwhé.+ 22  Mìwlẹ nasọ hẹn fataka he yin búbú do boṣiọ pipà mìtọn lẹ podọ sika he yin viva do boṣiọ kinkọ̀n mìtọn lẹ go lọ flu.+ Mì na ze yé dlangbé taidi avọ̀ lajijẹ tọn bo dọna yé dọ, “Mì yì!”*+ 23  Ewọ nasọ hẹn jikun ja do jinukun he hiẹ do dó aigba mẹ lẹ ji,+ podọ núdùdù he aigba na detọ́n na sù bo dojó.+ To azán enẹ gbè, kanlin-yìnyìn towe lẹ na nọ dù amà to kanlindugbo he gblo lẹ ji.+ 24  Podọ oyìn po kẹtẹkẹtẹ lẹ po he nọ yin yíyí do pọ̀ aigba na nọ dù núdùdù kanlin tọn flusọ́ he dojó, ehe yè ko yí fẹli po fẹli-fẹ̀nnọ po do jàn. 25  Asisa osin tọn po osinwhín lẹ po nasọ tin to osó he yiaga po okọ́ta he yiaga lẹpo po ji+ to azán husudo daho lọ tọn gbè to whenue atọ̀họ̀ lẹ na họ́. 26  Hinhọ́n osun blebu tọn nasọ taidi hinhọ́n owhè tọn; hinhọ́n owhè tọn nasọ sinyẹn deji whla ṣinawe,+ taidi hinhọ́n azán ṣinawe tọn, to azán he gbè Jehovah blá apà* omẹ etọn lẹ tọn+ bo hù alán daho he nulimẹ etọn do yé go.+ 27  Pọ́n! Oyín Jehovah tọn ja sọn fidindẹn, Bo yí homẹgble etọn do to jiji gọna aslọ titli lẹ. Nùflo etọn lẹ gọ́ na adi, Podọ odẹ́ etọn tin taidi miyọ́n nuvasudotọ de.+ 28  Gbigbọ* etọn tin taidi agbàdo de he gọ́ na osin bo hẹnmẹ do okọ̀, Nado whàn akọta lẹ to jinjàn vasudo tọn* de mẹ; Ogàn de nasọ yin dido onù na gbẹtọ lọ lẹ+ bọ e na hẹn yé buali. 29  Ṣigba, ohàn mìtọn na taidi ohàn de he nọ yin jiji to zánmẹ To whenue mì to awuwlena* hùnwhẹ de,+ Podọ ahun mìtọn na nọ jaya taidi Mẹhe to zọnlinzin bo hẹn ován* To whenuena ewọ to aliji jei osó Jehovah tọn ji, yèdọ Osé Islaeli tọn lọ.+ 30  Jehovah na hẹn ogbè gigonọ etọn+ nado yin sisè Bo na de awà etọn+ hia dile e na to tejẹ to homẹgble sinsinyẹn mẹ,+ Po miyọ́n nuvasudotọ he to jiji de po,+ Yèdọ jikun wududu de,+ hẹviosò de po kẹ́nsu lẹ po.+ 31  Na obu na jẹ Asilia ji, na ogbè Jehovah tọn wutu;+ Ewọ na yí opò de do linú in.+ 32  Podọ dopodopo nulimẹ opò yasanamẹ etọn tọn He Jehovah na hẹnwa Asilia ji Na nọ zọnpọ hẹ nudidọ ohún po ajalẹn lẹ po tọn+ Dile ewọ na to awà etọn zedaga sọta yé to awhàn mẹ.+ 33  Na Tofẹti*+ etọn ko yin awuwlena dote; E ko sọ yin hinhẹn sọgbe na ahọlu lọ.+ E ko hẹn nake lọ lẹ nado yin tito do fihe siso bosọ gblo, Gọna miyọ́n susugege po nake po. Gbigbọ Jehovah tọn he taidi agbàdo whèmi tọn, Na domiyọ́n ẹn.

Nudọnamẹ Odò Tọn

To paa mẹ, “nọ kọ̀n avọ́nunina nùnù dai lẹ,” e họnwun dọ ehe na ko to alọdlẹndo gbekọndopọ de bibasi.
Kavi “bo ma kanhose sọn onù ṣie mẹ.”
To paa mẹ, “to figángán Falo tọn mẹ.”
Kavi “odàn adínọ he nọ to zinzlọn pé.”
Kavi “anademẹ.”
To paa mẹ, “Ohó vivi.”
Kavi “Jehovah to nukundo zọnmii.”
Kavi “mẹhe to tenọpọn ẹn po jejejininọ po.”
Kavi vlavo, “bo ylọ yé dọ dihó.”
Kavi “fihe wẹ́n na.”
Kavi “Gbọfufu.”
To paa mẹ, “to jinjàn onú ovọ́ lẹ tọn.”
Kavi “to mìde klandowiwe na.”
Kavi “to zọnlinzin sọgbe hẹ nudidọ ován de tọn.”
“Tofẹti” yin yiyizan tofi taidi nọtẹn yẹhiadonu tọn de fie miyọ́n nọ to jiji te, bo nọtena vasudo.